Gujarat Gram Panchayat Election Results: પંચાયત ચૂંટણી પરિણામ: કાંકરેજમાં 21 વર્ષની યુવતી સરપંચ, ચાણસ્મામાં માતા સામે પુત્ર હાર્યો – gujarat gram panchayat election 2021 results

0


ગાંધીનગર: ગુજરાતમાં ગ્રામપંચાયત માટે યોજાયેલી ચૂંટણી બાદ મંગળવારે મતગણતરી હાથ ધરવામાં આવી. જેમાં કાંકરેજમાં 21 વર્ષની યુવતી સરપંચ બની છે તો પાટણ જિલ્લાના ચાણસ્મા તાલુકાના ગલોલીવાસણા ગામમાં માતા સામે પુત્રની 27 મતે હાર થઈ હોવાનું જાણવા મળ્યું છે. ઉલ્લેખનીય છે કે, રવિવારે યોજાયેલી ચૂંટણીમાં સરપંચ પદના 27,200 અને સભ્યપદના 1,19,998 ઉમેદવારો મેદાનમાં હતા. જો કે, મંગળવારે મતગણતરીના હાથ ધરાતા કહી ખુશી તો કહી ગમનો માહોલ જોવા મળી રહ્યો છે.

કાંકરેજના સવાણા ગામે 21 વર્ષીય યુવતી સરપંચ
પ્રાપ્ત માહિતી અનુસાર મંગળવારે રાજ્યમાં જ્યાં પણ મતદાન થયું હતું તે તમામ ગ્રામ પંચાયતો માટેના પરિણામો એક પછી એક આવી રહ્યા છે. ત્યારે બનાસકાંઠા જિલ્લામાં માત્ર 21 વર્ષની ઉંમેર યુવતી સરપંચ બની છે. મીડિયા રિપોર્ટ અનુસાર, કાંકરેજના સમણવા ગામે સરપંચ તરીકે 21 વર્ષીય કાજલ ઠાકોરનો વિજય થયો છે. કાજલ ઠાકોરે ધોરણ-12 સુધીનો અભ્યાસ કરેલો છે અને 105 મતે વિજેતા બન્યા છે. આ સાથે કાજલ કાંકરેજમાં બન્યા નાની વયની સરપંચ બની છે. કાજલે વિજયી બનતા તમામ ગામલોકોનો ખૂબ ખૂબ આભાર માન્યો હતો.

16

ચાણસ્માના ગલોલીવાસણા ગામે માતા સામે પુત્ર હાર્યો
પ્રાપ્ત અહેવાલો અનુસાર પાટણ જિલ્લાના ચાણસ્મા તાલુકાની ગલોલીવાસણા ગ્રામપંચાયતની ચૂંટણીમાં વોર્ડ નંબર 4માં સભ્યપદની દાવેદારી માતા અને પુત્રએ સામસામે નોંધાવી ચૂંટણીજંગમાં ઝંપલાવ્યું હતું, જેમાં પુત્રની સામે માતાની 27 મતે જીત થઈ છે. મીડિયા રિપોર્ટ અનુસાર ગલોલીવાસણા ગ્રામપંચાયતની વોર્ડ નંબર 4ની સભ્યની બેઠક માટે ઉમેદવારી નોંધાવનાર માતા દીવાબેન સેનમાને 45 મત મેળવ્યા હતા. જ્યારે પુત્ર દશરથ સેનમાને 18 મત મળતાં માતાએ 27 મતોથી પુત્રને હરાવ્યો હતો.

17

પાટણના ગાજા ગામમાં નાનાભાઈએ મોટાને હરાવ્યો
ટીવી રિપોર્ટ અનુસાર, પાટણ જિલ્લાના ગાજા ગ્રામ પંચાયતની ચૂંટણીમાં અહીં નાનાભાઈએ મોટાભાઈને ચૂંટણીમાં 71 મતે હરાવ્યો. આ સાથે જ નાનોભાઈ ગામનો સરપંચ બની ગયો. તો ક્યાંક પતિ ચૂંટણી હારી જતા પત્નીની તબિયત બેભાન થતાં તેને તાત્કાલિક સારવાર માટે હોસ્પિટલ ખસેડવામાં આવી હતી. તો જુનાગઢના ચણાકા ગામ ગ્રામ પંચાયતની ચૂંટણીમાં પતિ અને પત્ની બંને વિજયી થતાં ઉજવણી કરવામાં આવી રહી છે. પ્રાપ્ત માહિતી અનુસાર પત્ની સરપંચ તો પતિ સભ્ય તરીકે ચૂંટાતા પરિવારમાં ડબલ ખુશીનો માહોલ જોવા મળી રહ્યો છે.

18

આ ઉપરાંત સાબરકાંઠા જિલ્લાના ઈડર તાલુકાના ભાણપુર ગામે બે ઉમેદવારોને એક સરખા મત મળ્યા છે તો અમરેલી જિલ્લાના ધારી તાલુકાના દિતલા ગામે ભાજપના નેતાની હાર થઈ છે. તેમજ ખજૂરી પીપળીયા ગામે સભ્યપદના એક ઉમેદવારને એક પણ મત ન મળ્યો હોવાનું જાણવા મળ્યું છે. જ્યારે વલસાડના મોરાઈ ગામે સરપંચ પદના ઉમેદવારનો એક મતથી વિજય થયો હોવાનું સામે આવ્યું છે.

(તસવીર: યોગેશ ચાવડા)



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here