episodic mobility problems, મોબિલિટી પ્રોબ્લેમથી પીડાઇ રહ્યા હતા ક્વીન, આ બીમારીનો નથી કોઇ ઇલાજ; કોઇ પણ ઉંમરે થઇ શકે છે આ રોગ – queen elizabeth ii suffered from episodic mobility problems here is what you need to know

0


Episodic Mobility Problems: સૌથી લાંબા સમય સુધી રાજગાદી સંભાળનાર બ્રિટનના મહારાણી ક્વીન એલિઝાબેથ દ્વિતીય (Queen Elizabeth II)નું ગુરૂવારે સ્કોટલેન્ડના Balmoral Castleમાં નિધન થયું છે. અનેક મીડિયા રિપોર્ટ્સ અનુસાર, મહારાણી એલિઝાબેથ દ્વિતીય એપિસોડિક મોબિલિટી((episodic mobility)ની સમસ્યાથી પીડાઇ રહ્યા હતા.

આ બીમારીના કારણે ક્વીનને હરવા-ફરવા અને ઉભા રહેવામાં તકલીફ થતી હતી. આ જ કારણોસર ક્વીને હેલ્થ એક્સપર્ટ્સની સલાહ બાદ ગત બુધવારે મંત્રીઓ સાથે યોજાનારી બેઠક પણ રદ્દ કરી દીધી હતી.

(Images: Instagram/ @theroyalfamily)

​વડાપ્રધાન સાથે મુલાકાતની તસવીર વાયરલ

બ્રિટનની મહારાણીની એક દિવસ પહેલાં જ નવા પ્રધાનમંત્રી લિઝ ટ્રસ સાથે મુલાકાત થઇ હતી. નવા વડાપ્રધાન તરીકે શપથ લેવા માટે ટ્રસે ક્વીન સાથે મુલાકાત કરી હતી. આ પ્રસંગની એક તસવીર પણ સોશિયલ મીડિયામાં વાયરલ થઇ હતી. જેમાં મહારાણીએ નવા પ્રાઇમ મિનિસ્ટર લિઝ ટ્રસ (Liz Truss) સાથે હાથ મિલાવીને બેઠકની શરૂઆત કરી હતી. જો કે, ગત બુધવારે જ ક્વીનની મિનિસ્ટ્રી સાથે ઓનલાઇન મુલાકાત કરવાની હતી પરંતુ આ બેઠકને તેઓએ ટાળી દીધી હતી. ત્યારબાદ ગુરૂવારે જ્યારે મહારાણીના સ્વાસ્થ્યની તપાસ કરવામાં આવી તો ચિકિત્સકોએ ચિંતા વ્યક્ત કરી હતી.

​ફેબ્રુઆરીમાં થયો હતો કોરોના

ક્વીનને ડોક્ટર્સે આરામ કરવાની સલાહ આપી હતી. ક્વીન એલિઝાબેથ દ્વિતીયને આ જ વર્ષે ફેબ્રુઆરીમાં કોરોના પણ થઇ ગયો હતો. જો કે, તે સમયે તેઓને સામાન્ય શરદીના લક્ષણો જ જોવા મળ્યા હતા. મહારાણીના નિધનના સમાચાર મળતા જ તેમના દીકરા પ્રિન્સ ચાર્લ્સ, તેમની પત્ની કૈમિલા, પૌત્ર પ્રિન્સ વિલિયમ્સ પણ ગુરૂવારે સ્કોટલેન્ડ પહોંચ્યા હતા. પ્રિન્સ હેરી અને તેમની પત્ની મેઘન માર્કલ પણ મહારાણીના સ્વાસ્થ્ય અંગે જાણકારી મેળવવા સ્કોટલેન્ડ ગયા હતા.

​શું છે એપિસોડિક મોબિલિટી પ્રોબ્લેમ

એપિસોડિક મોબિલિટીપ્રોબ્લેમ એક પ્રકારે ઉઠવા-બેસવામાં થતી તકલીફ સાથે જોડાયેલી બીમારી છે. જેના કારણે દર્દીને ખુરશી પર બેસવા અને ઉભા થવામાં પરેશાની જેવી સમસ્યાઓનો સામનો કરવો પડે છે. દર્દી યોગ્ય રીતે હલન-ચલન કરી શકતો નથી. સાંધાનો દુઃખાવા આ બીમારીનું સામાન્ય લક્ષણ છે, પરંતુ આ દુઃખાવો પીડાયદાયક હોય છે. હેલ્થ એક્સપર્ટ અનુસાર, આ બીમારીમાં માસપેશીઓની કમજોરી, સાંધાની તકલીફ, દર્દ અને મગજ તેમ જ તંત્રિકા ગ્રંથિ સાથે જોડાયેલી પરેશાનીઓ થાય છે. આ સિવાય કેટલીક સામાન્ય સમસ્યાઓ થતી રહે છે જે સમય જતા ગંભીર બની જાય છે. આ બીમારી માત્ર વૃદ્ધાવસ્થા નહીં પણ કોઇ પણ ઉંમરે થઇ શકે છે.

​કોઇ ઔપચારિક નિદાન નહીં

હેલ્થ એક્સપર્ટ અનુસાર, એપિસોડિક મોબિલિટી પ્રોબ્લેમનું કોઇ ઔપચારિક નિદાન નથી. તેમાં વ્યક્તિની શારિરીક ગતિશીલતામાં ઉતાર-ચઢાવ થતા રહે છે અથવા એસિપોડમાં થતાં રહે છે. તેમાં જૂની બીમારીઓ ફરીથી થવી, હવામાનના ફેરફારની અસર, સાંધાનો દુઃખાવો અને ઇજા પણ એપિસોડિકને પ્રભાવિત કરી શકે છે.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here