વડોદરામાં પ્રેમ પ્રકરણમાં મર્ડર! વિધર્મી યુવકે પૂર્વ પ્રેમિકાની સાસુની હત્યા કરી નાખી – murder in love affair man killed his ex girlfriends mother in law at vadodara

0


વડોદરા: શહેરના વડસર બ્રિજ પાસેના વિસ્તારમાં એક વિધર્મી યુવકે ધોળા દિવસે ઘરમાં ઘૂસીને પૂર્વ પ્રેમિકાની સાસુની ઘાતકી હત્યા કરી હોવાની ચોંકાવનારી ઘટના સામે આવી છે. મર્ડરને લઈને આસપાસના વિસ્તારમાં ચકચાર મચી જવા પામી છે અને સ્થાનિકોમાં ભયનો માહોલ જોવા મળી રહ્યો છે. બનાવની જાણ થતાં સ્થાનિક પોલીસની ટીમ ઘટનાસ્થળે પહોંચી હતી અને લાશને પોસ્ટમોર્ટમ માટે હોસ્પિટલ ખસેડીને કાર્યવાહી કરતા હત્યારા વિધર્મી યુવકની ધરપકડ કરીને વધુ તપાસ હાથ ધરી છે. આ કેસમાં મૃતકની વહુની ભૂમિકા શંકાસ્પદ લાગી રહી છે. એટલે કે હત્યારા અને પૂર્વ પ્રેમિકા એટલે કે મૃતકની વહુએ પહેલાથી જ સાસુને મારવાનો પ્લાન બનાવ્યો હોય તેવું હાલની દ્રષ્ટિએ લાગી રહ્યું છે. જો કે, હકીકત શું છે તે સમગ્ર તપાસ બાદ જ સ્પષ્ટ થશે.

ઘટનાના ગણતરીના કલાકોમાં આરોપીની ધરપકડ
મળતી માહિતી પ્રમાણે વડસર બ્રિજ નજીક સ્કૂલની પાછળ આવેલ જય અંબે ફ્લેટમાં રહેતી પરિણીતાના એક તરફી પ્રેમમાં ઘરમાં પરિણીતાની હત્યા કરવાના ઇરાદે આવેલ યુવકે આડે આવેલી પરિણીતાની સાસુની ધોળા દહોળા ચાકુના ઉપરા છાપરી ઘા ઝીંકી હત્યા કરી હતી. જેની જાણ પોલીસને થતા પોલીસે હત્યાના દોઢ કલાકમાં આરોપીને ઝડપી પાડ્યો હતો. પોલીસની પ્રાથમિક પૂછપરછમાં ઝડપાયેલા આરોપીએ પ્રેમિકાના લગ્ન થતા પ્રેમિકાની હત્યા કરવા આવ્યો હતો પરંતુ યુવકે સાસુની હત્યા કરી હોવાની કબૂલાત કરી હોવાનું જાણવા મળ્યું છે.

સાસુ પર જીવલેણ હુમલો કરતા ઘટનાસ્થળે જ મોત
મીડિયા રિપોર્ટ અનુસાર જય અંબે ફ્લેટમાં ઠાકોરભાઈ પરમાર તેમના પત્ની દક્ષાબેન રહેતા હતા. ઠાકોર ભાઈના પુત્ર અશ્વિનના બે મહિના પૂર્વે નવાયાર્ડ આશાપુરી મહોલ્લામાં રહેતી ભાવના નામની યુવતી સાથે લગ્ન થયા હતા. અશ્વિન અને ભાવનાનાં આ બીજા લગ્ન છે. શનિવારે બપોરના સમયે ભાવના અને તેની સાસુ દક્ષાબેન ઘરે હતા અને પતિ અશ્વિન તેમજ સસરા ઠાકોરભાઈ નોકરીએ હતા ત્યારે બપોરના સમયે એકાએક ઘરે ધસી આવેલ અને ભાવનાનાં એક તરફી પ્રેમમાં રહેલ સોનુ ઉર્ફે શાહરુખ ખાન પઠાણે દરવાજો ખોલનાર ભાવનાબેનની સાસુ દક્ષાબેન પર જીવલેણ હુમલો કરતાં તેમનું ઘટનાસ્થળે જ મોત થયું હતું.

પોલીસે વધુ તપાસ હાથ ધરી
હત્યાને અંજામ આપ્યા બાદ શાહરૂખ ત્યાંથી ભાગી ગયો હતો. જો કે, પોલીસે અલગ અલગ ટીમો બનાવીને તેની શોધખોળ હાથ ધરીને ગણતરીના કલાકોમાં જ તેને ઝડપી લઈને પૂછપરછ હાથ ધરી હતી. જેમાં એકતરફી પ્રેમમાં તેણે આ કાંડ કર્યો હોવાનું જાણવા મળ્યું છે. સમગ્ર મામલે માંજલપુર પોલીસે ગુનો નોંધીને કાયદેસરની કાર્યવાહી હાથ ધરી હોવાનું જાણવા મળ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here