saint xaviers loyola school sports teacher, સેન્ટ ઝેવિયર્સ લોયલા સ્કૂલઃ સ્પોર્ટ્સના શિક્ષકે ત્રણ વિદ્યાર્થિનીઓને ઈન્સ્ટા પર મેસેજ કરી એકલા મળવા કહ્યું! – saint xaviers loyola school sports teacher send message on insta to three students

0


Edited by Manish Kapadia | I am Gujarat | Updated: 10 Sep 2022, 7:52 am

મેમનગરમાં આવેલી સેન્ટ ઝેવિયર્સ લોયલાસ્કૂલ ફરીથી ચર્ચામાં આવી છે. સ્કૂલની ત્રણ વિદ્યાર્થિનીઓને સ્કૂલના પ્રિન્સિપાલને મળીને એવી રજૂઆત કરી છે કે, સ્પોર્ટ્સ ટિચરે તેમને ઈન્સ્ટાગ્રામ પર મેસેજ કર્યો હતો અને એકલા મળવા માટે કહ્યું હતું. આક્ષેપો બાદ સ્કૂલના મેનેજમેન્ટ દ્વારા તપાસ હાથ ધરવામાં આવી છે. જો ટિચર સામે કરવામાં આવેલા આક્ષેપો સાચા હશે તો પગલા લેવામાં આવશે.

 

સેન્ટ ઝેવયિર્સ સ્કૂલના સ્પોર્ટ્સ ટિચરે ત્રણ વિદ્યાર્થિનીઓને ઈન્સ્ટાગ્રામ પર મેસેજ કરીને મળવાનું કહ્યું હોવાના આક્ષેપો.

હાઈલાઈટ્સ:

  • સેન્ટ ઝેવિયર્સ લોયલા સ્કૂલમાં શિક્ષકની કરતૂત આવી સામે
  • ત્રણ વિદ્યાર્થિનીઓને ઈન્સ્ટાગ્રામ પર મેસેજ કરી મળવા કહ્યું
  • વિદ્યાર્થિનીઓએ પ્રિન્સિપાલને કરી રજૂઆત, તપાસ શરુ થઈ
અમદાવાદઃ શહેરના મેમનગર વિસ્તારમાં આવેલી સેન્ટ ઝેવિયર્સ લોયલા સ્કૂલમાંથી એક શરમજનક કિસ્સો સામે આવ્યો છે. શિક્ષક અને વિદ્યાર્થીઓના સંબંધને લજવતો ભયંકર કિસ્સો સામે આવતા સ્કૂલ ચર્ચામાં આવી છે. અહીં સ્પોર્ટ્સ ટિચર તરીકે ફરજ બજાવતા શિક્ષકે સ્કૂલની ત્રણ વિદ્યાર્થિનીઓને (Saint xaviers loyola school) ઈન્સ્ટાગ્રામ પર મેસેજ કર્યો હતો. એટલું જ નહીં આ શિક્ષકે ત્રણેય વિદ્યાર્થિનીઓને એકલા મળવા માટે પણ બોલાવી હતી, એવો વિદ્યાર્થિનીઓનો આક્ષેપ છે. જો કે, શિક્ષક દ્વારા જ આવી નીચ હરકત કરવામાં આવતા વિદ્યાર્થિનીઓએ પ્રિન્સિપાલને રજૂઆત કરી હતી. જે બાદ શિક્ષક સામે તપાસ હાથ (Ahmedabad News) ધરવામાં આવી છે. મહત્વનું છે કે, અગાઉ પણ આ જ શિક્ષક ચર્ચામાં રહ્યા હતા.

ઈન્સ્ટાગ્રામ પર મેસેજ કર્યા
નવગુજરાત સમયના અહેવાલ મુજબ, મેમનગર વિસ્તારમાં આવેલી સેન્ટ ઝેવિયર્સ લોયલા સ્કૂલના સ્પોર્ટ્સ ટિચરની નીચ હરકત સામે આવી છે. સ્પોર્ટ્સ ટિચરે ત્રણ જેટલી વિદ્યાર્થિનીઓને ઈન્સ્ટાગ્રામ પર મેસેજ કર્યા હતા. સાથે જ તેઓને મળવા માટે એકલા બોલાવી હતી. ટિચરે વિદ્યાર્થિનીઓના ફોટા મગાવ્યા હતા. આ સિવાય કેટલીક વાતચીતો પણ કરી હતી. ટિચરનો આવો મેસેજ મળતા વિદ્યાર્થિનીઓ ગભરાઈ ગઈ હતી. તેઓએ તરત આ વાતની જાણ પ્રિન્સિપલને કરી હતી. ત્યારે પ્રન્સિપાલે તપાસની ખાતરી આપી હતી, એવુ સૂત્રો પાસેથી જાણવા મળ્યું છે.
ગુજરાત ATSનું ઓપરેશન ‘ગિયર બોક્સ’, કોલકાતામાંથી પકડ્યું 200 કરોડનું ડ્રગ્સ
પ્રિન્સિપાલને કરી રજૂઆત
આ અંગે સ્કૂલના ફાધર ફ્રાન્સિસ મેકવાને જણાવ્યું કે, સ્કૂલની ત્રણ વિદ્યાર્થિનીઓ દ્વારા આ મામલે રજૂઆત કરવામાં આવી છે. જેથી સ્કૂલ દ્વારા એ દિશામા તપાસ કરવામાં આવશે. શિક્ષકને બોલાવીને પૂછપરછ કરવામાં આવશે. જો કે, સ્કૂલનો સમય પૂર્ણ થઈ ગયો હોવાથી આગળ કાર્યવાહી થઈ શકી નહોતી. બીજી તરફ, એવું પણ જાણવા મળ્યું છે કે, જે ટિચર સામે આક્ષેપો કરવામાં આવ્યા છે તેઓ ભૂતકાળમાં પણ ચર્ચામાં રહી ચૂક્યા છે. એ સમયે પણ ટિચર પર કાર્યવાહી કરવામાં આવી હતી અને પછી ફરજ પર લઈ લેવામાં આવ્યા હતા.
ભાજપ કોર્પોરેટર વિપુલ પટેલ ભાન ભૂલ્યા, મહિલા મેડિકલ ઓફિસરનું મોઢું પકડી ગંદુ પાણી પીવડાવ્યું!
સ્કૂલે તપાસ હાથ ધરી
જો કે, ટિચર દ્વારા જ વિદ્યાર્થિનીઓને મેસેજ કરવાની વાત સ્કૂલમાં ફેલાઈ ગઈ હતી. જેથી સ્કૂલનો આ મુદ્દો ચર્ચામાં જોવા મળ્યો હતો. હવે સ્કૂલ દ્વારા આરોપી ટિચર્સ વિરુદ્ધ કેવા પગલા લેવામાં આવે છે એ થોડા સમયમાં ખબર પડી જશે. જે સત્ય હશે તે સામે આવશે. જો એમાં ટિચર સામે કરવામાં આવેલા આક્ષેપો સાચા હશે તો મેનેજમેન્ટ દ્વારા તેમની વિરુદ્ધમાં પગલા લેવામાં આવશે, એવું સ્કૂલના મેનેજમેન્ટ દ્વારા કહેવામાં આવ્યું છે.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here