Gujarat Gram Panchayat Election Results: સરપંચ પદના મહિલા ઉમેદવારનું પરિણામ પહેલા જ હાર્ટએટેકનું મોત નીપજ્યું – patan woman candidate for post of sarpanch died of a heart attack before gujarat gram panchayat election result

0


પાટણ: પાટણના બાબરી ચંદરાણી ગામના સરપંચ પદના મહિલા ઉમેદવારનું પરિણામ આવે તે પહેલા જ હાર્ટએટેકથી મોત થયું હોવાનું જાણવા મળ્યું છે. પ્રાપ્ત માહિતી અનુસાર પાટણ જિલ્લાની ગ્રામ પંચાયતોના સરપંચો અને સભ્યો માટેની રવિવારે યોજાયેલી ચૂંટણી શાંતિપૂર્ણ માહોલમાં સપન્ન થઈ હતી. દરમિયાન ચૂંટણી લડેલા મહિલા ઉમેદવારનું પરિણામ આવે તે પહેલા જ ગત મોડીરાતે હૃદય રોગના હુમલામાં મોત નીપજતા પરિવારમાં શોકનું મોજું ફરી વળ્યું છે.

મીડિયા રિપોર્ટ મુજબ રવિવારના રોજ પાટણના બાબરી ચંદરાણી ગામમાં યોજાયેલી સરપંચ અને સભ્યોની ચૂંટણી શાતિપૂર્ણ માહોલમાં સંપન્ન થઈ હતી. ત્યારે સરપંચ પદ માટે ઉમેદવારી નોંધાવી ચૂકેલા સતુબેન ઠાકોરને મોડીરાતે છાતીમાં દુ:ખાવો ઉપડતા પરિવારજનો તેમને તાત્કાલિક સારવાર માટે હોસ્પિટલ લઈ ગયા હતા. જ્યાં ફરજ પર હાજર ડોક્ટરોએ તેમને મૃત જાહેર કરતા પરિવાર તેમજ આખા ગામમાં ગમગીની છવાઈ ગઈ હતી.

ઉલ્લેખનીય છે કે, રવિવારે પાટણ જિલ્લામાં સરપંચ માટેની 152 બેઠકો અને વોર્ડની 422 બેઠકો માટેનું મતદાન શાંતિપૂર્ણ વાતાવરણમાં સપન્ન થયું હતું. સામાન્ય ચૂંટણી યોજવાપાત્ર 177 ગ્રામ પંચાયતો અને પેટા ચૂંટણી યોજવા પાત્ર 25 ગ્રામ પંચાયતોના કુલ 232248 મતદારોએ પોતાના મતનો ઉપયોગ કર્યો હતો.

પ્રાપ્ત માહિતી અનુસાર ચૂંટણીમાં ઉમેદવારના ફોર્મ અને તેની સ્કૂટીની સહિતની તબક્કાવાર પ્રક્રિયા બાદ 184 પૈકી 22 સરપંચ સમરસ, 7 સરપંચ આંશિક બિનહરિફ તથા 3 ફોર્મ ન ભરવાના કારણે ખાલી રહ્યા હતા. આમ સરપંચની કુલ 152 બેઠકો માટે 463 ઉમેદવારો વચ્ચે ચૂંટણી હરિફાઈ થઈ હતી. સાથે ડજ વોર્ડની કુલ 1509 બેઠકો પૈકી 1026 બિનહરિફ તથા 61 બેઠકો વિવિધ કારણોસર ખાલી રહી. માટે વોર્ડની કુલ 422 જગ્યાઓ માટે 968 ઉમેદવારો વચ્ચે ચૂંટણી હરિફાઈ થઈ હતી. જેની આજે મતગણતરી ચાલી રહી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here