maharashtra new chief minister: 51 દિવસથી નથી દેખાયા ઉદ્ધવ ઠાકરે, શું બદલાવાના છે મહારાષ્ટ્રના સીએમ? – bjp leader chandrakant patil demands in house for change cm of maharashtra

0


હાઈલાઈટ્સ:

  • મુખ્યમંત્રી ઉદ્ધવ ઠાકરેને લઈને મહારાષ્ટ્ર વિધાનસભામાં ભાજપનો હોબાળો
  • ભાજપ MLA ચંદ્રકાંત પાટીલે કહ્યું- CMનો ચાર્જ બીજાને આપવામાં આવે
  • પાટીલે એમ પણ કહ્યું હતું કે, મુખ્યમંત્રીને પોતાના પુત્ર પર જ ભરોસો નથી

મુંબઈ: મહારાષ્ટ્ર વિધાનસભાનું શિયાળુ સત્ર આજથી શરૂ થઈ ગયું છે. સત્રના પહેલા જ દિવસે મહારાષ્ટ્રના મુખ્ય વિરોધ પક્ષ ભાજપના ધારાસભ્યોએ મુખ્યમંત્રી ઉદ્ધવ ઠાકરેને લઈને હોબાળો મચાવ્યો હતો. ભાજપના નેતા ચંદ્રકાંત પાટીલે રાજ્યના મુખ્યમંત્રી ઉદ્ધવ ઠાકરેને બદલવાની માંગ કરી છે. આ અંગે મહારાષ્ટ્રના પર્યાવરણ મંત્રી અને ઉદ્ધવ ઠાકરેના પુત્ર આદિત્ય ઠાકરેએ જણાવ્યું કે મુખ્યમંત્રી ઉદ્ધવ ઠાકરેની તબિયત સારી છે અને યોગ્ય લાગશે ત્યારે તેઓ ચોક્કસ આવશે.

પ્રાપ્ત માહિતી અનુસાર કરોડરજ્જુની સર્જરી બાદ ઉદ્ધવ ઠાકરે છેલ્લા 51 દિવસથી કોઈ જાહેર કાર્યક્રમમાં દેખાયા નથી. ચંદ્રકાંત પાટીલે પણ ઉદ્ધવ ઠાકરેની ખરાબ તબિયતને ધ્યાનમાં રાખીને આ નિવેદન આપ્યું છે.

ચંદ્રકાંત પાટીલે શું કહ્યું?
મહારાષ્ટ્ર ભાજપના પ્રદેશ અધ્યક્ષ ચંદ્રકાંત પાટીલે કહ્યું કે મુખ્યમંત્રીની તબિયત સારી નથી. આવી સ્થિતિમાં તેઓએ તેમના સ્વાસ્થ્યનું ધ્યાન રાખવું જોઈએ જેથી કરીને તેમને કોઈ સમસ્યાનો સામનો કરવો ન પડે. પાટીલે કહ્યું કે મુખ્યમંત્રીએ પોતાનો ચાર્જ અન્ય કોઈ મંત્રીને આપવો જોઈએ. જો કે, ચાર્જ સોંપવાની પણ એક પ્રક્રિયા હોય છે. પાટીલે કહ્યું કે મુખ્યમંત્રી પોતાનો ચાર્જ અન્ય કોઈને સોંપશે તેની ખાતરી નથી.

સીએમની તબિયત સારી છે: આદિત્ય ઠાકરે
મહારાષ્ટ્રના પર્યાવરણ મંત્રી અને ઉદ્ધવ ઠાકરેના પુત્ર આદિત્ય ઠાકરેએ વિધાનસભામાં નિવેદન આપ્યું છે કે તેમણે મુખ્યમંત્રી સાથે વાત કરી છે અને તેમની તબિયત સારી છે, તેમણે ગઈકાલે પણ મહત્વપૂર્ણ કામ કર્યું હતું. આદિત્યએ કહ્યું કે જ્યારે મુખ્યમંત્રીને યોગ્ય લાગશે ત્યારે તેઓ ચોક્કસ આવશે.

હોસ્પિટલમાંથી પણ સતત કામ કરી રહ્યા ઠે ઠાકરે: શિવસેના MLA
બીજી તરફ શિવસેનાના ધારાસભ્ય સુનીલ પ્રભુએ કહ્યું કે મુખ્યમંત્રી ગમે ત્યારે વિધાનસભા ભવનમાં આવી શકે છે. બીમાર હોવા છતાં મુખ્યમંત્રી હોસ્પિટલમાંથી સતત કામ કરી રહ્યા હતા. ભાજપે આ માટે મુખ્યમંત્રીને અભિનંદન આપવા જોઈએ, મુખ્યમંત્રી એકદમ સ્વસ્થ છે. સરકાર કેવી રીતે ચલાવવી તે વિપક્ષને કહેવાની જરૂર નથી. પ્રભુએ કહ્યું કે મુખ્યમંત્રી સંમેલનમાં ચોક્કસપણે આવશે, તેઓ વિડીયો કોન્ફરન્સિંગ દ્વારા તમામ મંત્રીઓ સાથે વાતચીત કરતા રહે છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here