india beat pakistan: એશિયન ચેમ્પિન્સ ટ્રોફીઃ ભારતે પાકિસ્તાનને 4-3થી હરાવી બ્રોન્ઝ મેડલ જીત્યો – india beat pakistan by 4-3 in asian champions trophy, win bronze medal

0


હાઈલાઈટ્સ:

  • એશિયન ચેમ્પિયન્સ ટ્રોફીમાં પાકિસ્તાનને હરાવી ભારતે બ્રોન્ઝ મેડલ જીત્યો
  • પ્રથમ મિનિટે જ વાઈસ કેપ્ટન હરમનપ્રીત સિંહે ગોલ કર્યો
  • ભારતે 4-3થી પાકિસ્તાન સામે મેળવી શાનદાર જીત

બુધવારે રમાયેલ એશિયન ચેમ્પિયન્સ ટ્રોફી મેન્સ હોકી ટુર્નામેન્ટમાં ભારતે પાકિસ્તાનને 4-3થી હરાવી બ્રોન્ઝ મેડલ જીત્યો હતો. ટોક્યો ઓલિમ્પિકમાં બ્રોન્ઝ મેડલ વિજેતા ભારતીય ટીમને એશિયન ચેમ્પિયન્સ ટ્રોફીની સેમિફાઈનલમાં જાપાન સામે હારનો સામનો કરવો પડ્યો હતો. પણ છેલ્લી બે મેચમાં ખરાબ પ્રદર્શન બાદ પાકિસ્તાન સામે મનપ્રીત સિંહની આગેવાની ભારતીય ટીમે શાનદાર પ્રદર્શન કરીને જીત હાંસલ કરી હતી.

મંગળવારે રમાયેલ સેમિફાઈનલમાં ભારતીય ટીમ જાપાન સામે 3-5થી હારી ગઈ હતી. અને પાકિસ્તાન સામેની મેચમાં પણ ભારતની જીતની આશા ઓછી લાગતી હતી. ભારતે ખુબ જ આક્રમક વલણ અપનાવી 11 પેનલ્ટી કોર્નર્સ મેળવ્યા હતા, પણ તેમાંથી ભારત માત્ર 2 જ ગોલ કરી શક્યું હતું. ગત ટુર્નામેન્ટમાં ચેમ્પિયન રહેલી ભારતીય ટીમ આ વખતે બ્રોન્ઝ મેડલ સાથે સ્વદેશ પરત ફરશે.

આજની પાકિસ્તાન સામેની મેચમાં ભારતે પ્રથમ મિનિટમાં વાઈસ કેપ્ટન હરમનપ્રીત સિંહના ગોલથી લીડ મેળવી હતી, જે બાદ સુમિત (45 મિનિટ), વરુણ કુમાર (53 મિનિટ), આકાશદીપ સિંહ (57 મિનિટ) પર ગોલ કર્યો હતો. પાકિસ્તાન તરફથી અફરાઝ (10 મિનિટ), અબ્દુલ રાણા (33 મિનિટ), અહેમદ નદીમ (57 મિનિટ)એ ગોલ કર્યો હતો.

એશિયન ચેમ્પિયન્સ ટ્રોફીમાં પાકિસ્તાન સામે ભારતનો આ સતત બીજો વિજય છે. અગાઉ રાઉન્ટ રોબિન સ્ટેજમાં ભારતે પાકિસ્તાનને 3-1થી માત આપી હતી. ભારતે શરૂઆતથી જ પાકિસ્તાનને ડિફેન્સને પછાડતાં આક્રમક અંદાજ દેખાડ્યો હતો. જાપાન સામેની મેચના બદલે આજની મેચમાં ભારતે આક્રમક વલણ અપનાવતાં ચાર પેનલ્ટી કોર્નર્સ મળ્યા બાદ પ્રથમ મિનિટે જ હરમનપ્રીત સિંહે કરેલાં ગોલથી પાકિસ્તાન ટીમ ચોંકી ઉઠી હતી.

ખેલાડીઓને કોરોના થયો હશે તેમ છતાં ચાલુ રહેશે ભારત અને સાઉથ આફ્રિકા વચ્ચેની સીરિઝ

ભારતીય ટીમ દ્વારા પાકિસ્તાનની સર્કલની અંદર ઘૂસીને અનેક વખત ગોલ મારવાના પ્રયાસ કર્યાં હતા પણ તેમાં સફળતા મળી ન હતી. જે બાદ પાકિસ્તાને 10મી મિનિટમાં પ્રથમ ગોલ કરીને ગેમમાં 1-1થી બરાબરી કરી હતી. 14મી મિનિટમાં ભારતને પાંચમો પેનલ્ટી કોર્નર મળ્યો હતો, પણ આ વખતે પણ ભારત ગોલ કરવામાં નિષ્ફળ રહ્યું હતું. અને 22મી મિનિટે પણ પેનલ્ટી કોર્નર દરમિયાન પાકિસ્તાનના ગોલકીપર અમજદ અલીએ ગોલ થતો બચાવ્યો હતો. પ્રથમ ક્વાર્ટર સુધી ભારત અને પાકિસ્તાન 1-1 સ્કોર પર બરાબરી હતી. ત્રીજા ક્વાર્ટરની શરૂઆતમાં પાકિસ્તાને 2-1થી લીડ બનાવી હતી. જો કે, પછી ભારતે જોરદાર વાપસી કરતાં 3-2થી લીડ મેળવી દીધી હતી. અને છેલ્લે આકાશદીપે ચોથો ગોલ ફટકારીને 4-3થી ભારતને જીત અપાવી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here