how to reduce uric acid, યૂરિક એસિડ પથરી બને તે પહેલાં જ શરીરમાંથી બહાર ફેંકશે આ 6 સસ્તા ઉપાય, અજમાવી જૂઓ – harvard health suggested natural and scientific research based ways to reduce uric acid in the body

0


Uric Acid Remedies from Harvard Health: યુરિક એસિડ (Uric acid) લોહીમાં ભળતો એક પ્રકારે કચરો છે, આ ત્યારે બને છે જ્યારે શરીર પ્યૂરિન નામના રસાયણોને તોડી નાકે છે. સામાન્ય રીતે યૂરિક એસિડ લોહીમાં ઓગળી જાય છે અને કિડનીની મદદથી પેશાબ દ્વારા શરીરમાંથી બહાર નિકળી જાય છે. ઘણીવાર તે બહાર નિકળી નથી શકતું અને લોહીમાં જમા થતું રહે છે અને ક્રિસ્ટલ એટલે કે પથરીનું રૂપ લઇ લે છે.

આ કણ સાંધામાં જમા થઇ જાય છે, જેના કારણે ગાઉટ (Gout) નામની બીમારી થઇ જાય છે, જે આર્થરાઇટિસની માફક હોય છે પરિણામે સાંધામાં ભયંકર દુઃખાવો થવા લાગે છે. યૂરિક એસિડ લેવલ વધી જાય અને તેનું નિદાન ઉપરાંત ઇલાજ ના કરવામાં આવે તો તે હાડકાં, સાંધા, ટિશ્યૂ ડેમેજ, કિડનીની બીમારી અને હૃદય રોગનું કારણ બની શકે છે. અનેક રિસર્ચ પણ માને છે કે, હાઇ યૂરિક એસિડ લેવલ ટાઇપ-2 ડાયાબિટીસ, હાઇ બ્લડપ્રેશર અને ફૅટી લિવર ડિઝિઝ જેવી ગંભીર બીમારીઓનું કારણ પણ બની શકે છે.

યુરિક એસિડ ઘટાડવા અને તેનાથી બચવાના સૌથી સરળ ઉપાય છે કે પ્યૂરિનવાળા (purine) ખાદ્ય પદાર્થોનું સેવન ના કરવું. અમુક દવાઓ અને મેડિકલ ઇલાજ પણ તેમાં સહાયક બની શકે છે. હાર્વર્ડ હેલ્થ (Harvard Health) દ્વારા યૂરિક એસિડ ઘટાડવા અને ગાઉટ જેવી ખતરનાક બીમારીઓથી બચવાના કેટલાંક સરળ ઉપાય આપવામાં આવ્યા છે.

(તસવીરોઃ પિક્સાબે.કોમ, ફ્રિપિક.કોમ)

​યૂરિક એસિડ કેવી રીતે ઘટાડશો?

હાર્વર્ડ હેલ્થ (Harvard Health) અનુસાર, લાઇફસ્ટાઇલ અને ખાન-પાનમાં ફેરફાર કરીને તમે યૂરિક એસિડ લેવલને ઘટાડી શકો છો. જો કે, મોટાંભાગના કેસમાં યૂરિક એસિડ અથવા ગાઉટને રોકવા માટે માત્ર ખાન-પાનમાં બદલાવ જ પુરતો નથી. આ માટે અમુક ઉપાયો ઉપરાંત દવાની પણ જરૂર પડે છે.

​માત્ર પ્યૂરિનવાળા ખાદ્ય પદાર્થોથી બચવું પુરતું નથી

હાર્વર્ડ હેલ્થ (Harvard Health)ના વૈજ્ઞાનિકો અનુસાર, યૂરિક એસિડ ઘટાડવા અથવા ગાઉટથી બચવા માટે ડોક્ટર ઘણીવાર દર્દીને એવા ખાદ્યપદાર્થોનું સેવન ઓછું કરવાની સલાહ આપે છે જેમાં પ્યૂરિનની માત્રા વધારે હોય છે. જો કે, આ એકમાત્ર ઉપાય યૂરિક એસિડ માટે પ્રભાવી નથી. તેથી જ ડોક્ટર્સ ખાન-પાન મામલે અલગ પ્રકારે રિસર્ચ કરી રહ્યા છે.

​આ રીતે ઘટાડો યૂરિક એસિડ

ડોક્ટર્સ દ્વારા હાથ ધરવામાં આવેલા રિસર્ચ અુસાર, ખાન-પાનની અમુક વસ્તુઓને છોડવાના બદલે હેલ્ધી ડાયટ લેવું અને વજન કંટ્રોલમાં રાખવા જેવી બાબતો પર ધ્યાન આપવાથી પણ સ્વાસ્થ્ય પર તેની અસર જોવા મળે છે. માત્ર વજન ઘટાડવાથી પણ યૂરિક એસિડનું લેવલ ઘટાડી શકાય છે. અમુક તરલ પદાર્થોના સેવન પણ ફાયદાકારક સાબિત થઇ શકે છે. જો કે, મીઠાં પીણાં અને શરબતનું સેવન સીમિત માત્રામાં કરવું જોઇએ.

​ફળ અને શાકભાજીનું સેવન

પ્લાન્ટ બેઝ્ડ ડાયટ (Plant Based Diet) જેમ કે, ફળ, શાકભાજી અને કઠોળનું વધારે માત્રામાં સેવન કરો. સાબુત અનાજને તમારાં ડાયટમાં સામેલ કરો. સેચ્યુરેટેડ ફૅટ, બીફ અથવા પોર્કની સરખામણીએ ચિકન, ટર્કી, માછલી અને ટોફૂ સહિત પ્રોટીનના સ્ત્રોત શ્રેષ્ઠ વિકલ્પ છે.

​ઓમેગા-3 છે સારો ઓપ્શન

-3-

માછલીમાં ઓમેગા-3 ફૅટી એસિડ હોય છે, આ જ કારણે તેનો સમાવેશ હેલ્ધી ફૂડમાં થાય છે. ધ્યાન રાખો કે, સી-ફૂડમાં પ્યૂરિનની માત્રા વધારે હોય છે. ગાઉટની પરેશાનીથી પીડાતા લોકોએ માછલીથી સંપૂર્ણ દૂર રહેવું જરૂરી નથી. સૅલફિશ, સાર્ડિન અને એન્કોવીજની માત્રાને સીમિત રાખવાનો પ્રયાસ કરો, કારણ કે તેમાં પ્યૂરિનની માત્રા સૌથી વધારે હોય છે.

​DASH ડાયટ પણ છે બેસ્ટ

DASH-

ગાઉટ અથવા યૂરિક એસિડથી બચવા માટે DASH (Dietary Approach to Stop Hypertension) ડાયટ પણ સારો વિકલ્પ છે. 2016માં ગાઉટ (આર્થરાઇટિસ) અને રૂમેટોલોજી જર્નલ (Arthritis & Rheumatology, an official journal)માં પ્રકાશિત એક રિસર્ચ અનુસાર, લોકોએ માત્ર 30 દિવસ સુધી DASH ડાયટનું પાલન કર્યુ અને તેઓના યૂરિક એસિડનું સ્તર અંશતઃ 0.35 મિલીગ્રામ/DL ઘટી ગયું હતું.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા અથવા ઇલાજનો વિકલ્પ ના હોઇ શકે. વધુ માહિતી માટે તમારાં ડોક્ટરનો સંપર્ક કરો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here