અમદાવાદ: કાંકરિયામાં મોબાઈલ ટાવર પર ચડી ગયો યુવક, બચાવાય તે પહેલા મોત વહાલું કરી લીધું – man felt down who climbed a mobile tower near kankaria ahmedabad

0


અમદાવાદ: શહેરના કાંકરિયા વિસ્તારમાં આપઘાતની એક ચોંકાવનારી ઘટના સામે આવી છે. કાંકરિયા ઈકા ક્લબ પાસેના મોબાઈલ ટાવર પર ચડેલા અજાણ્યા યુવકે નીચે ઝંપલાવતા મોત થયું હતું. મળતી માહિતી અનુસાર યુવક ટાવર પર ચઢ્યો હોવાની માહિતી મળતા સ્થાનિક પોલીસ અને ફાયર વિભાગે તેને સમજાવવા ઘણા પ્રયાસો કર્યા હતા. ઉલ્લેખનીય છે કે, આજે સુસાઈડ પ્રિવેન્શન ડે એટલે કે આપઘાત નિવારણ દિવસ છે, ત્યારે યુવકે આવું પગલું ભરી દેતા હાલ આ ઘટના ટોક ઓફ ધી ટાઉન બની છે. એટલું જ નહીં, ઘટનાનો વિડીયો પણ સોશિયલ મીડિયામાં વહેતો થયો છે. આ સમગ્ર મામલે પોલીસે યુવકના મૃતદેહને પોસ્ટમોર્ટમ માટે હોસ્પિટલ ખસેડીને આગળની તપાસ હાથ ધરી છે.

મોબાઈલ ટાવર પર ચઢ્યા બાદ તમાશો કર્યો
મીડિયા રિપોર્ટ અનુસાર કાંકરિયાના ગેટ નંબર ત્રણ પાસે આવેલા એક મોબાઈલ ટાવર પર આજે સવારે એક યુવક ચડી ગયો હતો. યુવકને જોઈ થોડી જ વારમાં મોટી સંખ્યામાં ભીડ એકઠી થઈ ગઈ. આ ઘટનાને લઈને સ્થાનિકોએ તાત્કાલિક પોલીસને જાણ કરતા ટીમ ઘટનાસ્થળે પહોંચી હતી. પોલીસે યુવકને સમજાવવાનો ઘણો પ્રયાસ કર્યો પરંતુ તેના પર કોઈ અસર ન થતાં આખરે ફાયર બ્રિગેડની મદદ લેવાઈ. કર્મચારીઓ બચાવવા માટે અધવચ્ચે પહોંચતાં જ યુવકે ટાવર પરથી મોતને વ્હાલું કર્યું હતું.

ઉપરથી નીચે પટકાતા યુવકને બચાવી શકાયો નહીં
આ ઘટનાનો વિડીયો પણ સોશિયલ મીડિયામાં વહેતો થયો છે. યુવક નીચે પટકાતા જ શરીરના અનેક ભાગોમાં ગંભીર ઈજાઓ થતાં તેને સારવાર માટે હોસ્પિટલ ખસેડવામાં આવ્યો હતો. જો કે, આટલે ઉપરથી પટકાયા બાદ તેને બચાવી શકાયો નહીં અને ડોક્ટરોએ તેને મૃત જાહેર કરતા પોસ્ટમોર્ટમ સહિતની કાર્યવાહી હાથ ધરાઈ હતી. બીજી તરફ પોલીસે મૃતક યુવકની ઓળખ અને આપઘાત કરવા પાછળનું કારણ જાણવા સહિતની દિશામાં તપાસ હાથ ધરી હોવાનું જાણવા મળ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here