isudan gadhvi: ઈસુદાને નશાની હાલતમાં છેડતી કરી હોવાનો ભાજપનાં મહિલા કાર્યકરોનો આક્ષેપ – bjp mahila morcha leader shraddha rajput alleges misbehaviour by aap leader isudan gadhvi

0


હાઈલાઈટ્સ:

  • ગોપાલ ઈટાલિયા અને ઈસુદાનને પોલીસે કસ્ટડીમાં લીધા, ઈસુદાનનો મેડિકલ ટેસ્ટ થશે
  • ઈટાલિયાનો આક્ષેપ, પેપર લીકમાં નાની માછલી પકડાય છે અને મોટા માથાંને કંઈ નથી થતું
  • ભાજપના કાર્યકરોએ આપના કાર્યકરો સાથે મારામારી કરી હોવાનો પણ સામો આક્ષેપ

ગાંધીનગર: ગૌણ સેવા પસંદગી મંડળ દ્વારા તાજેતરમાં લેવાયેલી હેડ ક્લાર્કની પરીક્ષાનું પેપર લિક થયું હોવાના મામલે આજે આમ આદમી પાર્ટી દ્વારા કમલમનો ઘેરાવ કરવામાં આવ્યો હતો. જોકે, આ દરમિયાન ભાજપના કાર્યકર્તાઓ અને આમ આદમી પાર્ટીના કાર્યકરો વચ્ચે ઝપાઝપી થઈ હતી. ઘટનાસ્થળ પર પહોંચેલી પોલીસે પણ લાઠીચાર્જ કરીને ટોળાંને વિખેર્યું હતું. આમ આદમી પાર્ટીના ટોચના નેતાઓ ગોપાલ ઈટાલિયા અને ઈસુદાન ગઢવી પણ આ ઘેરાબંધીમાં હાજર હતા, જેમના પર ભાજપની મહિલા કાર્યકર્તાઓએ છેડતીના આક્ષેપ કર્યા છે.

ભાજપના મહિલા કાર્યકરો અને આગેવાનોએ ત્યાં સુધી કહ્યું હતું કે ઈસુદાન ગઢવીએ નશાની હાલતમાં છેડતી કરી છે. આ સિવાય મહિલાઓ સાથે આપના કાર્યકર્તાઓએ અણછાજતું વર્તન કર્યું હોવાના આક્ષેપ પણ કરવામાં આવ્યા હતા. ભાજપના મહિલા કાર્યકર્તા શ્રદ્ધા રાજપૂત અને શ્રદ્ધા રાજપૂતે ઈસુદાન નશાની હાલતમાં હોવાનો દાવો કરી પોલીસ સમક્ષ રજૂઆત કરી છે. ટીવી રિપોર્ટ્સ અનુસાર, હાલ ઈસુદાન અને ગોપાલ ઈટાલિયાને સેક્ટર 21 પોલીસ સ્ટેશનમાં રાખવામાં આવ્યા છે. ઈસુદાન નશાની હાલતમાં હતા કે કેમ તે ચકાસવા માટે તેમનો મેડિકલ રિપોર્ટ પણ કરાવવામાં આવશે. બીજી તરફ, આમ આદમી પાર્ટી દ્વારા આ આક્ષેપોને AAPના નેતાને બદનામ હોવાનું કાવતરું હોવાનો દાવો કરતા આ આક્ષેપોને ફગાવી દેવાયા હતા.

આમ આદમી પાર્ટી દ્વારા આજે પોલીસ દ્વારા કરાયેલી કાર્યવાહીના વિડીયો પણ પોતાના સત્તાવાર ટ્વીટર હેન્ડલ પર શેર કરવામાં આવ્યા હતા. જેમાં જોઈ શકાય છે કે, પોલીસ ટીંગાટોળી કરીને લોકોને ત્યાંથી લઈ ગઈ હતી, જેમાં કેટલાક કાર્યકરો રસ્તા પર ફસડાઈ પડ્યા હતા. આમ આદમી પાર્ટીનો આક્ષેપ છે કે, પોલીસે તેના કાર્યકરોને ટાર્ગેટ કરીને લાઠીચાર્જ કર્યો છે જેમાં કેટલાક કાર્યકર્તાઓ ઘવાયા પણ છે.

ગોપાલ ઈટાલિયા અને ઈસુદાન ગઢવીને પોલીસે પકડીને વાહનમાં બેસાડી દીધા બાદ બંનેએ મીડિયાને જણાવ્યું હતું કે, દરેક વખતે પેપર ફુટે તેમાં ભાજપના લોકોના જ નામ સામે આવે છે. જોકે, કોઈને સજા નથી થતી. માત્ર નાની માછલી પકડાય છે અને અસિત વોરા જેવા લોકો બિન્ધાસ્ત ફરે છે. જેથી આજે આમ આદમી પાર્ટીના કાર્યકરો પેપર ફુટવાના મૂળ કેન્દ્ર એવા ભાજપના કાર્યાલય પર રજૂઆત કરવા આવ્યા હતા. ગોપાલ ઈટાલિયાએ સીધો આક્ષેપ કર્યો હતો કે ભાજપના લોકોએ બધા સાથે મારામારી કરી છે, અને મહિલાઓ સાથે પણ ગેરવર્તન કરવામાં આવ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here