court complaint against odhav police, હત્યાના પ્રયાસ કેસમાં જુબાની બદલવા સાક્ષીને મૂઢ માર મારવા બદલ DCP સહિત 6 સામે કોર્ટમાં ફરિયાદ – court complaint against 6 including zone 5 dcp for beating witness to change testimony

0


Edited by Manish Kapadia | I am Gujarat | Updated: 10 Sep 2022, 8:40 am

ઓઢવ વિસ્તારમાં એક સાક્ષીને પોલીસે માર માર્યો હોવાની ફરિયાદ ગ્રામ્ય કોર્ટમાં થઈ છે. એવા આક્ષેપો છે કે ઝોન -5 ડીસીપી સહિત ઓઢવ પોલીસ સ્ટેશનના કેટલાક પોલીસકર્મીઓએ સાક્ષીને હત્યાના પ્રાયસમાં નિવેદન ફેરવી તોળવા માટે દબાણ કર્યુ હતુ. સાથે જ સાક્ષીને મૂઢ મારીને ધમકી આપીને નિવેદન પર સહી કરાવી લીધી હતી. એટલો માર માર્યો હતો કે તેને સારવાર માટે હોસ્પિટલમાં જવુ પડ્યું હતું.

 

ઓઢવ પોલીસે સાક્ષીને પોલીસ સ્ટેશનમાં બોલાવ્યો અને પછી નિવેદન ફેરવી તોળવા માટે દબાણ કર્યુ અને મૂઢ માર માર્યો.

હાઈલાઈટ્સ:

  • હત્યાના પ્રયાસમા સાક્ષીને પોલીસે માર્યો મૂઢ માર, જુબાની ફેરવી તોળવા દબાણ
  • ઝોન-5 ડીસીપી સહિત છ લોકો વિરુદ્ધ ગ્રામ્ય કોર્ટમાં ફરિયાદ નોંધાવી
  • કોર્ટે 30 દિવસમાં તપાસ કરી રિપોર્ટ સોંપવા કમિશનરને આદેશ આપ્યો
અમદાવાદઃ ઓઢવ પોલીસ સ્ટેશન ચર્ચામાં આવ્યું છે. એક સાક્ષીએ આપેલું નિવેદન ફેરવી તોળવા માટે પોલીસ દ્વારા મૂઢ માર મારવામાં આવ્યો હોવાના આક્ષેપો થયા છે. જે બાદ આખો મામલો ગ્રામ્ય કોર્ટમાં પહોંચ્યો છે. પોલીસે મૂઢ માર માર્યા બાદ મોડી રાત્રે સાક્ષીની (Police beat witness) સહી લઈ તેને જવા દીધો હતો. જો કે, માર મારવામાં આવતા સાક્ષીને ઈજા પહોંચી હતી. જે બાદ સાક્ષી ખાનગી હોસ્પિટલમાં સારવાર માટે ગયો હતો. આખરે સાક્ષીએ ગ્રામ્ય કોર્ટમાં ડીસીપી ઝોન-5 સહિત છ લોકો વિરુદ્ધ ફરિયાદ નોંધાવી હતી. ત્યારે ગ્રામ્ય કોર્ટે પોલીસ કમિશનરને (Ahmedabad News) 30 દિવસમાં તપાસ કરીને રિપોર્ટ સોંપવાનો આદેશ આપ્યો છે.

ફોન કરી પોલીસ સ્ટેશન બોલાવ્યો
બનાવની વિગત એવી છે કે, શહેરના ઓઢવ વિસ્તારમાં રહેતા 23 વર્ષીય લવ જયેશભાઈ શ્રીમાળી રહે છે. તેઓએ એડવોકેટ નીતિન ગાંધી મારફતે ઝોન-5 ડીસીપી બી.એલ. દેસાઈ, ઓઢવના પીઆઈ અગ્રાવત, પીએસઆઈ એસ.જે. ચૌહાણ, કોન્સ્ટેબલ સિદ્ધરાજસિંહ સહિત છ લોકો વિરુદ્ધ ફરિયાદ દાખલ કરી છે. આ ફરિયાદમાં એવા આક્ષેપો કરવામાં આવ્યા છે કે, 9 ઓગસ્ટના રોજ સચિન તોમરે હત્યાના પ્રયાસ બદલ ફરિયાદ નોંધાવી હતી. જેથી પૂછપરછના ભાગ રુપે પોલીસ સ્ટેશનના અશ્વિનભાઈએ લવને ફોન કર્યો હતો.
સેન્ટ ઝેવિયર્સ લોયલા સ્કૂલઃ સ્પોર્ટ્સના શિક્ષકે ત્રણ વિદ્યાર્થિનીઓને ઈન્સ્ટા પર મેસેજ કરી એકલા મળવા કહ્યું!
નિવેદન ફેરવી તોળવા દબાણ
બાદમાં લવ ઓઢવ પોલીસ સ્ટેશનમાં પહોંચ્યો હતો અને તેને રુમ નંબર 8માં બેસાડવામાં આવ્યો હતો. તે કેમ 108ને ફોન કરીને બોલાવી હતી એવું અશ્વિનભાઈએ તેને કહ્યું હતું. ત્યારે લવે જણાવ્યું કે, મારી સામે જ ઘટના બની હતી. સાથે જ નિવેદન ફેરવી તોળવા માટે દબાણ કર્યું હતું. સાથે જ તેને ડંડાથી વડે ફટકાર્યો હતો. માર મારવા છતા પણ લવ પોતાનું નિવેદન ફેરવી તોળવા માટે તૈયાર નહોતો.
ગુજરાત ATSનું ઓપરેશન ‘ગિયર બોક્સ’, કોલકાતામાંથી પકડ્યું 200 કરોડનું ડ્રગ્સ
માર મારી નિવેદન પર સહી કરાવી છોડી મૂક્યો

નિવેદન ફેરવી તોળવા માટે ત્યાં ડીસીપી બી.એલ.દેસાઈ અને પીઆઈ અગ્રાવત હાજર હતા અને વારંવાર મારવા માટે માર્ગદર્શન આપતા હતા. બાદમાં લવના હાથમાં ચાકૂ પકડાવી દીધુ હતુ અને હત્યાના કેસમાં આરોપી બનાવી દેવાની ધમકી આપી નિવેદન પર સહી કરાવી લીધી હતી. માર માર્યા બાદ મોડી રાત્રે લવને ઘરે મોકલવામાં આવ્યો હતો. બાદમાં તે સારવાર માટે હોસ્પિટલમાં ગયો હતો. આખરે ગ્રામ્ય કોર્ટમાં ડીસીપી સહિત છ લોકો વિરુદ્ધ ગ્રામ્ય કોર્ટમાં ફરિયાદ કરી હતી. ત્યારે કોર્ટે પોલીસ કમિશનરે ત્રીસ દિવસમાં તપાસ કરી રિપોર્ટ સોંપવાનો આદેશ આપ્યો છે. જો તમામ પોલીસકર્મીઓ સામેનો આક્ષેપ સાચો પડ્યો તો કોર્ટ કાર્યવાહી કરી શકે છે.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here