છોકરીઓ માટે લગ્નની ઉંમર 18થી વધારીને 21 વર્ષ કરવાના વિરોધમાં કેમ છે કોંગ્રેસ પાર્ટી? – why congress party is opposing government’s proposal of increasing marriageable age for girls

0


હાઈલાઈટ્સ:

  • કેબિનેટમાં મંજૂર થયો છોકરીઓ માટે લગ્નની ઉંમર વધારવાનો પ્રસ્તાવ.
  • શિયાળુ સત્ર દરમિયાન સંસદમાં આ બિલ રજૂ કરી શકે છે કેન્દ્ર સરકાર.
  • કોંગ્રેસ સહિત વિપક્ષની પાર્ટીઓ સંસદમાં બિલનો વિરોધ કરી શકે છે.

નવી દિલ્હી- મહિલાઓ માટે લગ્નની કાયદાકીય ઉંમર 21 વર્ષ કરવા માટે સરકાર સંસદમાં બિલ રજૂ કરવા જઈ રહી છે. કેન્દ્રિય કેબિનેટ તરફથી આ પ્રસ્તાવને મંજૂરી આપવામાં આવી છે, પરંતુ અમુક વિપક્ષની પાર્ટીઓ તેનો વિરોધ કરી રહી છે. વિરોધ કરનારા પક્ષોમાં કોંગ્રેસ પણ શામેલ છે. આજે જ્યારે સસંદમાં છોકરીઓ માટે લગ્નની ઉંમર 18થી વધારે 21 કરવાનું બિલ સરકાર રજૂ કરશે તો શક્ય છે કે કોંગ્રેસ પાર્ટી તેનો વિરોધ કરે. પાર્ટીનું સ્પષ્ટપણે કહેવું છે કે આ બિલ લાવવા પાછળના સરકારના ઈરાદા પર તેમને શંકા છે.

કોરોના જશે કે નહીં? છ મહિના પછી દિલ્હીમાં સૌથી વધુ નવા કેસ, મહારાષ્ટ્રમાં પણ ઓમિક્રોન વકર્યો

શક્ય છે કે આજે અથવા આવનારા દિવસોમાં આ બિલ સંસદમાં રજૂ કરવામાં આવશે. વિપક્ષની અન્ય પાર્ટીઓ પણ આ બિલનો વિરોધ કરી રહી છે, અને કોંગ્રેસે વિરોધ કરતા તેમને પણ મજબૂતી મળશે. વિપક્ષની પાર્ટીઓની માંગ છે કે, આ સંભવિત બિલને સમીક્ષા માટે સ્ટેન્ડિંગ કમિટી પાસે મોકલવામાં આવે.
અમારા સહયોગી ઈકોનોમિક ટાઈમ્સ સાથેની વાતચીતમાં કોંગ્રેસના મહાસચિવ કેસી વેણુગોપાલે જણાવ્યું કે, શિયાળુ સત્રના અંતિમ દિવસોમાં લગ્ન માટેની ઉંમર 21 વર્ષ કરવાના બિલને રજૂ કરવાની મોદી સરકારની ઉતાવળ જોઈને શંકા ઉભી થઈ રહી છે અને આ નિર્ણય રાજનીતિથી પ્રેરિત હોય તેમ લાગી રહ્યું છે. સરકારના આ પ્રસ્તાવનો પાર્ટીઓ અને સંગઠનો તરફથી વિરોધ શરુ થઈ ગયો છે. આ પગલાને અવૈજ્ઞાનિક, અર્થવિહોણું સાબિત કરી શકાય છે.

શું છે કોલ્ડ ડે અને કોલ્ડ વેવ વચ્ચેનું અંતર! આગામી 3 દિવસ કાતિલ ઠંડીથી બચીને રહેજો
કોંગ્રેસ નેતાએ જણાવ્યું કે, ખાસકરીને ગ્રામ્ય વિસ્તારોની યુવા મહિલાઓને શિક્ષણ અને તેમની આર્થિક સ્વતંત્રતા માટે પગલા લેવાની જરુર છે. સરકારે આ પ્રસ્તાવ રજૂ કરતા પહેલા તમામ હિતધારકો સાથે યોગ્ય ચર્ચા કરવી જોઈએ, જે તેમણે નથી કરી. આ સ્થિતિમાં કોંગ્રેસ પાર્ટી આ પ્રકારનું કોઈ પણ બિલ લાવવાના સરકારના નિર્ણયનો વિરોધ કરે છે.

રાજ્યોમાં ચૂંટણીઓ પહેલાં જે નેતાઓનાં ઘરે IT, ED, CBIની રેડ પડી તેમનાથી જ હારી BJP
કેસી વેણુગોપાલ ગાંધી પરિવારના પ્રમુખ રાજકીય સહયોગી છે. તેમણે જણાવ્યું કે, વાસ્તવમાં જો મોદી સરકાર ગંભીર છે અને મહિલાઓના સશક્તિકરણ પ્રત્યે પ્રતિબદ્ધ છે તો તેમણે મહિલા આરક્ષણ બિલને તાત્કાલિક સંસદમાં રજૂ કરવું જોઈએ, જેમાં લોકસભા અને રાજ્ય વિધાનસભાઓમાં મહિલાઓ માટે 33 ટકા આરક્ષણનો પ્રસ્તાવ છે. યુપીએ-2 દરમિયાન મહિલા કોટા બિલને રાજ્યસભામાં પસાર કરવામાં આવ્યુ હતું, તેને લોકસભાની મંજૂરીની જરુર હતી.

આગળ તેમણે જણાવ્યું કે, સરકારે મહિલાઓના લગ્નની લઘુત્તમ ઉંમર 21 વર્ષ કરવાનું બિલ લાવતા પહેલા વિવિધ મહિલા સંગઠનો અને પ્રતિનિધિઓ સાથે ચર્ચાવિચારણા કરવી જોઈતી હતી. આ પ્રસ્તાવ લાવવાના સમય અને હેતુ પર અમને શંકા થઈ રહી છે. સરકાર ખેડૂતોના મુદ્દા, લખીમપુર કાંડ, અજય મિશ્ર જેવા મુદ્દાઓ પરથી લોકોનું ધ્યાન હટાવવા માંગે છે. સરકાર મોંઘવારી, બેરોજગારી અને કોરોનાને લગતા મુદ્દાઓ પર વાત કરવા નથી માંગતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here