Sayli kamble: ‘ઈન્ડિયન આઈડલ 12’ ફેમ સાયલી કાંબલેએ બોયફ્રેન્ડ સાથે કરી સગાઈ, નિહાલ, અંજલી, નચિકેત રહ્યા હાજર – indian idol 12 fame sayli kamble got engaged to boyfriend dhawal her friend nihal tauro attended the ceremony

0


હાઈલાઈટ્સ:

  • ‘ઈન્ડિયન આઈડલ 12’ની સેકન્ડ રનર-અપ હતી સાયલી કાંબલે.
  • સાયલીની સગાઈમાં અનુ મલિક પણ હાજર રહ્યા.
  • લાંબા સમય બાદ ‘ઈન્ડિયન આઈડલ 12’ના કન્ટેસ્ટન્ટ્સ સાયલીની સગાઈમાં ભેગા થયા.

‘ઈન્ડિયન આઈડલ 12’ની સેકન્ડ રનર-અપ રહેલી સિંગર સાયલી કાંબલેએ હાલમાં જ સગાઈ કરી છે. સાયલી કાંબલેએ બોયફ્રેન્ડ ધવલ સાથે પરિવારજનો અને મિત્રોની હાજરીમાં સગાઈ કરી હતી. સાયલી અને ધવલની ખુશીમાં સામેલ થવા ‘ઈન્ડિયન આઈડલ 12’ના તેના મિત્રો પણ હાજર રહ્યા હતા.

ગૂંચવાયેલા સંબંધોની ‘ગહેરાઈયાં’ બતાવશે દીપિકા પાદુકોણની ફિલ્મ, ફર્સ્ટ લૂક-રિલીઝ ડેટ જાહેર

સાયલી કાંબલે અને ધવલ ખાસ્સા ટાઈમથી રિલેશનશીપમાં છે અને હવે તેઓ પોતાના સંબંધને એક ડગલું આગળ લઈ ગયા છે. સાયલીએ ઈન્સ્ટાગ્રામ સ્ટોરીમાં ધવલ સાથેની સગાઈના અનેક વિડીયો શેર કર્યા છે. સાયલી કાંબલ અને ધવલ બંનેએ એકબીજાને ઘૂંટણિયે બેસીને વીંટી પહેરાવી હતી. પહેલા ધવલે ઘૂંટણિયે બેસીને સાયલીને રિંગ પહેરાવી અને ત્યાર પછી સાયલી તેને રિંગ પહેરાવા નીચે બેસતાં તે ફરીથી નીચે બેસી ગયો હતો. ધવલને રિંગ પહેરાવ્યા પછી સાયલી ભાવુક થઈ હતી ત્યારે ધવલે તેના આંસુ લૂછ્યા હતા. કપલનો આ ક્યૂટ વિડીયો સોશિયલ મીડિયા પર વાયરલ થઈ રહ્યો છે.

સગાઈના વેન્યૂ પર સાયલી અને ધવલે શાનદાર એન્ટ્રી કરી હતી. ત્યારે બધા જ મહેમાનોની નજર તેમના પર ચોંટી ગઈ હતી. સગાઈ કર્યા બાદ સાયલી અને ધવલે કેક કાપીને એકબીજાને ખવડાવી હતી. આ દરમિયાન ‘ઈન્ડિયન આઈડલ 12’નો સાયલીનો બેસ્ટ ફ્રેન્ડ નિહાલ અને નચિકેત લેલે પણ તાળીયો પાડતા જોઈ શકાય છે.

સગાઈ કર્યા બાદ સાયલી અને ધવલ મન મૂકીને ડાન્સ પણ કર્યો હતો. તેમનું ધમાકેદાર પર્ફોર્મન્સ જોઈને ત્યાં હાજર સૌ ખુશ થઈ ગયા હતા.

sayli indian idol1

sayli indian idol

સાયલી અને ધવલની સગાઈમાં ‘ઈન્ડિયન આઈડલ 12’માંથી નિહાલ, નચિકેત ઉપરાંત અંજલી ગાયકવાડ, અનુષ્કા બેનર્જી અને નંદિની પણ હાજર રહ્યા હતા. અંજલીએ ‘ઈન્ડિયન આઈડલ 12’ની ગેંગ સાથેની તસવીરો ઈન્સ્ટાગ્રામ સ્ટોરીમાં શેર કરી હતી. તસવીરો શેર કરતાં તેણે લખ્યું હતું, ‘ઘણાં દિવસો બાદ જ્યારે મળ્યા મિત્રો.’ આ ઉપરાંત કોરિયોગ્રાફર પુનિત પાઠકની પત્ની કે જે ‘ઈન્ડિયન આઈડલ 12’ની ક્રિએટિવ ટીમનો ભાગ હતી તે પણ સગાઈમાં હાજર રહી હતી.

પ્રેગ્નેન્ટ છે ‘સિંઘમ’ની એક્ટ્રેસ કાજલ અગ્રવાલ? લેટેસ્ટ તસવીરોમાં જોવા મળ્યો બેબી બંપ!

anu malik at sayli

સાયલી અને ધવલની સગાઈમાં ‘ઈન્ડિયન આઈડલ 12’ના જજ રહી ચૂકેલા અનુ મલિક પણ ઉપસ્થિત રહ્યા હતા. સોશિયલ મીડિયા પર સાયલીની સગાઈ દરમિયાનની તેમની તસવીર વાયરલ થઈ રહી છે.

બે દિવસ પહેલા જ સાયલીએ ઈન્સ્ટાગ્રામ અકાઉન્ટ પર એક વિડીયો શેર કર્યો હતો. જેમાં ધવલ તેને લગ્ન માટે રોમેન્ટિક અંદાજમાં પ્રપોઝ કરતો જોવા મળી રહ્યો છે. સાયલીને પ્રપોઝ કરવા ધવલે ફૂલો અને ફુગ્ગાથી રૂમ સજાવ્યો હતો. સાયલીએ આ વિડીયો શેર કરતાં લખ્યું, “હંમેશા મારી સાથે રહેવા માટે તારો આભાર ધવલ. મારો પ્રેમ, મારો મિત્ર, મારો માર્ગદર્શક અને હવે મારો જીવનસાથી. હંમેશા તારી સાથે રહેવા ઉત્સુક છું. આઈ લવ યુ.”

269621348_967526693861915_2047671574187241794_n

ઉલ્લેખનીય છે કે, ‘ઈન્ડિયન આઈડલ 12’ દરમિયાન નિહાલ અને સાયલી ખૂબ સારા મિત્રો બની ગયા હતા. ત્યારે તેમના અફેરની ચર્ચા થતી હતી. જોકે, બંને અવારનવાર સ્પષ્ટતા કરતા હતા કે તેઓ એકબીજાને ભાઈ-બહેન માને છે. ‘ઈન્ડિયન આઈડલ 12’ પૂરું થયાના થોડા દિવસ બાદ જ સાયલીએ સોશિયલ મીડિયા પર ધવલ સાથે ફોટો શેર કરીને રિલેશનશીપ ઓફિશિયલ કરી હતી.





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here