cng ahmedabad: CNGના ભાવમાં ફરી થયો ભડકો, ₹1.85નો વધારો થતા ભાવ ₹67.59 પહોંચ્યો – cng price reached to 67.59 rs in ahmedabad after 1.85 rs hike

0


હાઈલાઈટ્સ:

  • ફરી સીએનજીના ભાવમાં વધારો થતા કિંમત 67.59 રૂપિયે પહોંચી
  • અઢી મહિનામાં સીએનજીના ભાવમાં ₹11.29 જેટલો વધારો થયો
  • તાજેતરમાં સીએનજીના ભાવ વધતા રિક્ષા ભાડામાં કરાયો હતો વધારો

અમદાવાદઃ એક તરફ મોંઘવારીમાં ઘટાડો કરવાની માંગ ઉઠી રહી છે તો બીજી તરફ રોજબરોજની ઉપયોગમાં આવતી વસ્તુઓના ભાવમાં સતત વધારો થતા લોકોની કમર આર્થિક રીતે તૂટી રહી છે. આવામાં હવે સીએનજીના ભાવમાં વધારો ઝીંકાતા પડતા પર પાટું પડ્યા જેવા હાલ થયા છે. અમદાવાદમાં સીએનજીના ભાવમાં ₹1.84નો વધારો થતા હવે ભાવ ₹67.59 થઈ ગયો છે.

એક તરફ રિક્ષા ચાલકો દ્વારા સીએનજીના ભાવમાં ઘટાડો કરવાની માગણી કરવામાં આવી રહી હતી તો બીજી તરફ સીએનજીના ભાવ અઢી માસના ટૂંકા ગાળામાં ₹56.30થી વધીને ₹67.59 પહોંચી ગયો છે. આમાં આ ટૂંકા ગાળામાં સીએનજીના ભાવમાં રૂપિયા 11.29નો વધારો નોંધાયો છે.

ભારતમાં આવી રહ્યા છે નવા ઈલેક્ટ્રિક ટુ-વ્હીલર્સ, દેખાવમાં સ્પોર્ટી અને શાનદાર બેટરી રેન્જ

અમદાવાદ શહેરમાં 2 ઓક્ટોબરે સીએનજીનો ભાવ રૂપિયા 59.30 હતો આ પછી તેમાં તેમાં 2.56 રૂપિયાનો વધારો થયો હતો એને એ પછી સતત વધારો થતો રહ્યો અને આજે આંકડો 70ની નજીક પહોંચી ગયો છે. આ પછી 18 ઓક્ટોબર, 2 નવેમ્બર અને 5 ડિસેમ્બરે પણ ભાવ વધતા સીએનજીની કિંમત 65.74 રૂપિયા પહોંચી હતી.

મહિલાએ ઐતિહાસિક લાલ કિલ્લા પર કર્યો દાવો, કોર્ટમાં કહ્યું- મુગલ ખાનદાનની વિધવા છું
જોકે, હવે ફરી એકવાર રૂપિયા 1.85નો વધારો થતા કિંમત 67.59એ પહોંચી ગઈ છે. હજુ પણ આગામી દિવસોમાં સતત સીએનજીના ભાવમાં વધારો થતો રહેશે તેવા કટાક્ષ રિક્ષાચાલકો દ્વારા કરવામાં આવી રહ્યા છે. સીએનજીના ભાવમાં વધારો થતા રિક્ષાચાલક એસોસિએશન દ્વારા ભાડામાં તથા પ્રતિ કિલોમીટરના ભાડામાં વધારાની માગણી બાદ તેને સરકાર દ્વારા સંતોષવામાં આવી હતી.

ફિલ્મ ’83’ માટે ડિરેક્ટર કબીર ખાને રણવીર સિંઘ વિશે મોટી વાત કહી દીધી

રિક્ષાચાલકોની માગણી બાદ ભાવમાં વધારો થતા સામાન્ય લોકોના ખર્ચમાં વધારો થઈ રહ્યો છે. ઓછામાં ઓછા ભાડાની કિંમત 15 રૂપિયાથી વધારીને 18 કરવામાં આવી હતી. જોકે, ફરી એકવાર સીએનજીના ભાવમાં વધારો થતા રિક્ષાચાલકો ઊંચાનીચા થઈ રહ્યા છે. એવી પણ ચર્ચા થઈ રહી છે કે સીએનજીના ભાવમાં વધારો થતા ભાડામાં ફરી એકવાર વધારો કરવાની માગણી રિક્ષા એસોસિએશન દ્વારા સરકાર સમક્ષ કરવામાં આવી શકે છે. આવામાં સીએનજીના ભાવમાં વધારો થતા બાળકોને સ્કૂલે લઈ જતા વાન અને રિક્ષાના ભાડામાં પણ વધારો થવાની સંભાવના વ્યક્ત કરવામાં આવી રહી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here