ભાજપ કોર્પોરેટર સોમા પટેલ ભાન ભૂલ્યા, મહિલા મેડિકલ ઓફિસરનું મોઢું પકડી ગંદુ પાણી પીવડાવ્યું – female medical officer of an urban health center registered fir against bjp councilor soma patel in naroda police station

0


અમદાવાદ: શહેરના નરોડા વિસ્તારમાં ભાજપ કાઉન્સિલર વિપુલ ઉર્ફે સોમાભાઈ પટેલ સામે નરોડા પોલીસ સ્ટેશનમાં અર્બન હેલ્થ સેન્ટરની મહિલા મેડિકલ ઓફિસર સાથે અણછાજતો વ્યવહાર કરવાના આરોપમાં ફરિયાદ નોંધાઈ છે. પોલીસ ફરિયાદમાં જણાવ્યા અનુસાર તેમણે અપશબ્દો બોલીને મહિલા આરોગ્ય અધિકારી સાથે ધક્કા મૂક્કી કરી હતી. એટલું જ નહીં, સેન્ટર ઉપર જ મોઢું પકડીને ગંદુ પાણી પીવડાવ્યું હતું અને કોઈને ફરિયાદ ન કરવા ધાકધમકી આપી હતી. સમગ્ર મામલે પોલીસે ફરિયાદના આધારે વધુ તપાસ હાથ ધરી છે.

નરોડા પોલીસ સ્ટેશનમાં આરોગ્ય કર્મીએ ફરિયાદ નોંધાવતા જણાવ્યું કે, મારું નામ મોનલબેન (નામ બદલ્યું છે) છે અને હું નરોડામાં એક વર્ષથી મેડિકલ ઓફિસર તરીકે ફરજ બજાવું છું. 7 સપ્ટેમ્બરના રોજ હું અમારી ઝોનલ ઓફિસ રાજીવ ગાંધી ભવન મેમ્કો પાસે મીટિંગ પતાવી અરજન્ટ મીટિંગ લેવાની હોવાથી સાંજે 5 વાગ્યે નરોડા અર્બન હેલ્થ સેન્ટર ખાતે આવી હતી. ત્યારે નરોડાના કોર્પોરેટર સોમાભાઈ પટેલ તેમના ડ્રાઈવર તથા કેટલાક અજાણ્યા શખ્સો પહેલાથી જ ત્યાં હાજર હતા. દરમિયાન સોમભાઈએ જણાવ્યું કે, તમે મારા ઓળખાણ વાળાને યોગ્ય જવાબ કેમ નથી આપતા અને મોડે સુધી બેસાડી રાખ્યા હતા. ત્યારે મેં જણાવ્યું કે, અમે અહિયાં બધાના કામ કરીએ છીએ. ત્યારે સોમભાઈએ મને ખરાબ શબ્દોમાં બોલાચાલી કરવા લાગ્યા હતા.

મોનલબેને ફરિયાદમાં જણાવ્યું કે, 10 મિનિટ બાદ બોડાભાઈ દરબાર મને કહેવા લાગ્યા કે તમે કેમ યોગ્ય સારવાર કરતા નથી. દરમિયાન લવ ભરવાડની પત્ની મનિષા અને માતા કૈલાશબેન પણ ત્યાં આવ્યા અને તેઓ મારી સાથે તું તારી કરી ગાળો આપવા લાગ્યા અને બધાઓ ઝઘડો કરવા લાગ્યા. મેં પોલીસને ફોન કરવા જતાં કૈલાસબેને ધક્કો મારતા મોબાઈલ પડી ગયો અને આ દરમિયાન હોસ્પિટલનો સ્ટાફ આવી મને અંદર લઈ ગયો. હું ગભરાયેલી હતી અને રૂમમાં સ્ટાફ સાથે બેસેલી હતી. ત્યારે સોમભાઈ તથા બોડો દરબારનાઓ આવ્યા અને પર્નસલ વાત કરવાની છે કહીને સ્ટાફને બહાર જવા માટે કહ્યું હતું. બાદમાં સોમભાઈએ અચાનક મારું મોઢું પકડીને જબરજસ્તી મને બોટલમાંથી ગંદુ પાણી પીવડાવ્યું અને ધમકી આપી કે આ મેટર અહીંયા જ પતાવી દે અને બધાની માફી માંગી લે.

મોનલબેને વધુમાં જણાવ્યું કે, સોમભાઈએ જાતિવિષયક શબ્દો બોલવા લાગ્યા કે, તારી જાતિ નીચે છે, તારી મેડિકલ ઓફિસર તરીકેની ઔકાત શું, તમારી આદિવાસી જાતિ તમારે આટલો બધો પાવર ન કરવાનો હોય. આ દરમિયાન લવ ભરવાડનો નાનો ભાઈ જયેશ ભરવાડ તેના બે-ત્રણ મિત્રો, કૈલાશબેન ભરવાડ મારા રૂમમાં આવ્યા અને અહીંથી બહાર કેવી રીતે જાય છે કહીને ધક્કા મુક્કી કરીને જાનથી મારી નાખવાની ધમકી આપી. સમગ્ર મામલે નરોડા પોલીસે ફરિયાદ નોંધીને તપાસ હાથ ધરી છે.

ઉપરોક્ત ઘટનાને લઈને અર્બન હેલ્થ સેન્ટરના કર્મચારીઓમાં ભારે રોષ વ્યાપ્યો છે. મહિલા કર્મચારીઓએ અર્બન હેલ્થ સેન્ટરથી નરોડા પોલીસ સ્ટેશન સુધી રેલી યોજીને સોમા પટેલ, લવ ભરવાડ, બોડા દરબાર સહિતના ભાજપના આગેવાનો સામે કાર્યવાહીની માગણી કરી હતી. સાથે જ જો યોગ્ય કાર્યવાહી નહીં કરવામાં આવે તો અર્બન હેલ્થ સેન્ટરનો સ્ટાફ હડતાળ પર ઉતરશે તેવી પણ ચીમકી ઉચ્ચારવામાં આવી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here