sa vs ind: શાર્દુલ-વિહારી કે રહાણેમાંથી પ્રથમ ટેસ્ટમાં કોને ચાન્સ આપશે વિરાટ કોહલી? – shardul-vihari or rahane? virat kohli give chance to whom in first test against sa

0


હાઈલાઈટ્સ:

  • સાઉથ આફ્રિકા સામેની પ્રથમ ટેસ્ટ મેચમાં વિરાટ કોહલી પાંચ બોલર્સ કે પછી છ બેટર્સ સાથે મેદાનમાં ઉતરશે?
  • પાંચ બોલર્સ સાથે મેદાનમાં ઉતરે તો ઓલરાઉન્ડર શાર્દુલ ઠાકુરને ટીમમાં મોકો મળી શકે છે
  • છ બેટર્સના વિકલ્પમાં વિહારી કે પછી રહાણેમાંથી એક ખેલાડી ટીમમાં સામેલ થઈ શકે છે

ભારતીય ટીમ 26 ડિસેમ્બરથી સાઉથ આફ્રિકામાં પ્રથમ ટેસ્ટ રમશે. આ ટેસ્ટ માટે ટીમ ઈન્ડિયા હાલ સાઉથ આફ્રિકામાં આકરી પ્રેક્ટિસ કરી રહી છે. દરમિયાન એવી પણ ચર્ચા છે કે, આ મેચ માટે સ્ટેડિયમમાં દર્શકોને એન્ટ્રી આપવામાં આવશે નહીં. પણ ઓમિક્રોનની વિકટ સ્થિતિ વચ્ચે વિરાટ કોહલી માટે ટીમ ઈન્ડિયામાં કોને સામેલ કરવા તેને લઈને સમસ્યા સર્જાઈ છે. વિરાટ કોહલી પ્રથમ ટેસ્ટમાં ઓલ રાઉન્ડર શાર્દુલ ઠાકુરને ટીમમાં સામેલ કરી પાંચ બોલર્સ સાથે ઉતરશે, કે પછી સાઉથ આફ્રિકાની બાઉન્સવાળી પિચને જોતાં અજિંક્ય રહાણેને ટીમમાં સામેલ કરવામાં આવશે?

26 ડિસેમ્બરથી સાઉથ આફ્રિકાના સેન્ચુરીયનમાં ભારત અને સાઉથ આફ્રિકા સામેની પ્રથમ મેચ રમાશે. અને ટીમમાં બોલર્સ કે પછી બેટ્સમેનને સામેલ કરવો તેને લઈને ચર્ચાઓ શરૂ થઈ ગઈ છે. આ ઉપરાંત બોક્સિંગ ડે ટેસ્ટ મેચ માટે આ બે ખેલાડીઓ સહિત હનુમાન વિહારીનું નામ ચર્ચાઈ રહ્યું છે. ભારતીય ટીમ છેલ્લા ત્રણ દિવસથી સેન્ચુરિયનના સુપરસ્પોર્ટ પાર્કમાં પ્રેક્ટિસ કરી રહી છે.

સાઉથ આફ્રિકા પ્રવાસઃ રોહિતની ગેરહાજરીમાં રાહુલ બનશે ટેસ્ટ ટીમનો ઉપસુકાની

સાઉથ આફ્રિકા દ્વારા મહેમાન દેશ ભારતને મુખ્ય સ્ટેડિયમની સેન્ટર વિકેટ પર પ્રેક્ટિસનો મોકો આપ્યો છે. ટેસ્ટ મેચ અગાઉ સેન્ટર વિકેટ પર પ્રેક્ટિસ SENA(સાઉથ આફ્રિકા, ઈંગ્લેન્ડ, ન્યૂઝીલેન્ડ, ઓસ્ટ્રેલિયા) દેશોમાં મુશ્કેલીથી મળે છે. બીસીસીઆઈ.ટીવી દ્વારા પોસ્ટ કરવામાં આવેલાં એક વિડીયોમાં હેડ કોચ રાહુલ દ્રવિડ મુખ્ય પિચ પર અભ્યાસના ફાયદા ગણાવ્યા હતા.

ભારતીય ટેસ્ટ ટીમનો સુકાની વિરાટ કોહલી પ્રથમ ટેસ્ટ મેચમાં પાંચ બોલર્સ સાથે મેદાનમાં ઉતરી શકે છે. નંબર 7 બેટર્સ રવીન્દ્ર જાડેજાની ગેરહાજરીમાં મિડલ ઓર્ડરમાં ટીમ ઈન્ડિયાને ફટકો પડશે. ભૂતપૂર્વ મુખ્ય સિલેક્ટર એમએસકે પ્રસાદે કહ્યું કે, જો ટીમ પાંચ બોલર્સ સાથે ઉતરે છે તો શાર્દુલ ઠાકુર એક બેસ્ટ વિકલ્પ છે, આ ઉપરાંત આપણી પાસે આર. અશ્વિન પણ છે. ટીમમાં જસપ્રિત બુમરાહ, મોહમ્મદ શમી, અશ્વિન અને મોહમ્મદ સિરાઝ આ ચાર બોલર્સ ટીમમાં સામેલ થશે, જો કે હાલના ફોર્મને જોતાં સિરાઝના સ્થાને ઈશાંત શર્માને ટીમમાં મોકો મળશે નહીં.
29 વર્ષ પછી દ.આફ્રિકામાં ઈતિહાસ રચી શકશે કોહલી એન્ડ કંપની? શું કહે છે આંકડા
આ ઉપરાંત જો વિરાટ એક્સ્ટ્રા બેટર્સ સાથે મેદાનમાં ઉતરવા માગે તો તેની પાસે રહાણે અથવા વિહારીમાંથી ગમે તે એક ખેલાડીને પસંદ કરવો પડશે. હનુમાન વિહારી કે જેને હાલમાં જ ન્યૂઝીલેન્ડ સામે રમાયેલ ઘરેલુ ટેસ્ટ સીરિઝ સ્થાન આપવામાં આવ્યું ન હતું, તેણે ગત મહિને સાઉથ આફ્રિકા એ સામે 3 ફિફ્ટી પ્લસ સ્કોર 54, 72, 63 રન બનાવ્યા હતા. અને રહાણેને તેનું પ્રદર્શન સાબિત કરવા માટે છેલ્લી વખત ટેસ્ટમાં તેને મોકો આપવામાં આવી શકે છે. અને જો કોહલી દ્રવિડના રસ્તા પર ચાલે કે જે સેફ્ટી ફર્સ્ટ છે તો છઠ્ઠા બેટર તરીકે રહાણેને ટીમમાં સ્થાન મળશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here