in laws harass woman after girl birth, પરિણિતાએ દીકરી જન્મતા સાસરીયાઓ ખિજાયા, ત્રાસ આપી પિયરમાં મોકલી દીધી – husband and in laws harass woman after she gave birth to girl in rajkot

0


રાજકોટઃ જામનગરમાં પતિ અને સાસરીયાઓ સાથે રહેતી પરિણિતાને એક ખરાબ અનુભવ થયો હતો. પરિણિતાને ત્રાસ આપી માનસિક અને શારીરિક રીતે હેરાન પરેશાન કરવામાં આવી હતી. એટલુ જ નહીં પરિણિતાએ દીકરીને જન્મ આપતા સાસરીયાઓનોં (In laws Harass Woman) મોંઢા પડી ગયા હતા. જે બાદ પરિણિતાને તેના પિયરમાં મોકલી દીધી હતી. પરિણિતા નાગેશ્વરમાં આવેલા પટેલ ચોક નજીક આવેલા આશીર્વાદ એપાર્ટમાં હાલ પિયરમાં રહેવા મજબૂર બની હતી. નવ માસથી તે અહીં રહેતી હોવા છતા સાસરીયાઓ તેને તેડવા માટે આવ્યા નહીં. આખરે પરિણિતાએ તેના પતિ, સાસુ, સસરા અને નણંદ વિરુદ્ધ મહિલા પોલીસ (Rajkot News) સ્ટેશનમાં ફરિયાદ નોંધાવી હતી.

નવ મહિનાથી પરિણિતા પિયરમાં રહે છે
પ્રાપ્ત રિપોર્ટ મુજબ, આશીર્વાદ એપાર્ટમાં રહેતી 22 વર્ષીય નિકીતાબેને મહિલા પોલીસ સ્ટેશનમાં તેના પતિ કૃણાલ, સસરા નટવરલાલ ચૌહાણ, સાસુ લત્તાબેન અને નણંદ હિના વિરુદ્ધ ફરિયાદ નોંધાવી છે. પરિણિતાએ ફરિયાદમાં એવા આક્ષેપો કર્યા છે કે, તેણે એફવાય બીએ સુધીનો અભ્યાસ કર્યો છે. તેના લગ્ન કૃણાલ સાથે 2020માં થયા હતા. લગ્ન થયા બાદ તે સંયુક્ત કુટુંબમાં રહેવા આવી હતી. પરંતુ તેનો પતિ જામનગરમાં નોકરી કરતો હતો. જેથી પરિણિતા તેના પતિ સાથે એક ભાડાના મકાનમાં રહેતી હતી.

તારા દાંત લાંબા છે, રસોઈ પણ નથી આવડતી
આ દરમિયાન પરિણિતાના સાસુ, સસરા અને નણંદ તેની સાથે રહેવા માટે આવી ગયા હતા. અહીં આવ્યા પછી સાસરીયાઓએ પરિણિતાને હેરાન પરેશાન કરવાનું ચાલુ કર્યુ હતુ. સાસુ પરિણિતાને એવું કહેતા હતા કે, તારા દાંત લાંબા છે. તને રસોઈ પણ બનાવતા આવડતુ નથી. તારા માતા-પિતાએ તને શું શીખવાડ્યું છે. બીજી તરફ, પરિણિતાની નણંદ હિનાના પણ છૂટાછેડા થઈ ગયા હતા. જેથી તે તેમની સાથે રહેતી હતી. હિના પણ પરિણિતાને ત્રાસ આપતી હતી અને કહેતી હતી કે, હું કૉલેજથી આવું ત્યારે તારે બધુ કામ કરીને તૈયાર રાખવાનું. હું કોઈ પણ જાતનું કામ કરીશ નહીં.

સોલામાં પોલીસ પરિવારે સામૂહિક આપઘાત કરતા ચકચાર, આત્મહત્યાનું કારણ અકબંધ

બીજુ કોઈ ગમતું હોય તો લગ્ન કરાવી આપીએ
સસરા પણ પરિણિતાને એવું કહેતા હતા કે તને કોઈ છોકરો ગમતો હોય તો તેની સાથે લગ્ન કરાવી આપીશું. અમારા દીકરા માટે અનેક સંબંધની વાતો આવી હતી. પણ તું ક્યાંથી અમારા માાથે પડી. જ્યારે પરિણિતા ગર્ભવતી હતી ત્યારે તેનું સારી રીતે ધ્યાન પણ રાખવામાં આવતુ નહોતું. તેને સારી રીતે જમવાનું પણ નહોતા આપતા. પતિને જ્યારે વાત કરતી ત્યારે તે પણ સાથ છોડી દેતા અને કોઈ વાત સાંભળતા નહીં. દવાખાને જવાનું થાય ત્યારે પતિ પણ સાથે નહોતો આવતો.
સુરતના PIનો એકતરફી પ્રેમ! પરિણીતાની કૉલ ડિટેઈલ કઢાવીને ફોન કરનારાઓને ધમકાવ્યા!
…એટલે સિઝેરિયન કરાવવું પડ્યું
જ્યારે પરિણિતાને ત્રીજો મહિનો ચાલી રહ્યો હતો ત્યારે પતિ રોજ સિલીંગ ફેન સાફ કરાવડાવતા. આ રીતે તેને માનસિક અને શારીરિક ત્રાસ આપતા હતા. બાદમાં પરિણિતાની પ્રસૂતિ એક ખાનગી હોસ્પિટલમાં કરાવી હતી. દીકરીનો જન્મ થતા સાસારીયાઓનો મોંઢા પડી ગયા હતા અને તેમને ગમ્યુ નહોતું. હોસ્પિટલમાંથી ઘરે લાવ્યા બાદ તેને સારી રીતે જમવાનું પણ નહોતા આપતા. કોઈ ખબર અંતર પૂછવા માટે આવે તો તેની સાસુ એવું કહેતી હતી કે, આ કોઈ કામ કરતી નહોતી એટલે સિઝેરિયન કરાવવું પડ્યું.

સાસારીયાઓ ફરક્યા પણ નહીં
પંદર દિવસ પછી સાસુએ પરિણિતાની માતાને ફોન કર્યો અને તેને તેડી જવા માટેની વાત કરી હતી. એ પછી પરિણિતા પોતાના પિયરમાં રહેવા માટે ગઈ હતી. 9 મહિનાથી તે પિયરમાં રહેતી હોવા છતા તેના સાસરીયાઓ તેને તેડવા માટે આવ્યા નહીં. આખરે પરિણિતાએ મહિલા પોલીસ સ્ટેશનમાં સાસરીયાઓ વિરુદ્ધ ફરિયાદ નોંધાવી હતી. ત્યારે પોલીસે પણ ગુનો નોંધીને આગળની કાર્યવાહી હાથ ધરી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here