iPhone 14ના લોન્ચ પહેલાં Appleને મોટો ઝટકો, આ દેશે ફોન વેચવા પર લગાવ્યો પ્રતિબંધ – brazil bans sales of apple iphones that do not come with charger

0


Brazil Bans Sales of Apple iPhone: 7 સપ્ટેમ્બરે Apple દ્વારા iPhone 14 લોન્ચ કરવામાં આવનાર છે. આ માટે એપલ દ્વારા તમામ તૈયારીઓ પણ કરી લેવામાં આવી છે. પણ ઈવેન્ટ પહેલાં જ એપલને મોટો ઝટકો લાગ્યો છે. બ્રાઝિલ દ્વારા દેશમાં એપલના આઈફોન વેચવા પર પ્રતિબંધ લગાવી દેવામાં આવ્યો છે. ધ વર્જના રિપોર્ટ અનુસાર Apple iPhones સાથે ચાર્જર ન આપવાથી નાખુશ બ્રાઝિલ દ્વારા આઈફોનના વેચાણ પર પ્રતિબંધ મૂકી દીધો છે. એટલું જ નહીં, પણ બ્રાઝિલે એપલને 2.39 મિલિયન ડોલરનો દંડ પણ ફટકાર્યો છે. બ્રાઝિલે iPhone 12 અને તેનાથી ઉપરના તમામ મોડેલ્સના વેચાણ પર પ્રતિબંધ મૂકી દીધો છે, કે જેની સાથે ચાર્જર આવતું નથી. તમને જણાવી દઈએ કે, iPhone 12ના લોન્ચ સાથે એપલ દ્વારા ફોનની સાથે ચાર્જર આપવાનું બંધ કરી દેવામાં આવ્યું હતું.

ચાર્જરલેસ આઈફોનને કારણે ગ્રાહકોના ખિસ્સા પર ભાર પડે છે
બ્રાઝિલ દ્વારા આઈફોન 12 અને તેથી ઉપરના મોડેલ્સના વેચાણ પર પ્રતિબંધ લગાવી દીધા છતાં પણ એપલની વેબસાઈટ પર આઈફોન 12 વેચાણ માટે ઉપલબ્ધ હોવાનું સ્થાનિક અખબારે જણાવ્યું હતું. બ્રાઝિલની કન્ઝ્યુમર એજન્સીએ જણાવ્યું હતું કે, ચાર્જરલેસ આઈફોનને કારણે ગ્રાહકોના ખિસ્સા પર ભાર વધે છે. અને એપલ પર્યાવરણને બચાવવા માટે અન્ય ઉપાયો જેવા કે USB-C પોર્ટનો ઉપયોગ વગેરે અપનાવી શકે છે.

મંગળવારે બ્રાઝિલના સત્તાવાર ગેઝેટમાં આ અંગેની સત્તાવાર જાહેરાત કરવામાં આવી હતી. જેમાં મંત્રાલય દ્વારા જણાવવામાં આવ્યું હતું કે, આઈફોન દ્વારા જાણીજોઈને ગ્રાહકોની વિરુદ્ધમાં પ્રેક્ટિસ કરતાં આઈફોનમાં ખુબ જ મહત્વપુર્ણ પાર્ટ આપવામાં આવતો નથી. ગત વર્ષે આઈફોન 12 ફોનમાં ચાર્જર ન આપવા બદલ બ્રાઝિલ દ્વારા આઈફોન ઉપર 2 મિલિયન ડોલરનો દંડ ફટકારવામાં આવ્યો હતો. બ્રાઝિલે જણાવ્યું કે, કંપનીએ નુકસાનને ઓછું કરવા માટે અન્ય કોઈ ઉપાય કર્યાં નથી અને ચાર્જર વગર જ ફોનનું વેચાણ ચાલુ રાખ્યું છે.

બ્રાઝિલના આ નિર્ણય સામે અપીલ કરશે એપલ
આ અંગે Apple Inc દ્વારા જણાવવામાં આવ્યું હતું કે, ચાર્જર વગર આઈફોન વેચવા પર પ્રતિબંધ લગાવવાના ઓર્ડર ઉપર તેઓ અપીલ કરશે. સાથે જ કંપનીએ એમ પણ જણાવ્યું હતું કે, તે બ્રાઝિલની કન્ઝ્યુમર પ્રોટેક્શન એજન્સી સાથે કામ કરવાનું ચાલુ રાખશે. આ મામલે અમે બ્રાઝિલની વિવિધ કોર્ટમાં કેસ જીતી ચૂક્યા છે અને અમને વિશ્વાસ છે કે, અમારા ગ્રાહકો ચાર્જિંગના વિવિધ ઓપ્શન અંગે જાગૃત છે.

2020માં એપલ દ્વારા ફોન સાથે ચાર્જર અને ઈયરબડ્સ આપવાનું બંધ કરી દીધું હતું
તમને જણાવી દઈએ કે, 2020માં એપલે જાહેરાત કરતાં કહ્યું હતું કે, પર્યાવરણને બચાવવા માટે તેઓ આઈફોનની સાથે ચાર્જર અને ઈયરબડ્સ નહીં આપે, અને ફક્ત USB-C લાઈટનિંગ કેબલ આપવામાં આવશે. કંપનીએ પોતાના આ નિર્ણય અંગે જણાવ્યું હતું કે, આ બે એસેસરી ન આપવાને કારણે કાર્બન એમિસન ઘણું ઓછું થશે. જો કે, એક્સપર્ટ્સના જણાવ્યા અનુસાર, એપલનો આ નિર્ણયને કારણે પર્યાવરણ કરતાં એપલને આર્થિક રીતે ખુબ જ લાભદાયી સાબિત થયો હતો.

USB-C ચાર્જરને ફરજિયાત વિવિધ દેશો વિચારી રહ્યા છે
બ્રાઝિલ જ નહીં એપલના આ નિર્ણયનો વિરોધ અનેક દેશોમાં થઈ રહ્યો છે. યુરોપિયન યુનિયન પણ એપલના આ નિર્ણયની વિરુદ્ધમાં છે. યુરોપિયન યુનિયન ટૂંક સમયમાં એક નવો કાયદો લાવવા જઈ રહ્યું છે, જેમાં 2024 સુધીમાં તમામ ફોન મેકર કંપનીઓ માટે USB-C પોર્ટનો ઉપયોગ ફરજિયાત કરી દેવામાં આવશે. આ ઉપરાંત બ્રાઝિલ પણ USB-C ચાર્જરને ફરજિયાત કરવા અંગે વિચાર કરી રહ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here