Asian Champions Trophy: એશિયન ચેમ્પિયન્સ ટ્રોફીઃ સેમિમાં જાપાન સામે ભારત હાર્યું, બ્રોન્ઝ માટે પાકિસ્તાન સામે ટકરાશે – asian champions trophy hockey india lose 3-5 to japan in semifinals

0


હાઈલાઈટ્સ:

  • ભારતે અંતિમ રાઉન્ડ રોબિન મેચમાં જાપાન સામે 6-0થી વિજય નોંધાવ્યો હતો પરંતુ સેમિફાઈનલમાં નિષ્ફળ રહ્યું
  • જાપાને સેમિફાઈનલમાં પ્રથમ બે મિનિટમાં જ બે ગોલ નોંધાવીને ભારતને દબાણમાં લાવી દીધું હતું
  • ભારત માટે હાર્દિક સિંહે બે તથા હરમનપ્રીત સિંહે એક ગોલ નોંધાવ્યો હતો

વર્તમાન ચેમ્પિયન અને ઓલિમ્પિક બ્રોન્ઝ મેડાલિસ્ટ ભારતીય હોકી ટીમને એશિયન ચેમ્પિયન્સ ટ્રોફી ટુર્નામેન્ટની સેમિફાઈનલમાં પરાજયનો સામનો કરવો પડ્યો છે. મંગળવારે રમાયેલી સેમિફાઈનલમાં ભારતનો જાપાન સામે 3-5થી પરાજય થયો હતો. હવે બ્રોન્ઝ મેડલ માટેની મેચમાં ભારતનો સામનો પાકિસ્તાન સામે થશે.

મેચની શરૂઆતથી જ ભારતને પ્રબળ દાવેદાર માનવામાં આવી રહ્યું હતું કેમ કે અંતિમ રાઉન્ડ રોબિન મેચમાં ભારતે જાપાનને 6-0થી કચડી નાંખ્યું હતું. આ ઉપરાંત જાપાન સામે ભારતનો રેકોર્ડ પણ ઘણો સારો રહ્યો છે. જોકે, સેમિફાઈનલમાં જાપાન અલગ જ યોજના સાથે મેદાનમાં ઉતર્યું હતું.

પૂર્વ કોચ રવિ શાસ્ત્રીના વર્તનથી હતાશ હતો આર અશ્વિન, ક્રિકેટ છોડવાનો નિર્ણય કરી લીધો હતો
મંગળવારે જાપાની ટીમ એક અંદાજમાં જોવા મળી હતી. મેચની શરૂઆતથી જ જાપાન મનપ્રીત સિંહની ટીમ પર ભારે રહી હતી. ભારતીય ટીમ જાપાન સામે અંતિમ મેચમાં જે પ્રદર્શન કર્યું હતું તેનું પુનરાવર્તન કરવામાં નિષ્ફળ રહી હતી. ભારતીય ટીમનું ડિફેન્સ પણ નબળુ જોવા મળ્યું હતું. જ્યારે જાપાની ટીમ થોડી આક્રમક રહી હતી.

જાપાની ટીમે પ્રથમ બે મિનિટમાં જ 2-0ની સરસાઈ મેળવી લીધી હતી. જાપાન માટે શોતા યામાડાએ પ્રથમ મિનિટે પેનલ્ટી પર ગોલ નોંધાવ્યો હતો. જ્યારે બીજી મિનિટે રૈકી ફુજિશિમાએ ગોલ નોંધાવ્યા હતો. યોશિકિ કિરિશિતાએ 29મી, કોસેઈ કાવાબેએ 35મી અને યોમા ઉકાએ 41મી મિનિટે ગોલ નોંધાવ્યા હતા. જ્યારે ભારત માટે હાર્દિક સિંહે 17મી અને 58મી મિનિટે એમ બે ગોલ નોંધાવ્યા હતા. જ્યારે ઉપસુકાની હરમનપ્રીત સિંહે 43મી મિનિટે ગોલ નોંધાવ્યો હતો.

મંગળવારે રમાયેલી અન્ય એક સેમિફાઈનલમાં સાઉથ કોરિયાએ પાકિસ્તાનને 6-5થી પરાજય આપ્યો હતો. હવે ભારત અને પાકિસ્તાન બંને બ્રોન્ઝ મેડલ માટેની મેચમાં આમને સામને થશે. મેચ બાદ કેપ્ટન મનપ્રીત સિંહે જણાવ્યું હતું કે, અમે આવું પરિણામ ઈચ્છતા ન હતા. શરૂઆતમાં અમે થોડા ધીમા રહ્યા હતા અને બે ગોલ આપી દીધા હતા. આ અમારા માટે મોટો બોધપાઠ છે કે અમે કોઈ પણ ટીમને હળવાશથી લઈ શકીએ નહીં. હવે અમારે બ્રોન્ઝ મેડ માટેની મેચ માટે તૈયાર રહેવું પડશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here