GSSSB chairmen Asit vora: ગૌણ સેવા પેપર લીકઃ અસિત વોરા શંકાના ઘેરામાં, કેમ ત્રણ વર્ષથી એક જ પ્રેસને કોન્ટ્રાક્ટ? – gsssb chairmen under scanner in head clerk paper leak police investigating about criminal negligence

0


હાઈલાઈટ્સ:

  • ગૌણ સેવા પેપર લીક મામલે બોર્ડના ચેરમેન અસિત વોરા સામે શંકાની સોઈ.
  • ગાંધીનગર અને સાંબરકાઠા પોલીસ દ્વારા પેપર પ્રિન્ટિંગનો કોન્ટ્રાક્ટ આપવા બાબતે પણ તપાસ.
  • એક જ પ્રેસને બોર્ડ દ્વારા છેલ્લા ત્રણ વર્ષથી પ્રશ્નપત્રો છાપવાનો કોન્ટ્રાક્ટ કેવી રીતે આપવામાં આવ્યો?

અમદાવાદ: ગુજરાત સબઓર્ડિનેટ સર્વિસિસ સિલેક્શન બોર્ડ (GSSSB)ના હેડ ક્લાર્કની પરીક્ષાનું પેપર લીક થવાના મામલે તપાસ કરી રહેલી ગાંધીનગર અને સાબરકાંઠા પોલીસની ટીમેને બોર્ડના ચેરમેન અસિત વોરા દ્વારા કથિત ગુનાહિત બેદરકારી દાખવી હોવાનું મળી આવ્યું છે, જેઓ ભૂતપૂર્વ મેયર છે. અમદાવાદ. ગુજરાતના એક વરિષ્ઠ પોલીસ અધિકારીએ અમારા સહયોગી TOIને જણાવ્યું હતું કે, “અમે તપાસ કરી રહ્યા છીએ કે સાણંદમાં એક જ પ્રેસને GSSSB દ્વારા છેલ્લા ત્રણ વર્ષથી સરકારી પરીક્ષાઓ માટે પ્રશ્નપત્રો છાપવાનો કોન્ટ્રાક્ટ કેવી રીતે આપવામાં આવ્યો હતો.”

હેડ ક્લાર્ક પરીક્ષા કેસમાં મોટો ખુલાસો, પ્રિન્ટિંગ પ્રેસમાંથી લીક થયું હતું પેપર

અધિકારીએ જણાવ્યું હતું કે GSSSB ચેરમેન અસિત વોરા દ્વારા ટેન્ડર પ્રક્રિયાઓનું યોગ્ય રીતે પાલન કરવામાં આવ્યું ન હતું, અને તેમના તરફથી ગુનાહિત બેદરકારી હોઈ શકે છે. “અમે તપાસ કરી રહ્યા છીએ કે પેપર લીક કૌભાંડના આરોપીઓમાંથી કોઈ વ્યક્તિ GSSSB ચેરમેન સાથે સાંઠગાંઠમાં છે કે કેમ અને જ્યારે અમને સચોટ પુરાવા મળશે, અમે તેની સામે કાયદેસરની કાર્યવાહી કરીશું,” ગુજરાત પોલીસ અધિકારીએ જણાવ્યું હતું.

વોરાને આ વર્ષે સપ્ટેમ્બરમાં GSSSB ચેરમેન તરીકે તેમની બીજી ટર્મ મળી હતી અને આ પ્રથમ વખત નથી કે તેમના ચેરમેન રહેતા પ્રશ્નપત્ર લીક થયું હોય. 2019 માં નોન-સચિવાલય ક્લાર્કની પરીક્ષાનું પ્રશ્નપત્ર પણ લીક થયું હતું, અને તે સમયે પણ વોરા બોર્ડના અધ્યક્ષ હતા અને પ્રશ્નપત્ર સાણંદના એ જ પ્રેસમાં છાપવામાં આવ્યું હતું, જ્યાં ડિસેમ્બર 2021ની પરીક્ષાનું પેપર છપાયું હતું. . હેડ ક્લાર્કની પરીક્ષા 12 ડિસેમ્બરે 186 જગ્યાઓ માટે યોજાઈ હતી, જેના માટે લગભગ 88,000 ઉમેદવારોએ અરજી કરી હતી.
હેડ કલાર્ક પેપર લીક કેસ: પોલીસે આરોપીઓ પાસેથી ઉમેદવારોની વિગતો મેળવી!
મહત્વનું છે કે ગૌણ સેવા પસંદગી મંડળ દ્વારા હાથ ધરાયેલી હેડ ક્લાર્કની પરીક્ષાના પેપર લીક મામલે એવો ખુલાસો સામે આવ્યો હતો કે પેપર પ્રિન્ટિંગ પ્રેસમાંથી જ લીક થયું હતું. આ બાબતે ગાંધીનગરના રેન્જ આઈજી અભય ચુડાસમાએ પ્રેસ કોન્ફરન્સમાં જણાવ્યું હતું કે, સાણંદમાં આવેલા પ્રિન્ટિંગ પ્રેસમાં હેડ ક્લાર્કનું પેપર લીક થયું હતું. આરોપી કિશોર આચાર્યએ 9 લાખ રૂપિયામાં મંગેશને આ પેપર વેચ્યું હતું. ગાંધીનગર એલસીબીએ કિશોર આચાર્યની અટકાયત કરી છે. ઝડપાયેલા આરોપીઓની પૂછપરછમાં ચોંકાવનારા ખુલાસાઓ સામે આવી રહ્યા છે. પૂછપરછ દરમિયાન પોલીસે આરોપીઓ પાસેથી ઉમેદવારોની વિગતો પણ મેળવી હોવાનું સૂત્રો મુજબ જાણવા મળ્યું છે. પોલીસે અત્યાર સુધી 70થી વધુ ઉમેદવારોના નામ અને સરનામા મેળવ્યા હોવાનું જાણવા મળ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here