‘મીટિંગમાં છું, ફટાફટ પૈસા ટ્રાન્સફર કરો’, જો ઓફિસના બોસના નામે આ મેસેજ આવે તો ચેતી જજો, નવો પેંતરો અજમાવી રહ્યા છે ઠગ – beware of scams happening in the name of companies boss or manager seeling money

0



વડોદરા- ‘હલો, હું મીટિંગમાં છું. પ્લીઝ આ નંબર પર ફટાફટ પૈસા ટ્રાન્સફર કરી આપો, મીટિંગ પૂરી થયા પછી હું પૈસા પાછા મોકલી આપીશ’, જો તમને તમારા બોસ તરફથી વોટ્સએપ પર આ પ્રકારનો કોઈ પણ મેસેજ આવે તો સાવધાન થઈ જશો. બોસને જરૂર છે અને તેમને ફટાફટ મદદ કરવી પડશે એવા વિચાર સાથે જો તમે ઉતાવળમાં કોઈ પણ પગલું ભરશો તો, નુકસાન ઉઠાવવાનો વારો આવી શકે છે. અને આ ચેતવણી પોલીસ દ્વારા જ આપવામાં આવી રહી છે.

ગુજરાત ATSનું ઓપરેશન ‘ગિયર બોક્સ’, કોલકાતામાંથી પકડ્યું 200 કરોડનું ડ્રગ્સ

ઉલ્લેખનીય છે કે, બોસ અથવા મેનેજરને ખુશ કરવાની જે કોર્પોરેટ ઓફિસોમાં હોડ લાગી હોય છે, કર્ચમારીઓ હંમેશા પ્રયત્ન કરતા હોય છે કે તેમના ઉપરી ખુશ રહે, અને આ જ વિચારધારાનો દુરૂપયોગ ઠગો દ્વારા કરવામાં આવી રહ્યો છે. જ્યારે પણ તમને આ પ્રકારનો કોઈ પણ મેસેજ આવે તો, બોસની મદદ કરવાના ઉત્સાહને શાંત પાડીને પહેલા તે નંબર ચેક કરવો જોઈએ તેમજ તે નંબર પર ફોન કરીને કન્ફર્મ કરવું જોઈએ. જો આ નંબર તમારા મેનેજરના નંબર કરતા અલગ છે, તેનો અર્થ ચોક્કસપણે દાળમાં કંઈક કાળું હોઈ શકે છે.

વડોદરા સાયબરક્રાઈમના એસીપી હાર્દિક માકડિયાએ અમારા સહયોગી ટાઈમ્સ ઓફ ઈન્ડિયાને જણાવ્યું કે, લોકોના બેન્ક અકાઉન્ટમાંથી પૈસા પડાવવા માટે અમુક ટોળકીઓ આ પ્રકારની નવી-નવી પદ્ધતિઓ અજમાવતી રહે છે. તેઓ સૌથી પહેલા તો મોટી કંપનીઓની વેબસાઈટ પર જાય છે, ત્યાંના ડાઈરેક્ટર્સની માહિતી મેળવે છે. આટલુ જ નહીં, તેઓ વેબસાઈટ પરથી કંપનીના CEO અથવા તો બોર્ડ મેમ્બર્સની તસવીરો પણ ડાઉનલોડ કરે છે. ત્યારપછી તેઓ આ ફોટોને વોટ્સએપના ડીપી તરીકે રાખે છે.

ગુજરાતના રાજ્યપાલનું વિવાદિત નિવેદન, ‘હિંદુ સમાજ ઢોંગી નંબર 1 છે, સ્વાર્થ માટે જ ગાય માતાની જય બોલાવે છે’
ઠગો માત્ર ડાઈરેક્ટર્સ જ નહીં, કર્મચારીઓની પણ માહિતી વેબસાઈટ પરથી મેળવતા હોય છે. એક વાર તેમની પાસે ફોન નંબર આવી જાય તો તેઓ કર્મચારીઓને એક વોટ્સએપ નંબર પરથી મેસેજ મોકલવાનું શરુ કરે છે. આ વોટ્સએપ નંબરના ડીપીમાં બોસની તસવીર મૂકવામાં આવી હોય છે. તેઓ કર્મચારીને પૈસા ટ્રાન્સફર કરવાનો મેસેજ કરે છે અને ઘણી વાર તો ઓનલાઈન ગિફ્ટ વાઉચર મોકલવાની પણ માંગ કરવામાં આવતી હોય છે. પાછલા થોડા સમયમાં વડોદરા પોલીસને આ પ્રકારની લગભગ 20 ફરિયાદો મળી હતી, જેની તપાસ ચાલી રહી છે.

ACP આ બાબતે જણાવે છે કે, જ્યારે મેસેજ આવે ત્યાં મોટાભાગના લોકો નંબર ચેક કરવાનું ટાળતા હોય છે. ભાગ્યે જ કોઈ એવુ હશે જે મોકલનારનો નંબર ચેક કરે છે. અને મોટાભાગે આ પ્રકારના ઠગો ઈન્ટરનેશનલ નંબરનો ઉપયોગ કરતા હોય છે, માટે નંબરને ટ્રેસ કરવા પણ પ્રમાણમાં મુશ્કેલ હોય છે. અને આ લોકો મોટી રકમની માંગ નથી કરતા. તેઓ 10 અથવા 20 હજાર રુપિયા મોકલવાનું કહે છે, જેથી કર્મચારીને શંકા પણ ના થાય અને તે ફટાફટ ટ્રાન્સફર કરી શકે. વડોદરાની અમુક મોટી કંપનીઓ તેમણે ટાર્ગેટ કરી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here