iPhone 14ના વેચાણ માટે Appleએ અજમાવી વધુ એક ટ્રિક, આ જૂના આઈફોન મોડેલની કિંમત વધારી દીધી – apple hiked 2022 apple iphone se price after the launch of iphone 14

0


2022 Apple iPhone SE Price Hike: iPhone 14 લોન્ચ કરતાંની સાથે જ હવે એપલ દ્વારા લેટેસ્ટ આઈફોનનું વેચાણ વધારવા માટે અનેક ટ્રિક અજમાવવામાં આવી રહી છે. આઈફોન 14 લોન્ચ કર્યાંના થોડા જ કલાકોમાં એપલ દ્વારા જૂના ચાર આઈફોન મોડેલ્સનું વેચાણ બંધ કરી દેવામાં આવ્યું હતું. હવે એપલ દ્વારા આઈફોન 14ના વેચાણ માટે વધુ એક મોટો નિર્ણય કર્યો છે. એપલે પોતાના સૌથી સસ્તા આઈફોનની કિંમતમાં વધારો કરી દીધો છે. આઈફોન 14 લોન્ચ કર્યા બાદ ભારતમાં એપલે 2022 Apple iPhone SEની કિંમત વધારી દીધી છે. જાણો તેની કિંમતમાં કેટલો ભાવવધારો કરવામાં આવ્યો છે.

2022 Apple iPhone SEની નવી કિંમત
આ વર્ષે માર્ચમાં જ 2022 Apple iPhone SE ફોનને લોન્ચ કરાયો હતો. તેના 64 જીબી વેરિયન્ટની કિંમત 43,900 રૂપિયા હતી. હવે આ ફોનની કિંમતમાં 6 હજાર રૂપિયાનો વધારો કરવામાં આવ્યો છે. જેને કારણે હવે 64 જીબી વેરિયન્ટની નવી કિંમત 49,900 રૂપિયા છે. આ ઉપરાંત 128 જીબીની જૂની કિંમત 48,900 રૂપિયા હતી. પણ ભાવવધારા બાદ આ ફોન હવે તમને 54,900 રૂપિયામાં પડશે. જ્યારે 256 જીબીની જૂની કિંમત 58,900 રૂપિયા હતી, જે વધીને હવે 64,900 રૂપિયા થઈ ગઈ છે. નવી કિંમતો હવે એપલની ઓફિશિયલ વેબસાઈટ ઉપર પણ જોવા મળે છે.

2022 Apple iPhone SE સ્પેસિફિકેશન
2022 Apple iPhone SEમાં 4.7 ઈંચની એલસીડી ટ્રૂ ટોન ડિસ્પ્લે આપવામાં આવી છે, જે 1334 x 750 રિઝોલ્યૂશન સપોર્ટ કરે છે. આ ઉપરાંત તે IP67 ડસ્ટ અને વોટર રેસિસ્ટન્ટ કોટિંગ સાથે આવે છે. તેમાં A15 Bionic પ્રોસેસર આપવામાં આવ્યું છે અને 256 જીબી સુધી સ્ટોરેજ સ્પેસ આપવામાં આવી છે.

કેમેરાની વાત કરીએ તો, 2022 Apple iPhone SEમાં 12 મેગાપિક્સલ રિયર કેમેરા અને 7 મેગાપિક્સલ ફ્રન્ટ સેલ્ફી કેમેરા આપવામાં આવ્યો છે. આ સ્માર્ટફોન 15 કલાક સુધી વિડીયો પ્લેબેક ટાઈમ આપે છે. તેમાં 5G, LTE, Wi‑Fi 6, Bluetooth 5.0 કનેક્ટિવિટી ફીચર્સ આપવામાં આવ્યા છે.

7 સપ્ટેમ્બરના રોજ એપલ દ્વારા ઈવેન્ટ દરમિયાન આઈફોન 14ના ચાર મોડેલ્સ લોન્ચ કરવામાં આવ્યા હતા, જેમાં iPhone 14, iPhone 14 Plus, iPhone 14 Pro અને iPhone 14 Pro Max વેરિયન્ટનો સમાવેશ થાય છે. આઈફોન 14 લોન્ચ કર્યા બાદ એપલ દ્વારા Phone 11, 12 Mini, 13 Pro, અને 13 Pro Max, મોડેલ્સનું વેચાણ બંધ કરી દેવામાં આવ્યું હતું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here