અમદાવાદઃ જો બધું બરોબર રહ્યું તો સપ્ટેમ્બર મહિનામાં જ Metro Train દોડતી કરી દેવાશે! – ahmedabad citizens may get metro train facility around navratri 2022

0


અમદાવાદમાં મેટ્રો ટ્રેન નજીકના ભવિષ્યમાં દોડતી કરવા માટે તડામાર તૈયારીઓ કરવામાં આવી છે, મેટ્રો સ્ટેશનો પર લગભગ કામગીરી પૂર્ણ કરી દેવાઈ છે, ટ્રેનના રૂટ પર જે ટ્રાયલ કરવામાં આવી હતી તે પણ પૂર્ણ કરવામાં આવી છે. ઉત્તર અને દક્ષિણ અમદાવાદને જોડતા મેટ્રો રૂટનું ચીફ મેટ્રો રેલ સેફ્ટી (CMRS – Chief Metro Rail Safety) દ્વારા અંતિમ પરીક્ષણ કરવામાં આવ્યું છે. રૂટ પર કોઈ ખામી છે કે નહીં તેની તપાસ કરવા માટે આ પરીક્ષણ કરવામાં આવ્યું હતું. હવે એવું માનવામાં આવી રહ્યું છે કે નવરાત્રી સુધીમાં મેટ્રો ટ્રેન દોડવા લાગશે. CMRS દ્વારા જે પરીક્ષણ કરવામાં આવ્યું છે તે પછી મેટ્રો રેલ કોર્પોરેશન દ્વારા તેનું પાલન કરીને આગામી અઠવાડિયે ફાઈનલ રિપોર્ટ જમા કરાવવામાં આવશે. આ પરીક્ષણ દરમિયાન કોઈ ગંભીર ટેક્નિકલ સમસ્યા દેખાઈ નથી, જોકે, જે સામાન્ય સમસ્યા સામે આવી છે તે અંગે આગળ જાણ કરવામાં આવી છે.

અમદાવાદ મિરરના રિપોર્ટ્સ મુજબ CMRS લગભગ 15 સપ્ટેમ્બરની આસપાસ પોતાનો અંતિમ રિપોર્ટ સોંપશે અને તે પછી મેટ્રો રેલને શહેરમાં દોડતી કરવા માટે તેના ઉદ્ઘાટનને લઈને વિવિધ કામગીરીઓ હાથ ધરવામાં આવશે. મેટ્રો સ્ટેશનથી મુસાફરો મહત્વના સ્થળો પર ઝડપથી પહોંચી શકે તે અંગેની પણ વ્યવસ્થાઓ અંગે મેટ્રો રેલ કોર્પોરેશન દ્વારા કરવામાં આવી રહી છે. જેમાં ઈ-રિક્ષાનો સમાવેશ થાય છે. ST સ્ટેન્ડ અને રેલવે સ્ટેશન સાથે મેટ્રો સ્ટેશનને સીધા જોડવા માટે ઈ-રિક્ષા દોડતી કરાશે જેથી કરીને આ બન્ને સ્ટેશનો વચ્ચે દોડતા મુસાફરોને સરળતા રહેશે.

આ બે મહત્વના રૂટ પર દોડશે મેટ્રો
અમદાવાદ મેટ્રોની આતુરતાથી રાહ જોવાઈ રહી છે, શહેરીજનો પણ મેટ્રો શરુ થાય તો ટ્રાફિકની ઝંઝટમાંથી મુક્તિ મળશે તેવી આશા વ્યક્ત કરી રહ્યા છે. મેટ્રો ટ્રેન APMCથી મોટેરા અને વસ્ત્રાલથી થલતેજ ગામ સુધી દોડતી થશે. 38 સ્ટેશનો છે કે જેના પર કામગીરી પૂર્ણ કરવામાં આવી છે, અને તેને માત્ર ફાઈનલ ટચ આપવામાં આવી રહ્યો છે. આ રૂટની કૂલ લંબાઈ 40 કિલોમીટર થાય છે. એક સ્ટેશનથી બીજા સ્ટેશન સુધી પહોંચવા માટે મેટ્રો ટ્રેનને એક મિનિટ જેટલો સમય લાગશે.

શરુઆતમાં દરેક ટ્રેનમાં ત્રણ કોચ હશે અને તેની ક્ષમતા 1000 મુસાફરોની હશે. આ પછી જે પ્રમાણે જરુરિયાત જણાશે તે પ્રમાણે તેમાં વધુ કોચ ઉમેરવામાં આવશે. CMRS દ્વારા એવી સંભાવના વ્યક્ત કરવામાં આવી છે કે એક દિવસમાં લગભગ 40,000 મુસાફરો મેટ્રોમાં મુસાફરી કરી શકે છે.

હાલ શહેરમાં 6 કિલોમીટર રૂટ પર મેટ્રો ટ્રેન દોડી રહી છે, જેનો રૂટ વસ્ત્રાલથી ટેક્સટાઈલ પાર્ક સુધીનો છે જેમાં રોજના 1900 મુસાફરો મુસાફરી કરે છે. આ ઈન્ડસ્ટ્રીયલ વિસ્તાર છે માટે તેનો ઓછો ઉપયોગ થાય છે. પરંતુ જ્યારે તે ઉત્તર-દક્ષિણ કોરિડોર સાથે જોડાઈ જશે પછી તેનો વધારે મુસાફરો દ્વારા ઉપયોગ કરવામાં આવશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here