કોંગ્રેસ દ્વારા આજે ગુજરાત બંધનું એલાન, અમદાવાદમાં NSUIના કાર્યકરોએ કોલેજો બંધ કરાવી – the gujarat unit of the congress thursday decided to hold a symbolic bandh on september 10

0


અમદાવાદ: દેશમાં વધતી જતી મોંઘવારી અને બેરોજગારીની સમસ્યાઓના વિરોધમાં કોંગ્રેસ પાર્ટીના ગુજરાત યુનિટ તરફથી શનિવારના રોજ એટલે કે 10 સપ્ટેમ્બરના દિવસે રાજ્યભરમાં બંધનું એલાન કર્યું છે. ઉલ્લેખનીય છે કે રાષ્ટ્રીય બંધના અભિયાનના ભાગરુપે ગુજરાતમાં પણ આ જાહેરાત કરવામાં આવી છે. વિવિધ મુદ્દાઓના વિરોધમાં લોકોને આ બંધ પાળવાની અપીલ કરવામાં આવી છે. ત્યારે આજે સવારે કોંગ્રેસની વિદ્યાર્થી પાંખ NSUI દ્વારા અમદાવાદની તમામ કોલેજો બંધ કરાવવાની શરૂઆત કરાઈ હતી.

NSUI દ્વારા ગુજરાત યુનિવર્સિટી પણ બંધ કરાવાઈ હતી. NSUIના કાર્યકરોએ સવારથી શહેરમાં જીએલએસ, સી યુ શાહ, સેન્ટ ઝેવિયર્સ, સોમ લલિત, એલ ડી આર્ટ્સ સહિતની કોલેજો બંધ કરાવી હતી. બીજી તરફ શહેરના નરોડા વિસ્તારમાં કોંગ્રેસના જગદીશ ઠાકોરે કોંગ્રેસના કાર્યકર્તાઓ સાથે બંધ કરાવવા નીકળ્યા હતા. હાલ કોંગ્રેસ દ્વારા સમગ્ર રાજ્યમાં બંધ પાળવામાં આવી રહ્યો છે. ગુજરાત બંધના પગલે NSUIના કાર્યકરોએ અમદાવાદની કોલેજ બંધ કરાવી છે. અમદાવાદમાં NSUI દ્વારા GLS યુનિવર્સિટીની કોલેજ બંધ કરાવાઈ છે. NSUIના કાર્યકરો દ્વારા શહેરની શાળા કોલેજ બંધ કરાવવામાં આવી રહી છે.

ઉલ્લેખનીય છે કે ગુજરાત કોંગ્રેસે મોંઘવારી અને બેરોજગારી વિરુદ્ધ પ્રદર્શન કરવા માટે બંધની જાહેરાત કરી છે. આ વિરોધમાં ભાગ લેવા માટે કોંગ્રેસ દ્વારા વેપારીઓ તેમજ અન્ય લોકોને પણ અપીલ કરી છે કે, સવારના આઠ વાગ્યાથી લઈને બપોરના બાર વાગ્યા સુધી પોતાની દુકાનોના શટર પાડી દેવામાં આવે. પાર્ટીના રાજ્ય અધ્યક્ષ જગદીશ ઠાકોરે લોકોને અપીલ કરી છે. તેમનો આરોપ છે કે, લગભગ 4,36,663 શિક્ષીત યુવાનો બેરોજગાર છે. રાજ્યની રોજગાર વિનિમય નોંધણીમાં લગભગ 4,58,976 યુવાનોએ રજિસ્ટ્રેશન કરાવ્યું છે. અને ગુજરાતમાં 4.50 લાખ સરકારી નોકરીઓ ખાલી છે.

જગદીશ ઠાકોરે તમામ જિલ્લા અને શહેરમાં સ્થિત કોંગ્રેસ કમિટી તેમજ કાર્યકર્તાઓને આદેશ આપ્યો છે કે બંધ દરમિયાન કોઈ પણ પ્રકારની ઈમર્જન્સી સેવાઓ ના ખોરવાય તે સુનિશ્ચિત કરવામાં આવે. તમને જણાવી દઈએ કે રાહુલ ગાંધી અત્યારે ભારત જોડો યાત્રા પર નીકળ્યા છે. તે દેશના વિવિધ ભાગોમાં પ્રવાસ કરી રહ્યા છે. ગુજરાતમાં હવે વિધાનસભાની ચૂંટણી નજીક છે, ત્યારે કોંગ્રેસ પાર્ટીના આ પ્રયત્નો અસરકારક સાબિત થશે કે નહીં તે જોવાની વાત છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here