Husband courier divorce paper to wife: પતિએ Whatsapp પર કહ્યું ‘આપણે સાથે નહીં રહી શકીએ’, ડિવોર્સ પેપર કુરિયર કર્યા – husband said on whatsapp we can’t live together and courier divorce paper to wife

0


હાઈલાઈટ્સ:

  • પિયર ગયેલી પત્નીને અમદાવાદથી પતિએ સામાન અને ડિવોર્સ પેપર કુરિયર કર્યા
  • પતિએ ડિવોર્સ આપવાનું કહેતા પરિણીતાએ સમાધાન કરવાના અનેક પ્રયાસ કર્યા
  • પરિણીતાએ મહિલા વેસ્ટ પોલીસ સ્ટેશનમાં પતિ સાસરિયા સામે ફરિયાદ નોંધાવી

અમદાવાદ: શહેરમાં પતિ-પત્ની વચ્ચે ઝઘડા અને સાસરિયાઓના ત્રાસની અનેક કિસ્સાઓ સામે આવી રહ્યા છે, ત્યારે શહેરમાં એક વધુ વિચિત્ર કિસ્સો સામે આવ્યો છે, જેમાં પતિએ પિયરે ગયેલી પત્નીને સામાન અને ડિવોર્સ પેપર કુરિયર કરીને વોટ્સએપ પર કહ્યું કે, આપણે સાથે નહીં રહી શકીએ. જો કે, મહિલાએ તે સ્વીકારવાના બદલે સમાધાન કરવાના પ્રયાસ કર્યા હતા. દરમિયાન નાગપુરની યુવતી અમદાવાદ આવી ત્યારે પતિએ તેણીને પતિએ બીજા લગ્ન કર્યા હોવાની જાણ થતાં મહિલા વેસ્ટ પોલીસ સ્ટેશનમાં ફરિયાદ નોંધાવી હતી.

પતિએ ડિવોર્સ પેપર અને સામાન કુરિયર કર્યો
પોલીસ ફરિયાદ મુજબ શહેરના ચાંદખેડા વિસ્તારમાં રહેતા અને ખાનગી નોકરી કરતી યુવતીના લગ્ન નાગપુર ખાતે નવનીત કાલબાંડે સાથે વર્ષ 2018માં થયા હતા. લગ્ના બાદ એક મહિનો સારી રીતે રાખ્યા પછી સાસરિયાઓ ગેરવર્તન કરવા લાગ્યા હતા. જૂન 2019માં પરિણીતા પિયરમાં જતી રહેતા પતિએ વોટ્સએપ કરીને કહ્યું કે, હવે આપણે સાથે નહીં રહી શકીએ અને ડિવોર્સ પેપર્સ અને તારો સામાન કુરિયર કરું છું.

જો કે, પરિણીતાએ કુરિયર કરેલો સામાન નહીં સ્વીકારે તેવું જણાવ્યું હતું. દરમિયાન કુરિયર ઓફિસમાંથી સામાન ડિલિવરીનો મેસેજ આવતાં પરિણીતાએ પતિને ફોન કર્યો હતો અને સામાન બીજે મોકલી દીધો હોવાથી પોલીસ ફરિયાદ કરવાની વાત કરી હતી. બાદમાં પરિણીતાએ કુરિયરના ગોડાઉન ઓફિસે તપાસ કરતા સામાન તેમના નણંદ લઈ ગયાનું સામે આવ્યું હતું.

સામાન બાબતે પરિણીતાએ પોલીસમાં ફરિયાદ કરી હતી. જેની તપાસ કરતા કુરિયર ઓફિસથી જાણવા મળ્યું કે, સામાન મોકલનાર નવનીતે જ સામાન તેમના બહેન લઈ જશે તેમ જણાવ્યું હતું. આ પછી મહિલાએ સાસરીમાં આવીને વાત કરવા પ્રયાસ કર્યો પણ સરખો જવાબ અપાયો નહોતો. દરમિયાન મહિલાને જાન્યુઆરી-2020માં અમદાવાદમાં નોકરી મળતા તે અમદાવાદ આવી હતી. જો કે, આ દરમિયાન તેણીને ખબર પડી કે પતિએ બીજા લગ્ન કરી લીધા છે. આખરે મહિલાએ છૂટાછેડા મેળવવા માટે ત્રાસ આપતા પતિ, સાસરિયા સામે ફરિયાદ નોંધાવતા પોલીસે વધુ તપાસ હાથ ધરી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here