jacob stevenson’s weight loss story, 30 વર્ષની ઉંમરે 200 કિલો થઇ ગયું હતું યુવકનું વજન, ડોક્ટર અને ચોક્કસ ડાયટની મદદથી ઘટાડ્યું 99 કિલો! – jacob stevenson weight loss journey how 30-year-old food addict jacob stevenson loses more than 99 kilos

0


Jacob Stevenson Weight Loss Story: પાંચ સ્લાઇસના પિત્ઝા, સીરિયલ (cereal)નું એક આખું બોક્સ, પાસ્તા અને ચિકન બ્રેસ્ટ્સ ખાન-પાનની આ એવી વસ્તુઓના નામ છે જેણે 30 વર્ષીય જેકોબ સ્ટીવન્સન (Jacob Stevenson’s weight)ના વજનને 441 પાઉન્ડ એટલે કે, 200 કિલો પર પહોંચાડી દીધું હતું.

જેકોબના પરિવારમાં મેદસ્વિતા (obesity) વારસાગત હતી, ઉપરાંત તે પોતે પણ ફૂડ એડિક્ટ હતો, પરિણામે તેનું વજન સતત વધતું જ રહ્યું. આ સિવાય તેનું બેઠાડું જીવન અને એક્સરસાઇઝ નહીં કરવાની આદત તેના શારિરીક સ્વાસ્થ્યને વધારે ખરાબ કરતી ગઇ.

આજે સ્ટીવન્સન કહે છે કે, હું એક પ્રકારે ફૂડ એડિક્ટ હતો, મને ખાતા રહેવું ખૂબ જ પસંદ હતું. ઘણીવાર તો હું ત્યાં સુધી ખાધા કરતો જ્યાં સુધી મને ઉબકાં કે ઉલટી ના થઇ જાય. 30 વર્ષીય સ્ટીવન્સને એડમ્સ, ન્યૂયોર્ક (Adams, New York)ને આપેલા લાઇવ ઇન્ટરવ્યુમાં આ વાત કહી હતી. અહીં જાણો, સ્ટીવન્સનને વજન ઉતારવાની પ્રેરણા કેવી રીતે મળી અને 200 કિલોથી 99 કિલો વજન કેવી રીતે ઘટાડ્યું.

(સૌજન્યઃ ટાઇમ્સ ઓફ ઇન્ડિયા) (Images: Instagram/ @jakesweightloss)

​અલાર્મ પોઇન્ટ શું હતું

જેકોબ પોતાના ઇન્ટરવ્યુમાં જણાવે છે કે, મારુંવજન સતત વધતું જ રહ્યું જેની અસર મને સ્વાસ્થ્ય પર દેખાવા લાગી. હું પુરતી ઉંઘ લઇ શકતો નહતો. અડધી રાત્રે અથવા ઉંઘ દરમિયાન ગમે તે સમયે મને શ્વાસ લેવામાં તકલીફ થતી અને હું જાગી જતો. ડોક્ટર પાસે તપાસ બાદ મને જાણ થઇ કે હું રાત્રે ભાગ્યે જ શ્વાસ લઇ શકતો હતો. જેકોબના શરીરમાં શ્વાસોશ્વાસની તકલીફના કારણે રાત્રિ દરમિયાન પુરતા પ્રમાણમાં ઓક્સિજન પહોંચતો નહતો. સપ્ટેમ્બર 2020માં જેકોબે પોતાનું વજન કરાવ્યું જે 441 પાઉન્ડ્સ એટલે કે, 200 કિલો હતો. બસ આ દિવસથી જ તેણે નક્કી કર્યુ કે તે પોતાનું વજન ઘટાડશે.

​ઓક્ટોબરમાં થઇ સર્જરી

2020માં ઓક્ટોબર મહિનામાં જેકોબે રોક્સ-એન-વાય ગેસ્ટ્રીક બાયપાસ (Roux-en-Y gastric bypass)ની સર્જરી કરાવી. જેકોબે પોતાની ઇન્સ્ટાગ્રામ પોસ્ટમાં લખ્યું કે, વેઇટ લોસ સર્જરી પ્રોસેસ (weight loss surgery process) દરમિયાન હું અનેક ન્યૂટ્રિશન ક્લાસિસ અટેન્ડ કરતો હતો. આ ક્લાસિસમાં તમારાં દિમાગમાં સતત એ વાત મુકવામાં આવે છે કે, તમારે માત્ર અમુક કેલેરી જ લેવાની છે, અમારાં ડાયટમાંથી કાર્બ્સ શક્ય હોય ત્યાં સુધી ઓછા જ લેવાના હતા અને અમુક પ્રકારના ફૅટ ફૂડથી તો દૂર જ રહેવાનું હતું.

​Roux-en-Y ગેસ્ટ્રીક બાયપાસ શું છે?

Roux-en-Y-

Roux-en-Y ગેસ્ટ્રીક બાયપાસમાં આપણાં પેટની આસપાસ નાનું પાઉચ તૈયાર કરવામાં આવે છે જે નાના આતરડાં સાથે સંકળાયેલું હોય છે. આ વજન ઘટાડવાની સૌથી કોમન સર્જરી છે જે અમેરિકામાં કરવામાં આવે છે. આ પ્રકારની બેરિઆટ્રિક સર્જરી (type of bariatric surgery) એવા લોક પર કરવામાં આવે છે જેઓને ડાયટ અને એક્સરસાઇઝથી કોઇ ખાસ ફરક નથી જોવા મળતો.

જેકોબની ઇન્સ્ટાગ્રામ પોસ્ટ

​સર્જરી બાદ શું થયું?

જેકોબ પોતાની પોસ્ટમાં જણાવે છે કે, આટલાં વર્ષો બાદ જ્યારે તમારાં શરીરમાંથી 99 કિલો (220lbs) વજન ઘટી જાય ત્યારે તમે કેવી રીતે સેલિબ્રેટ કરશો? હું પબ્લિક પ્લેસિસ પર જઇને બૂમો પાડતો હતો, ટ્રક પર ચઢીને ખુલ્લા ખેતરોમાં ફરતો રહ્યો. ઘણીવાર મારાં વજન ઘટાડવાની જર્નીને હું પોતે જ વિશ્વાસ નથી કરતો, મને હજુ પણ ભરોસો નથી થઇ રહ્યો કે મેં આટલું વજન ઘટાડી દીધું છે. હું આજે પણ એ જ ફૂડ એડિક્ટ જેકોબ તરીકે મારી જાતને જોઇ રહ્યો છું.

નોંધઃ આ સમાચાર માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

આ સમાચારને અંગ્રેજીમાં વાંચવા માટે અહીં ક્લિક કરો





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here