aam aadmi party (aap): કમલમ પર બબાલ: AAPના નેતા ઈસુદાન, ઈટાલિયા સહિત 500 સામે નોંધાઈ ફરિયાદ – protest at kamalam gujarat police complaint against isudan gadhvi and gopal italiya

0


આમ આદમી પાર્ટીના નેતા ઈસુદાન ગઢવી અને ગોપાલ ઈટાલિયા વિરુદ્ધ પોલીસ ફરિયાદ દાખલ કરવામાં આવી છે. સોમવારે બપોરે ભાજપના પ્રદેશ કાર્યાલય કમલમ ખાતે આપના કાર્યકર્તાઓ દ્વારા હોબાળો મચાવવામાં આવ્યો હતો. ભાજપના પ્રદેશ કાર્યાલય ખાતે આપ અને આપની યુથ વિંગના નેતાઓ તથા કાર્યકર્તાઓએ કમલમનો ઘેરાવ કર્યો હતો.
રાજ્યના 8 મહાનગરોમાં 31 ડિસેમ્બર સુધી નાઈટ કર્ફ્યુ, ગૃહ વિભાગે નોટિફિકેશન બહાર પાડ્યું
જોકે, આ દરમિયાન ભાજપ અને આપના કાર્યકર્તાઓ વચ્ચે ઝપાઝપી થઈ હતી. બાદમાં આપના નેતા ઈસુદાન ગઢવી પર ભાજપના મહિલા કાર્યકર્તા શ્રદ્ધા રાજપૂતે છેડતીનો આરોપ લગાવ્યો હતો. તેમણે તેવો પણ દાવો કર્યો હતો કે ઈસુદાન ગઢવી નશાની હાલતમાં હતા. પોલીસે ઈસુદાનની અટકાયત કરી હતી અને ટેસ્ટ માટે તેમને લઈ જવામાં આવ્યા હતા.

બાદમાં પોલીસે ઈસુદાન ગઢવી, ગોપાલ ઈટાલિયા, પ્રવીણ રામ, શિવકુમાર અને નિખીલ સવાણી સામે ફરિયાદ નોંધી છે. જેમાં પોલીસે બિનજામીન પાત્ર કલમ પણ ઉમેરી છે.

ઈસુદાન ગઢવી પર છેડતીનો આરોપ
ભાજપના મહિલા કાર્યકરો અને આગેવાનોએ ત્યાં સુધી કહ્યું હતું કે ઈસુદાન ગઢવીએ નશાની હાલતમાં છેડતી કરી છે. આ સિવાય મહિલાઓ સાથે આપના કાર્યકર્તાઓએ અણછાજતું વર્તન કર્યું હોવાના આક્ષેપ પણ કરવામાં આવ્યા હતા. ભાજપના મહિલા કાર્યકર્તા શ્રદ્ધા રાજપૂત અને શ્રદ્ધા રાજપૂતે ઈસુદાન નશાની હાલતમાં હોવાનો દાવો કરી પોલીસ સમક્ષ રજૂઆત કરી છે. ટીવી રિપોર્ટ્સ અનુસાર, હાલ ઈસુદાન અને ગોપાલ ઈટાલિયાને સેક્ટર 21 પોલીસ સ્ટેશનમાં રાખવામાં આવ્યા છે. ઈસુદાન નશાની હાલતમાં હતા કે કેમ તે ચકાસવા માટે તેમનો મેડિકલ રિપોર્ટ પણ કરાવવામાં આવશે. બીજી તરફ, આમ આદમી પાર્ટી દ્વારા આ આક્ષેપોને AAPના નેતાને બદનામ હોવાનું કાવતરું હોવાનો દાવો કરતા આ આક્ષેપોને ફગાવી દેવાયા હતા.

પેપર લીક મામલે આમ આદમી પાર્ટીએ કર્યા હતા દેખાવો
ગુજરાત ગૌણ સેવા પસંદગી મંડળ દ્વારા લેવાયેલી હેડ ક્લાર્કની પરીક્ષાનુ પેપર લીક થવાનો મામલો દિવસેને દિવસે વધુ ગરમાઈ રહ્યો છે. આ મામલે સોમવારે આમ આદમી પાર્ટીએ ગાંધીનગર ખાતે અલગ-અલગ જગ્યાએ વિરોધ પ્રદર્શન કર્યું હતું અને બાદમાં તેઓ અમદાવાદના કોબા સર્કલ પાસે આવેલા ભાજપના કાર્યાલય કમલમને ઘેરવા પહોંચ્યા હતાં. જ્યાં પોલીસે લાઠીચાર્જ કરતા ગોપાલ ઈટાલિયા સહિત ઘણા કાર્યકરો ઘવાયા હતા. પોલીસે આપના નેતા ઈસુદાન ગઢવી સહિત ઘણા કાર્યકરોની અટકાયત કરી હતી.
IPL- 2022 માટે મેગા ઓક્શન ક્યારે થશે? નવી તારીખ આવી સામેઉલ્લેખનીય છે કે, ગત 12મી ડિસેમ્બરે ગુજરાત ગૌણ પસંદગી મંડળ દ્વારા લેવાયેલી હેડ ક્લાર્કની પરીક્ષા યોજાઈ હતી. તેનું પેપર ફૂટી ગયું હતું અને આ પેપર સાણંદના પ્રિન્ટિંગ પ્રેસમાં ફૂટ્યુ હોવાનુ પોલીસે જણાવ્યું હતું. પોલીસે એ મામલે પ્રિન્ટિંગ પ્રેસના સુપરવાઈઝર સહિત કેટલાક શખસોની ધરપકડ કરી છે. આ પેપર 200થી વધુ લોકો સુધી પહોંચ્યુ હોવાનું કહેવાઈ રહ્યું છે.

કમલમ્ ખાતે બનેલી ઘટના અંગે ગુજરાત આપના પ્રવક્તા મિહિર પટેલે જણાવ્યું હતું કે, આપ ગુજરાતના પ્રદેશ પ્રમુખ ગોપાલ ઈટાલિયા પર ગુજરાત યુવાનો માટે અવાજ ઉઠાવવાના ગુનામાં ભાજપની કઠપૂતળી પોલીસ અને ભાજપના ગુંડાઓ દ્વારા હુમલો કરાયો છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here