head clerk paper leak: પેપર લીક કાંડ: કમલમનો ઘેરાવ કરવા પહોંચેલા AAPના કાર્યકરો પર પોલીસનો લાઠીચાર્જ, ઘણા ઘવાયા – paper leak: aap leaders protest at bjp headquarter kamalam, police lathi charge on protesters

0


હાઈલાઈટ્સ:

  • ગત 12મી ડિસેમ્બરે લેવાયેલી હેડ ક્લાર્કની પરીક્ષાનું પેપર લીક થઈ ગયું હતું.
  • આ મામલે આપના કાર્યકરો આજે ભાજપના પ્રદેશ પ્રમુખ સીઆર પાટિલને ચેતવણી પત્ર આપવા પહોંચ્યા હતા.
  • કમલમ્ ખાતે પોલીસે આપના કાર્યકરો પર લાઠીચાર્જ કરતા ઘણા લોકો ઘવાયા હતા.

અમદાવાદ: ગુજરાત ગૌણ સેવા પસંદગી મંડળ દ્વારા લેવાયેલી હેડ ક્લાર્કની પરીક્ષાનુ પેપર લીક થવાનો મામલો દિવસેને દિવસે વધુ ગરમાઈ રહ્યો છે. આ મામલે સોમવારે આમ આદમી પાર્ટીએ ગાંધીનગર ખાતે અલગ-અલગ જગ્યાએ વિરોધ પ્રદર્શન કર્યું હતું અને બાદમાં તેઓ અમદાવાદના કોબા સર્કલ પાસે આવેલા ભાજપના કાર્યાલય કમલમને ઘેરવા પહોંચ્યા હતાં. જ્યાં પોલીસે લાઠીચાર્જ કરતા ગોપાલ ઈટાલિયા સહિત ઘણા કાર્યકરો ઘવાયા હતા. પોલીસે આપના નેતા ઈસુદાન ગઢવી સહિત ઘણા કાર્યકરોની અટકાયત કરી હતી.

ઈસુદાને નશાની હાલતમાં છેડતી કરી હોવાનો ભાજપનાં મહિલા કાર્યકરોનો આક્ષેપ

જાણવા મળ્યા મુજબ, પોલીસના લાઠીચાર્જમાં ઘવાયેલા ગોપાલ ઈટાલિયા સહિતના કાર્યકરોને ગાંધીનગર સિવિલમાં લઈ જવાયા છ. જ્યારે બાકીના કાર્યકરોને સેક્ટર 27 એસપી ઓફિસે લઈ જવાયા છે.

પરિવારમાં કોઈને કોરોનાના લક્ષણ હોય તો બાળકને સ્કૂલે ન મોકલવા આદેશઉલ્લેખનીય છે કે, ગત 12મી ડિસેમ્બરે ગુજરાત ગૌણ પસંદગી મંડળ દ્વારા લેવાયેલી હેડ ક્લાર્કની પરીક્ષા યોજાઈ હતી. તેનું પેપર ફૂટી ગયું હતું અને આ પેપર સાણંદના પ્રિન્ટિંગ પ્રેસમાં ફૂટ્યુ હોવાનુ પોલીસે જણાવ્યું હતું. પોલીસે એ મામલે પ્રિન્ટિંગ પ્રેસના સુપરવાઈઝર સહિત કેટલાક શખસોની ધરપકડ કરી છે. આ પેપર 200થી વધુ લોકો સુધી પહોંચ્યુ હોવાનું કહેવાઈ રહ્યું છે.

કમલમ્ ખાતે બનેલી ઘટના અંગે ગુજરાત આપના પ્રવક્તા મિહિર પટેલે જણાવ્યું હતું કે, આપ ગુજરાતના પ્રદેશ પ્રમુખ ગોપાલ ઈટાલિયા પર ગુજરાત યુવાનો માટે અવાજ ઉઠાવવાના ગુનામાં ભાજપની કઠપૂતળી પોલીસ અને ભાજપના ગુંડાઓ દ્વારા હુમલો કરાયો છે.
ગુજરાતમાં કોલ્ડ વેવની અસર, આ સિઝનમાં અમદાવાદમાં પહેલીવાર પારો 11.2 ડિગ્રીએ પહોંચ્યો
પેપર લીક કાંડ મામલે આપના ગુજરાત અને યુથ વિંગ દ્વારા આ વિરોધ પ્રદર્શન યોજાયું હતું. તેમાં આપના નેતા ઈસુદાન ગઢવી, ગોપાલ ઈટાલિયા, પ્રવીણ રામ, મનોજ સોરઠિયા, નિખિલ સવાણી સહિતના નેતાઓ જોડાયા હતા. આ લોકો ભાજપના પ્રદેશ પ્રમુખ સીઆર પાટિલને પેપર લીક કાંડ મુદ્દે ચેતવણી પત્ર આપવા પહોંચ્યા હતા. તેઓ આ મામલે અસિત વોરાન તેમના પદ પરથી હટાવવાની માગ કરી રહ્યા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here