gujarat cold wave: ગુજરાતમાં કોલ્ડ વેવની અસર, આ સિઝનમાં અમદાવાદમાં પહેલીવાર પારો 11.2 ડિગ્રીએ પહોંચ્યો – cold wave warning for gujarat, weather department suggested action

0


હાઈલાઈટ્સ:

  • હવામાન વિભાગની ગુજરાતમાં બે દિવસ કોલ્ડ વેવની અસર રહેવાની આગાહી
  • રાજ્યમાં લઘુત્તમ તાપમાનનો પારો ગગડ્યો, 4.2 ડિગ્રી સાથે નલિયા સૌથી ઠંડું
  • માઉન્ટ આબુમાં તપામાન માઈનસમાં જતા પોલો ગ્રાઉન્ડમાં બરફ છવાઈ ગયો

અમદાવાદઃ ગુજરાતમાં બે દિવસ કોલ્ડ વેવની અસર રહેવાની આગાહી કરવામાં આવી છે. ગઈકાલની જેમ આજે પણ પારો ગગડીને નીચે આવવાની આગાહી કરાઈ છે. આ સાથે હવામાન વિભાગ દ્વારા લોકોને ઠંડીથી બચવા માટે જરુરી પગલા ભરવા માટેનું પણ સૂચન કરવામાં આવ્યું છે. પાછલા 10 વર્ષના આંકડા જોતા રાજ્યમાં 15થી 28 ડિસેમ્બર દરમિયાન ઠંડીનું જોર રહ્યું છે. જેમાં અમદાવાદમાં પાછલા વર્ષે 28 ડિસેમ્બરે સૌથી ઓછું તાપમાન 28મી તારીખે 8.3 ડિગ્રી નોંધાાયું હતું. જ્યારે આ સિઝનનું સૌથી ઓછું અમદાવાદનું તાપમાન ગઈકાલે 11.2 ડિગ્રી નોંધાયું હતું.

આજે પણ અમદાવાદ, વડોદરા, રાજકોટ, ભૂજ, ડીસા જેવા શહેરોમાં તાપમાનનો પારો 15 ડિગ્રીથી નીચે જશે તેવી સંભાવના કોલ્ડ વેવના લીધે વ્યક્ત કરાઈ રહી છે. જમ્મુ-કાશ્મીર અને હિમાચલ પ્રદેશમાં થઈ રહેલી હિમવર્ષાના કારણે સમગ્ર ઉત્તર ભારતમાં હાડ થીજવતી ઠંડી પડી રહી છે. જેની અસર ગુજરાતમાં પણ અનુભવાઈ રહી છે. ગુજરાતમાં નલિયા 4.2 ડિગ્રી સાથે સૌથી ઠંડું શહેર નોંધાયું છે.

સુરત: TRBના ઈમાનદાર જવાનોએ વૃદ્ધને પાછું આપ્યું પડી ગયેલું પર્સ, કરાશે સન્માન

હવામાન વિભાગ દ્વારા વ્યક્ત કરાયેલી કોલ્ડ વેવની આગાહી પ્રમાણે આજે પણ ગાત્રો થીજવતી ઠંડી પડવાની છે. આવામાં હવામાન વિભાગ દ્વારા તાજા જન્મેલા બાળકો, સગર્ભા મહિલાઓ, ઘરડા લોકોનું ઠંડીમાં ખાસ ધ્યાન રાખવાની જરુર છે. અમદાવાદ સહિત રાજ્યના અન્ય ભાગોમાં પવનના લીધે ઠંડીનું જોર વધુ અનુભવાઈ રહ્યું છે. હવામાન વિભાગે સૂચન કર્યું છે કે આવા સમયે શરીર ઠંડું ના પડી જાય તે માટે હાથ, પગ અને આખું શરીર ઢંકાય તે રીતે ગરમ કપડા પહેરવા જોઈએ.

પાછલા 10 વર્ષની અમદાવાદની ડિસેમ્બર મહિનાની ઠંડીની વાત કરીએ તો શહેરમાં 15 ડિસેમ્બર 2014ના રોજ લઘુત્તમ તાપમાન 7.4 ડિગ્રી નોંધાયું હતું. જ્યારે અત્યાર સુધીનું ડિસેમ્બરનું સૌથી નીચું તાપમાન 27 ડિસેમ્બર 1983ના દિવસે 3.6 ડિગ્રી નીચું ગયું હતું. હજુ આગામી દિવસોમાં અમદાવાદ અને રાજ્યના અન્ય શહેરોનું તાપમાન ઠંડું રહેવાની સંભાવના દેખાઈ રહી છે.

મંદિરમાં પ્રવેશ કરવા બાબતે પટેલ વૃદ્ધને કહ્યા અપશબ્દો, ઈંટથી માર માર્યો
માઉન્ટ આબુમાં બરફની ચાદર પથરાઈ

હિલ સ્ટેશન માઉન્ટ આબુમાં ગુરુ શિખરનું તાપમાન -5.4 ડિગ્રીએ પહોંચ્યું હતું. આ સિવાય માઉન્ટ આબુમાં ગઈકાલે તાપમાન માઈનસ 1 ડિગ્રી નોંધાયું હતું. આ સિવાય રાજસ્થાનના અન્ય ભાગોમાં પણ ઠંડીનું જોર દેખાયું હતું, અને આગામી દિવસોમાં પણ ઠંડી રહેવાની સંભાવના દેખાઈ રહી છે. માઉન્ટ આબુના પોલો ગ્રાઉન્ડ પર તાપમાન માઈનસ 1 ડિગ્રી થવાથી બરફની સફેદ ચાદર પથરાઈ ગઈ હતી. સામાન્ય રીતે ડિસેમ્બર મહિનામાં માઉન્ટ આબુમાં પ્રવાસીઓનો ધસારો વધારે રહે છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here