Virat Kohli: ઓસ્ટ્રેલિયાનો લાબુશેન બન્યો નંબર-1, વિરાટ કોહલીને થયું નુકસાન – icc test rankings kohli slips to no 7 marnus labuschagne new world no 1 batter

0


હાઈલાઈટ્સ:

  • ઓસ્ટ્રેલિયન ક્રિકેટ ટીમનો સ્ટાર બેટર માર્નસ લાબુશેન ટેસ્ટમાં બેટિંગ રેન્કિંગમાં નંબર વનના સ્થાને પહોંચી ગયો છે
  • બોલર્સમાં સ્પિનર રવિચંદ્રન અશ્વિન ઓસ્ટ્રેલિયન સુકાની પેટ કમિન્સ બાદ બીજા ક્રમે છે
  • ટી20માં બેટર્સ રેન્કિંગમાં પાકિસ્તાની સુકાની બાબર આઝમે ટોચનું સ્થાન મેળવી લીધું છે

દુબઈઃ ઓસ્ટ્રેલિયન ક્રિકેટ ટીમનો સ્ટાર બેટર માર્નસ લાબુશેન ટેસ્ટમાં બેટિંગ રેન્કિંગમાં નંબર વનના સ્થાને પહોંચી ગયો છે. હાલમાં રમાઈ રહેલી એશિઝ સીરિઝમાં ધમાકેદાર પ્રદર્શનની મદદથી તેણે ઈંગ્લેન્ડના સુકાની જો રૂટને પાછળ ધકેલી દીધો છે અને ટોચનું સ્થાન હાંસલ કરી લીધું છે. જોકે, ભારતીય સુકાની વિરાટ કોહલીને નુકસાન થયું છે અને તે સાતમાં ક્રમે આવી ગયો છે.

ભારતીય ઓપનર રોહિત શર્મા પાંચમાં ક્રમે યથાવત છે. બોલર્સમાં સ્પિનર રવિચંદ્રન અશ્વિન ઓસ્ટ્રેલિયન સુકાની પેટ કમિન્સ બાદ બીજા ક્રમે છે. કોહલી ન્યૂઝીલેન્ડ વિરુદ્ધ રમાયેલી બે ટેસ્ટની સીરિઝમાં બીજી ટેસ્ટમાં રમ્યો હતો. તે અગાઉ છઠ્ઠા સ્થાને હતો પરંતુ હવે તે 756 પોઈન્ટ સાથે સાતમાં સ્થાને છે.

ખેલાડીઓને કોરોના થયો હશે તેમ છતાં ચાલુ રહેશે ભારત અને સાઉથ આફ્રિકા વચ્ચેની સીરિઝ
બેટર્સ રેન્કિંગમાં લાબુશેન પ્રથમ વખત નંબર-1 બન્યો છે. તેણે ઈંગ્લેન્ડ વિરુદ્ધ રમાયેલી રહેલા એશિઝ સીરિઝની પ્રથમ બે ટેસ્ટમાં શાનદાર પ્રદર્શન કર્યું છે. તે 912 પોઈન્ટ ધરાવે છે. તેણે ઈંગ્લેન્ડના જો રૂટને બીજા સ્થાને ધકેલી દીધો છે અને તેની પાસે 897 પોઈન્ટ છે. સીરિઝની શરૂઆત પહેલા લાબુશેન ચોથા ક્રમે હતો.

બ્રિસબેન ખાતે રમાયેલી ટેસ્ટમાં તેણે 74 રનની ઈનિંગ્સ રમીને ટીમના વિજયમાં મહત્વની ભૂમિકા ભજવી હતી. જ્યારે એડિલેડમાં રમાયેલી બીજી ટેસ્ટમાં તેણે 103 અને 51 રનની ઈનિંગ્સ રમી હતી. જેની મદદથી ઓસ્ટ્રેલિયાએ ઈંગ્લેન્ડને 275 રને કારમો પરાજય આપ્યો હતો અને પાંચ મેચની સીરિઝમાં 2-0ની સરસાઈ મેળવી લીધી છે.
’83’ માટે કપિલ દેવ અને વિનિંગ ટીમે પણ લીધી કરોડો રુપિયાની ફી? આ રીતે તૈયાર થઇ છે ફિલ્મતેનો સાથી ખેલાડી મિચેલ સ્ટાર્ક બોલર્સ રેન્કિંગમાં ટોપ-10માં પાછો ફર્યો છે. તેણે બીજી ટેસ્ટમાં 80 રન આપીને છ વિકેટ ખેરવી હતી. જેમાં પ્રથમ દાવમાં તેણે ચાર અને બીજા દાવમાં બે વિકેટ ઝડપી હતી. રેન્કિંગમાં તેને નવ સ્થાનનો કૂદકો લગાવ્યો છે.

ટી20માં બેટર્સ રેન્કિંગમાં પાકિસ્તાની સુકાની બાબર આઝમે ટોચનું સ્થાન મેળવી લીધું છે. તેણે એક સપ્તાહ અગાઉ આ સ્થાન ગુમાવી દીધું હતું પરંતુ તે ફરીથી નંબર-1 બેટર બની ગયો છે. વેસ્ટ ઈન્ડિઝ વિરુદ્ધ પ્રથમ બે ટી20માં 0 અને 7 રનનો સ્કોર નોંધાવવાના કારણે તે ત્રીજા ક્રમે જતો રહ્યો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here