Karan Kundrra: Bigg Boss 15: કરણ કુંદ્રા અને તેજસ્વી પ્રકાશ કરશે લગ્ન? સંબંધોને આપશે નવું નામ! – bigg boss 15 karan kundrra and tejasswi prakash will get married said rajiv adatia

0


હાઈલાઈટ્સ:

  • બિગ બોસ 15ના ઘરમાંથી રિતેશ સાથે રવિવારે બહાર થયો રાજીવ અડાતિયા
  • કરણ કુંદ્રા તેજસ્વી પ્રકાશને પ્રેમ કરે છે અને તેઓ ખરેખર લગ્ન કરી લેશેઃ રાજીવ અડાતિયા
  • જો કરણ કુંદ્રા અને તેજસ્વી પ્રકાશ લગ્ન નહીં કરે તો હું તેમને પરણાવીશઃ રાજીવ અડાતિયા

રાજીવ અડાતિયા બિગ બોસ 15ના ઘરમાંથી બહાર થનારો લેટેસ્ટ કન્ટેસ્ટન્ટ છે. રવિવારના ‘વીકએન્ડ કા વાર’ એપિસોડમાંથી બે કન્ટેસ્ટન્ટને બહાર કરવામાં આવ્યા હતા. રાખી સાવંતના પતિ રિતેશ બાદ આઉટ થનારો રાજીવ અડાતિયા બીજો કન્ટેસ્ટન્ટ હતો. રાજીવનું એલિમિનેશન થતાં બાકીના ઘરવાળાને નવાઈ લાગી હતી અને તેમની આંખો પણ ભીની થઈ ગઈ હતી. બિગ બોસના ઘરમાંથી બહાર આવ્યા બાદ, રાજીવ અડાતિયાએ ઘરમાં તેની જર્ની અને બાકીના કન્ટેસ્ટન્ટ્સ વિશે વાક કરી હતી. આ સિવાય તેણે ઈન્ટરવ્યૂમાં કરણ કુંદ્રા અને તેજસ્વી પ્રકાશના રિલેશનશિપ વિશે પણ જણાવ્યું હતું.

BB 15: રિતેશ બહાર થતાં ધ્રૂસકે-ધ્રૂસકે રડી રાખી સાવંત, કોરી ખાય છે એક વાતની ચિંતા
એક ઈન્ટરવ્યૂમાં કરણ કુંદ્રા અને તેજસ્વી પ્રકાશના સંબંધો વિશે વાત કરતાં રાજીવ અડાતિયાએ કહ્યું હતું કે, કરણ તેજસ્વીને ખૂબ પ્રેમ કરે છે અને તેને લાગે છે કે બંને ખરેખર લગ્ન કરી લેશે. કરણ કુંદ્રાનો તેજસ્વી પ્રત્યે ઘણીવાર પઝેસિવ સ્વભાવ જોવા મળ્યો છે. આ સિવાય તેણે અનેકવાર સંબંધોને લઈને તેજસ્વીને સવાલ પણ કર્યા છે. આ વાત માટે તેને સલમાન ખાને ઠપકો પણ આપ્યો હતો. આ અંગે વાત કરતાં રાજીવે કહ્યું ‘બોયફ્રેન્ડ પઝેસિવ નહીં હોય તો કોણ હશે?. તેજસ્વી જ્યારે ન ગમતી વાત કરે છે ત્યારે કરણ તેના પર ગુસ્સે થઈ જાય છે. ગમે તે રિલેશનશિપમાં, દરેક વખતે તમારો મંતવ્ય મેળ ખાતો નથી. તેજસ્વી ક્યારેક પોતાની વાત સાબિત કરવામાં મક્કમ રહે છે. ઘણીવાર તે સાંભળતી નથી અને હાયપર થઈ જાય છે’.

‘કરણ કુંદ્રા તેને ખૂબ પ્રેમ કરે છે. તમે તે વાત કાગળ પર પણ લખી શકો છો કે તેઓ ખરેખર પરણી જશે. જો તેઓ નહીં કરે તો હું પંડિત બની જઈશ અને બિગ બોલના ઘરમાં તેમના લગ્ન કરાવીશ’, તેમ તેણે ઉમેર્યું હતું.

કપિલ શર્માનો અમિતાભ બચ્ચનન પર આરોપ! KBCમાં સુંદર મહિલાઓને પૂછે છે સરળ સવાલ
તેજસ્વી પ્રકાશના ભાઈ પ્રતીકે પણ થોડા દિવસ પહેલા બંનેના રિલેશનશિપ વિશે વાત કરતા કહ્યું હતું કે, ‘હું શિકાગોમાં રહુ છું અને પરિવાર ભારતમાં રહે છે. મારી મોમ સાથે જે પણ વાત થઈ તેમાં તો તેમણે કરણના વખાણ જ કર્યા છે. અત્યાર સુધી તો તેમને કરણથી કોઈ ફરિયાદ નથી. હવે કરણ અને તેજા પર નિર્ભર કરે છે. બાકી પરિવાર તરફથી તો કોઈ સમસ્યા નહીં થાય’.

એક એપિસોડમાં કરણે કહ્યુ હતું કે, જ્યોતિષની ભવિષ્યવાણી અનુસાર મારા લગ્ન માર્ચમાં થશે અને તે પણ મારા કરતા નવ વર્ષ નાની યુવતી સાથે. તેના પર પ્રતીકે કહ્યું હતું કે, ‘માર્ચ તો હમણાં આવી જશે, જો આ બન્ને નક્કી કરી લીધું હોય કે એકબીજા સાથે ખુશ છે, ટ્રસ્ટ કરે છે અને એકબીજાને બેટર હાફ તરીકે જોઈ શકે છે તો તેમણે લગ્ન કરી લેવા જોઈએ’.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here