high voting in Gujarat gram panchayat election: ગ્રામ પંચાયતની ચૂંટણીમાં મતદાનની સરેરાશ 60% જેટલી ઊંચી રહી – high voting turnout in gujarat gram panchayat election held on 19th december

0


હાઈલાઈટ્સ:

  • કુલ પંચાયતો પૈકી 1,165 ગ્રામ પંચાયતો એવી હતી જેને સમરસ જાહેર કરાઈ હતી.
  • રવિવારે રાત્રે 8 વાગ્યા સુધીમાં રાજ્યમાં સરપંચ માટે મતદાન ટકાવારી 58.92% અને સભ્યો માટે 49.70% હતી.
  • જોકે આ ટકાવારી હજુ વધી શકે કારણ કે રાજ્ય ચૂંટણી પંચ દ્વારા હજુ પણ મતદાનનો ડેટા અપડેટ થઈ રહ્યો હતો.

ગાંધીનગર: સમગ્ર ગુજરાતમાં 8,600 થી વધુ ગ્રામ પંચાયતો માટે ચૂંટણી યોજાઈ હતી ત્યારે રાજ્યના મોટાભાગના વિસ્તારોમાં રવિવારે મતદાનની ઊંચી ટકાવારી જોવા મળી હતી. તો કુલ મળીને 1,165 ગ્રામ પંચાયતો એવી હતી જે સમરસ જાહેર થઈ હતી અને અહીં મતદાન વગર જ સર્વસંમતિથી પંયાચતની રચના કરવામાં આવી હતી. કારણ કે ગ્રામજનોએ સર્વસંમતિથી સરપંચ અને પંચાયત સભ્યોના નામ પર સંમતિ દર્શાવી હતી.

ગુજરાત ગ્રામ પંચાયત ચૂંટણીમાં સરેરાશ 60 ટકાથી વધુ મતદાન, 21મીએ મતગણતરી

મતદાનના આંકડાઓ હજુ પણ અપડેટ કરવામાં આવી રહ્યા હતા અને રવિવારે સાંજે 8 વાગ્યા સુધી સત્તાવાર રીતે સરપંચ માટે રાજ્યની મતદાન ટકાવારી સરેરાશ 58.92% હતી જ્યારે સભ્યો માટે સરેરાશ મતદાન ટકાવારી 49.70% હતી. જો કે આ ટકાવારી વધુ વધવાની ધારણા છે, કારણ કે રાજ્ય ચૂંટણી પંચ (SEC) દ્વારા હજુ પણ મતદાનનો ડેટા અપડેટ કરવામાં આવી રહ્યો હતો. ગ્રામ પંચાયતની ચૂંટણીઓ રાજકીય પક્ષોના પ્રતીકો પર લડવામાં આવતી નથી, પરંતુ વિધાનસભા ચૂંટણીના નિર્ણાયક વર્ષની પૂર્વસંધ્યાએ ગ્રામ પંચાયતની ચૂંટણીના પરિણામો ગ્રામીણ ગુજરાતના મૂડનું બેરોમીટર હશે. બંને મુખ્ય રાજકીય પક્ષો – ભાજપ અને કોંગ્રેસ – દાવો કરે છે કે તેઓ રાજ્યની મોટાભાગની ગ્રામ પંચાયતોમાં પ્રભુત્વ ધરાવે છે.

રાજ્યની 1,165 ગ્રામ પંચાયતોના 9,613 જેટલા વોર્ડને ‘સમરસ’ જાહેર કરવામાં આવ્યા હતા – જ્યાં સરપંચ અને સભ્યો મતદાન વિના સર્વસંમતિથી ચૂંટાયા હતા. અન્ય 463 સરપંચો અને 27,479 વોર્ડને આંશિક રીતે ‘સમરસ’ જાહેર કરવામાં આવ્યા છે. જ્યારે 48,573 વોર્ડમાં 8,513 સરપંચો ચૂંટવા માટે 8,690 ગ્રામ પંચાયતોમાં મતદાન થયું હતું.
ગ્રામ પંચાયતની ચૂંટણી: વીરપુરમાં પોલીસે મતદારને માર માર્યાનો વિડીયો વાયરલ
એક સત્તાવાર રીલીઝમાં જણાવાયું છે કે સરપંચના પદ માટે 27,200 વ્યક્તિઓ અને 1,19,998 વ્યક્તિઓ ગ્રામ પંચાયત સભ્ય પદ માટે ચૂંટણી લડી રહ્યા હતા. રવિવારે જ્યાં ચૂંટણી યોજાઈ હતી ત્યાં ‘સમરસ’ તરીકે જાહેર ન કરાયેલા ગામોમાં કુલ 1.81 કરોડ વ્યક્તિઓ પોતાનો મત આપવા માટે પાત્ર હતા. રાજ્યભરના 23,112 મતદાન મથકોમાંથી, ચૂંટણી પંચે 6,698 મતદાન મથકોને સંવેદનશીલ અને 3,040 મતદાન મથકોને અત્યંત સંવેદનશીલ તરીકે વર્ગીકૃત કર્યા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here