ગોંડલઃ ઘરેથી નીકળ્યાની 30 જ સેકન્ડમાં આખલાએ વૃદ્ધને 4 ફૂટ ઉછાળ્યા, ટૂંકી સારવાર બાદ મોત – in gondal bull pounced on the old man in a matter of seconds and he died

0


રાજકોટના ગોંડલમાં વધુ એક વ્યક્તિએ ઢોરના કારણે જીવ ગુમાવ્યો છે. 3 સપ્ટેમ્બરે બનેલી ઘટનામાં ગોંડલના દરબારગઢમાં એક વૃદ્ધ આખલાને મારવા માટે નીકળ્યા હતા પરંતુ તેઓ આખલાએ હુમલો કરતા સામનો કરી શક્યા નહોતા અને તેમને લગભગ 4 ફૂટ જેટલા ઉછાળીને પટક્યા હતા. આ પછી તેમને ગંભીર ઈજાઓ થતા સારવાર માટે દાખલ કરવામાં આવ્યા હતા, જ્યાં તેમણે 3 દિવસની ટૂંકી સારવાર બાદ અંતિમ શ્વાસ લીધા છે. આ ઘટના બની તે સમયનો વિડીયો પણ સામે આવ્યો છે કે જેમાં આખલા દ્વારા તેમને ઉછાળવામાં આવ્યા હતા.

ગોંડલના દરબારગઢમાં યુનિવર્સિટી રોડ પર આવેલા જલારામ-3માં બનેલી ઘટનામાં વૃદ્ધ ગોપાલભાઈ આરદેસણાનું મોત થયું છે. ગોપાલભાઈ પોતાના મકાનની નજીક ઉભેલા આખલાને લાકડી લઈને મારવા માટે ગયા હતા. પરંતુ આ પછી આખલો તેમની સામે થતા તેમને સિંગડામાં ભરાવીને ઉછાળ્યા હતા. તેઓ કમર અને માથાના ભાગે ઊંચાઈથી પટકાતા બેભાન થઈ ગયા હતા, જે પછી તેમને સારવાર માટે રાજકોટની ખાનગી હોસ્પિટલમાં ખસેડવામાં આવ્યા હતા. પરંતુ અહીં ટૂંકી સારવાર બાદ તેમનું મોત થઈ ગયું છે.

આ મામલે ગાંધીગ્રામ પોલીસે કાર્યવાહી પણ હાથ ધરી છે, જેમાં જે સીસીટીવી ફૂટેજ સામે આવ્યા છે તેના આધારે તપાસ કરવામાં આવશે.

આ ઘટના 3 સપ્ટેમ્બરે સાંજે 5.39 મિનિટે બની હતી, જેમાં ગોપાલભાઈ પોતાના ઘરમાંથી લાકડી લઈને આવતા દેખાય છે, તેઓ આખલા પાસે પહોંચ્યા બાદ તેને લાકડીના ફટકા મારીને દૂર કરવાના પ્રયાસ શરૂ કર્યા હતા. આ આખી ઘટનામાં 30 સેકન્ડની અંદર તેમને આખલાએ ઉછાળીને પટકી દેતા તેઓ બેભાન થઈ ગયા હતા. આ બનાવને નજરે જોનારા લોકોએ બૂમો પણ પાડી હતી પરંતુ ત્યાં કોઈ હાજર ના હોવાથી તેમનો બચાવ કરી શકાયો નહોતો.

ગોપાલભાઈ જમીન પર પટકાયા બાદ આખલો ત્યાંથી રવાના થઈ ગયો હતો અને અન્ય એક વૃદ્ધ વ્યક્તિ ત્યાં આવી પહોંચી હતી અને તેમને ઉઠાવવાની કોશિશ કરે છે પરંતુ તેમ શક્ય ના બનતા તેઓ તેમના ઘર તરફ બૂમો પાડવા લાગે છે. આ પછી તેમને સારવાર માટે રાજકોટ ખસેડવામાં આવ્યા હતા, જ્યાં ટૂંકી સારવાર બાદ તેમનું મોત થઈ ગયું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here