Apple Watch Series 8 લોન્ચ, ક્રેશ ડિટેક્શન સહિત મળશે આ શાનદાર હેલ્થ ફીચર્સ – apple watch series 8 launched know about price and features

0


Apple Watch Series 8 Launch: Apple દ્વારા આજે Far Out ઈવેન્ટ દરમિયાન Apple Watch Series 8ને લોન્ચ કરી દીધી છે. એપલની આ લેટેસ્ટ સ્માર્ટવોચમાં એકથી એક શાનદાર નવા ફીચર્સ આપવામાં આવ્યા છે. જેમાં ક્રેશ ડિટેક્શન, નવા ટેમ્પરેચર સેન્સર્સ, મહિલાઓ માટે ખાસ પીરિયડ સાયકલ ટ્રેકિંગ સહિતના અઢળક ફીચર્સ આપવામાં આવ્યા છે. એટલું જ નહીં પ્રાઈવેસીને લઈને પણ એપલની આ સ્માર્ટવોચમાં ખાસ ધ્યાન રાખવામાં આવ્યું છે. આજથી આ સ્માર્ટવોચનું બુકિંગ શરૂ થઈ ચૂક્યું છે અને 16 સપ્ટેમ્બરથી તે ગ્રાહકોને ઉપલબ્ધ થઈ જશે તેમ એપલ દ્વારા જણાવવામાં આવ્યું છે.

Apple Watch Series 8 કિંમત
એપલ દ્વારા ઈવેન્ટમાં કિંમત અંગે જણાવાયું હતું કે, Apple Watch Series 8ની કિંમત $399 GPS માટે અને $499 સેલ્યુલર માટે હશે. જો કે, હવે ભારતીય માર્કેટમાં તેની કિંમત કેટલી રાખવામાં આવે છે, તે જોવું રહ્યું. જો કે, એપલ દ્વારા એમ પણ જણાવવામાં આવ્યું હતું રે, આ સ્માર્ટવોચ ખરીદવાની સાથે 3 મહિનાનું Fitness Plus ફ્રી મળશે.

Apple Watch Series 8 ફીચર્સ, સ્પેસિફિકેશન અને સેન્સર્સ
Apple Watch Series 8 સ્માર્ટવોચમાં બે નવા મોશન સેન્સર્સ આપવામાં આવ્યા છે, જે ગંભીર કાર અકસ્માતને પણ ડિટેક્ટ કરી શકે છે અને ઈમરજન્સી કોન્ટેક્ટને તમારા લોકેશન સહિતની માહિતી પહોંચાડી શકે છે. આ ઉપરાંત કંપનીએ કહ્યું કે, સ્માર્ટવોચમાં આપવામાં આવેલું ટેમ્પરેચર સેન્સર 0.1 ડિગ્રી સેલ્સિયસ તાપમાનનો ફેરફાર પણ માપી શકે છે. અને દર પાંચ સેકન્ડે તે તમારું તાપમાન માપી શકે છે. આ ઉપરાંત આખી રાત દરમિયાન તે તમારા શરીરનું તાપમાન માપી શકે છે. આ ઉપરાંત મહિલાઓ માટે ખાસ ovulation cycle અંગેની માહિતી પણ પૂરી પાડશે. કંપનીએ જણાવ્યું કે, આ ડેટા એપલની પાસે પણ નહીં રહે. માત્ર સ્માર્ટવોચ યુઝર્સ પાસે જ તેનો ડેટા રહેશે અને આ ડેટ એન્ડ ટુ એન્ડ એન્ક્રિપ્ટેડ હશે.

Apple Watch Series 8

આ ઉપરાંત એપલ દ્વારા જણાવાયું છે કે, આ સ્માર્ટવોચમાં ખાસ ક્રેશ ડિટેક્શન (રોડ અકસ્માત)નું ફીચર પણ આપવામાં આવ્યું છે, જે કાર ડ્રાઈવિંગ વખતે ચાલુ થશે. આ માટે કંપનીએ આ સ્માર્ટવોચમાં થ્રી એક્સિસ ગાયરોસ્કોપ અને હાઈ જી ફર્સ એક્સલરોમીટર સેન્સર્સ ઉમેર્યા છે, જે 256 જી સુધીનો ફોર્સ માપી શકવાની ક્ષમતા ધરાવે છે. આ ઉપરાંત તમે ઈસીજી પણ નીકાળી શકો છો. બ્લડ ઓક્સિજન પણ માપી શકો છો.

આ ઉપરાંત કંપનીએ લૉ પાવર મોડની પણ જાહેરાત કરી છે. એપલની આ સ્માર્ટવોચ ફૂલ ચાર્જ પર 18 કલાકની બેટરી લાઈફ આપે છે. પણ લૉ પાવર મોડમાં ફૂલ ચાર્જ પર બેટરી 36 કલાક સુધી ચાલી શકે છે. પણ તેમાં એક્ટિવિટી ટ્રેકિંગ, ફોલ્ટ ડિટેક્શન સહિતની અમુક ફીચર્સ બંધ કરી દેવામાં આવે છે. એપલના સીઈઓ ટીમ કૂક દ્વારા જણાવાયું હતું કે, Apple Watch Series 8એ એપલ સ્માર્ટવોચ લાઈનઅપની સૌથી શ્રેષ્ઠ સ્માર્ટવોચ છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here