omicron good news: ઓમિક્રોનના ભય અને નિરાશા વચ્ચે ત્રણ સારા સમાચાર જગાવી રહ્યા છે આશા – amid the fear of omicron in india three good news are awakening hope

0


હાઈલાઈટ્સ:

  • દેશમાં કોરોનાના રોજ 6થી 7 હજારની આસપાસ કેસ આવી રહ્યા છે, પરંતુ ઓમિક્રોનનો ડર
  • UK સહિત વિશ્ના ઘણા દેશોમાં કોરોનાના નવા વેરિયન્ટના કેસોમાં સતત વધારો થઈ રહ્યો છે
  • માસ્ક, રસી અને સોશિયલ ડિસ્ટન્સિંગનું પાલન કરતા રાહતના 3 સ્પષ્ટ સંકેતો વિશે જાણીએ

નવી દિલ્હી: દેશમાં કોરોનાનું ટેન્શન ઘટી રહ્યું હતું, લોકો તેમના જીવનને પાટા પર લાવવાનો પ્રયાસ કરી રહ્યા હતા, ત્યારે કોરોનાના વધુ એક વેરિયન્ટ ઓમિક્રોનની એન્ટ્રી થઈ, જેથી ચિંતા, અનિશ્ચિતતા અને નિરાશાનો માહોલ છે. ભારતમાં ઓમિક્રોનના દર્દીઓની સંખ્યા 200થી ઓછી હોવા છતાં, યુકેમાં ભયંકર પરિસ્થિતિ આવનારા દિવસોમાં જોખમની ચેતવણી આપી રહી છે. AIIMSના ડાયરેક્ટર ડૉ.રણદીપ ગુલેરિયાએ પણ ચેતવણી આપી છે કે આપણે સાવધાન રહેવું પડશે. જો કે, આવા ભયના વાતાવરણમાં પણ કેટલાક સારા સમાચાર પણ આવ્યા છે. આવો જાણીએ એવી 3 બાબતો જે ઓમિક્રોનના ડર વચ્ચે નવી આશા જગાડી રહી છે.

1. વેક્સીન લીધા પછી પણ પોઝિટિવ થયા તો…
કોરોનાની રસી લીધા પછી પણ લોકો પોઝીટીવ થઈ રહ્યા છે. એક અમેરિકન રિસર્ચમાં જણાવવામાં આવ્યું છે કે જે લોકોને કોરોના વેક્સીનના બંને ડોઝ મળી ગયા છે અને તે પછી પણ તેઓ સંક્રમિત થઈ રહ્યા છે, તો તેમનામાં ‘સુપર ઇમ્યુનિટી’ આવી રહી છે. આ કિસ્સાઓમાં એન્ટિબોડીઝનું સ્તર 1000 ટકાથી 2000 ટકા સુધી વધી રહ્યું છે. ઓરેગાંવ હેલ્થ એન્ડ સાયન્સ યુનિવર્સિટીમાં 26 લોકો પર કરવામાં આવેલા સંશોધનમાં આ વાત સામે આવી છે. આ લોકોને કોરોનાની રસી મળી હતી અને તેમને ક્યારેય કોરોના વાયરસનો ચેપ લાગ્યો નથી. આ ગ્રુપમાં એન્ટિબોડીનું સ્તર નોંધપાત્ર રીતે વધ્યું છે.

2. દક્ષિણ આફ્રિકાથી સારા સમાચાર
ઓમિક્રોન વિશે દક્ષિણ આફ્રિકાથી સારા સમાચાર છે. ડેટા દર્શાવે છે કે લોકો આ ચેપથી વધુ ગંભીર નથી થઈ રહ્યા, અને માત્ર થોડા લોકોને હોસ્પિટલમાં દાખલ થવું પડ્યું છે અને થોડી સંખ્યામાં લોકોને ઓક્સિજનની જરૂર છે. આ એવા સમયે છે જ્યારે દેશના મોટા ભાગના લોકો સંપૂર્ણ રીતે રસી લગાવી શક્યા નથી. આ સાથે જોડાયેલા સમાચાર શેર કરતા ઉદ્યોગપતિ હર્ષ ગોયેન્કાએ લખ્યું કે તેનો અર્થ એ નથી કે આપણે બેદરકાર રહીએ પરંતુ આપણે ગભરાવાની જરૂર નથી. અહેવાલ સૂચવે છે કે ઓમિક્રોનના કેસોમાં ઝડપી વૃદ્ધિના પ્રમાણમાં હોસ્પિટલમાં દાખલ થવા અને મૃત્યુ થયા નથી, જે રાહતની બાબત છે. ઉલ્લેખનીય છે કે, ઓમિક્રોન પ્રકાર પ્રથમ દક્ષિણ આફ્રિકામાં દેખાયો હતો અને અત્યાર સુધીમાં આ વેરિયન્ટ વિશ્વના 90 દેશોમાં ફેલાયો છે અને સોમવારે સવાર સુધી ભારતમાં 157 કેસ નોંધાયા છે.

3. પેન્ડેમિકથી એન્ડેમિક
સંશોધકોના મતે જો Omicron વેરિયન્ટના વર્તમાન વ્યાપની જેમ પરિસ્થિતિ ચાલુ રહેશે, તો આગામી વર્ષોમાં, SARS-CoV2 વાયરસ ફ્લૂ અને સામાન્ય શરદીની જેમ સ્થાનિક રોગ બની જશે. નિષ્ણાતો કહે છે કે જ્યારે વાયરસ વધુ ફેલાય છે પરંતુ તેની તીવ્રતા ઓછી જોવા મળે છે, ત્યારે કહી શકાય કે તે રોગચાળાથી સ્થાનિક તબક્કામાં આગળ વધી રહ્યો છે. SARS-CoV-2ના ઓમિક્રોન વેરિયન્ટના કિસ્સામાં સ્પષ્ટ સંકેતો છે કે વાયરસ અગાઉના ડેલ્ટા વેરિઅન્ટ કરતાં વધુ ચેપી છે, પરંતુ ચેપગ્રસ્ત લોકો ઉચ્ચ જોખમમાં નથી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here