‘નલ સે જલ’ અભિયાન: ઈતિહાસમાં પહેલી વખત નર્મદા જિલ્લાના આ ગામમાં પહોંચ્યું પાણી – nal se jal campaign: first time in history water reached to sada village of narmada district

0


Edited by Vipul Patel | I am GujaratUpdated: 8 Sep 2022, 6:50 pm

ગુજરાતમાં પાણી પુરવઠા વિભાગ દ્વારા ‘નલ સે જલ’ યોજના અંતર્ગત અંતરિયાળ વિસ્તારોમાં નળથી પાણી પહોંચાડવાનું અભિયાન હાથ ધરાયું છે. જે અંતર્ગત નર્મદા જિલ્લાના સાદા ગામમાં ઈતિહાસમાં પહેલી વખત પાણી પહોંચ્યું છે. હવે, આ ગામના લોકોને 24 કલાક નળથી પાણી મળી રહેશે. પહેલા લોકો નદીથી થોડે દૂર એક ખાડો કરતા અને તેમાં નદીનું જે પાણી કુદરતી રીતે તેમાં પડતું હતું તેનો ગામલોકો ઉપયોગ કરતા હતા.

 

ગુજરાતના પાણી પુરવઠા વિભાગ દ્વારા ‘નલ સે જલ’ યોજના અંતર્ગત ઈતિહાસમાં પહેલી વખત નર્મદા જિલ્લાના સાદા ગામમાં નળથી પાણી પહોંચાડાયું.

હાઈલાઈટ્સ:

  • ગુજરાત સરકાર આ જ સપ્ટેમ્બરમાં રાજ્યને 100 ટકા ‘નલ સે જલ’ રાજ્ય જાહેર કરશે.
  • અત્યાર સુધીમાં ગુજરાત 97 ટકા ‘નલ સે જલ’ જાહેર થઈ ચૂક્યું છે.
  • કરજણ નદીના કિનારે આવેલા સાદા ગામની ભૌગોલિક રચના ઘણી પડકારજનક છે.
ગાંધીનગર: છેલ્લા કેટલાક મહિનાઓમાં ગુજરાતનો પાણી પુરવઠા વિભાગ ‘નલ સે જલ’ અભિયાન હેઠળ રાજ્યમાં અનેક મોટા પ્રોજેક્ટ્સ પૂર્ણ કરવાને લઇને ચર્ચામાં રહ્યો છે. તાજેતરમાં જ, ગુજરાતના એન્જિનિયરો દ્વારા એક મોટો ચમત્કાર નર્મદા જિલ્લાના સાદા ગામમાં જોવા મળ્યો છે. અનેક ભૌગોલિક પડકારો છતાં પણ આ ગામમાં 24 કલાક પાણીની વ્યવસ્થા ઉપલબ્ધ કરાવવામાં આવી છે. ઉલ્લેખનીય છે કે, ગુજરાત સરકાર આ જ સપ્ટેમ્બર મહિનામાં સમગ્ર ગુજરાતને 100 ટકા ‘નલ સે જલ’ રાજ્ય જાહેર કરશે. અત્યાર સુધીમાં ગુજરાત 97 ટકા ‘નલ સે જલ’ જાહેર થઈ ચૂક્યું છે.
ગોંડલઃ ઘરેથી નીકળ્યાની 30 જ સેકન્ડમાં આખલાએ વૃદ્ધને 4 ફૂટ ઉછાળ્યા, ટૂંકી સારવાર બાદ મોત
નર્મદા જિલ્લામાં ડેડિયાપાડા તાલુકાના સાદા ગામની ભૌગોલિક રચના એવા પ્રકારની છે કે ત્યાં ન તો પાકા રસ્તાઓ બનાવવાની વ્યવસ્થા સંભવ છે અને ન તો ત્યાં વીજળી પહોંચાડવાની વ્યવસ્થા શક્ય છે. કરજણ નદીના કિનારે વસેલા આ ગામમાં હોડી મારફતે જ આવ-જા કરી શકાય છે. આ ગામમાં લગભગ 45 પરિવારો રહે છે અને અહીંની કુલ વસ્તી લગભગ 250 છે. અહીંયા રહેતા ગામલોકોના ઘરો પણ એકબીજાથી ઘણા દૂર રહેલા છે. આ પરિસ્થિતિમાં આ ગામના લોકો સુધી 24 કલાક નળથી પાણી પહોંચાડવાનું ગામ ઘણું પડકારરૂપ કાર્ય હતું. આ ઉપરાંત, અંતરિયાળ વિસ્તાર હોવાને કારણે રાજ્ય સરકારની રિજિયોનલ વોટર સપ્લાય સ્કીમને અહીંયા કાર્યરત કરવી પણ શક્ય ન હતું.

સામાન્ય નાગરિકોની મિલકતો સીલ, પણ અદાણીનો કરોડોનો ટેક્સ બાકી છતાં કોઈ કાર્યવાહી નહીંઃ કોંગ્રેસ
આ સિવાય અન્ય એક બાબત એ હતી કે, કરજણ નદીના પાણીની ટર્બિડિટી 30થી વધુ હોવાને કારણે અહીંના લોકો દૈનિક જરૂરિયાતો માટે આ નદીના પાણીનો સીધો ઉપયોગ કરી શકે એમ નહોતા. આ સમસ્યાના ઉકેલરૂપે અહીંના લોકો નદીથી થોડે દૂર એક નાનો ખાડો ખોદતા હતા, જેનાથી નદીનું પાણી કુદરતી રીતે ખાડામાં પડે છે અને ત્યારબાદ ગામલોકો એ પાણીનો ઉપયોગ કરતા હતા. આ બધા પડકારોને પહોંચી વળવા માટે WASMO એ ફ્લોટિંગ પ્લેટફોર્મ સેટઅપનું નિર્માણ કર્યું, જેના કારણે હવે આ ગામમાં 24 કલાક પીવાના પાણીની વ્યવસ્થા સંભવ થઈ શકી છે.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here