two students from ahmedabad tested covid positive: અમદાવાદ: થલતેજ અને ગુરુકુળમાં આવેલી સ્કૂલોના બે વિદ્યાર્થીઓ કોરોના સંક્રમિત – two students from different schools of ahmedabad tested positive for coronavirus

0


હાઈલાઈટ્સ:

  • થલતેજની સત્વ વિકાસ સ્કૂલનો બીજા ધોરણનો વિદ્યાર્થી કોરોના સંક્રમિત.
  • ગુરુકુળમાં આવેલી મહારાજા અગ્રસેન સ્કૂલનો 12મા ધોરણનો વિદ્યાર્થી પણ કોરોના સંક્રમિત.
  • વિદ્યાર્થીઓ કોરોના પોઝિટિવ આવતાં અઠવાડિયા માટે ઓફલાઈન શિક્ષણ બંધ કરાયું.

અમદાવાદ: કોરોનાના કેસ ઘટતાં ગુજરાતમાં તબક્કાવાર શાળાઓ શરૂ કરવામાં આવી હતી. છેલ્લા એક-દોઢ વર્ષથી ઓનલાઈન અભ્યાસ કરતાં વિદ્યાર્થીઓએ સ્કૂલે જઈને ભણવાનું શરૂ કર્યું હતું. જોકે, હવે કોરોનાનો કાળો પડછાયો વિદ્યાર્થીઓ પર પણ પડી રહ્યો છે. છેલ્લા થોડા મહિનાઓમાં ગુજરાત સહિત દેશના વિવિધ રાજ્યોમાં સ્કૂલો ફરી ખુલતાં વિદ્યાર્થીઓ સંક્રમિત થયાના કિસ્સા સામે આવ્યા છે. હાલમાં જ અમદાવાદ શહેરની બે અલગ-અલગ સ્કૂલના બે વિદ્યાર્થીઓ કોરોના પોઝિટિવ આવ્યા છે. બુધવારે શાળાના સત્તાધીશોએ આ અંગેની જાણકારી જિલ્લા શિક્ષણાધિકારીને આપી હતી.

છારાનગર પોલીસ અત્યાચાર: બે IPS અધિકારી સહિત છ પોલીસકર્મીઓને સમન્સ મોકલાયું

“થલતેજમાં આવેલી સત્વ વિકાસ સ્કૂલના બીજા ધોરણનો એક વિદ્યાર્થી કોરોના સંક્રમિત થયો છે. તે પોતાના પરિવાર સાથે અમદાવાદની બહાર ગયો હતો. તેઓ પાછા આવ્યા ત્યારે વિદ્યાર્થીના પિતાના મિત્ર જેમની સાથે તેઓ ફરવા ગયા હતા તેમનો કોરોના રિપોર્ટ પોઝિટિવ આવ્યો હતો. વિદ્યાર્થીના પિતાને આ વાતની જાણકારી મળી ત્યારે તેઓ સ્કૂલે આવ્યા અને દીકરાને ટેસ્ટ કરાવા માટે લઈ ગયા હતા”, તેમ સ્કૂલના ટ્રસ્ટી રાજા પાઠકે જણાવ્યું.

સ્કૂલના સત્તાધીશોએ એક અઠવાડિયા માટે સ્કૂલ બંધ કરીને ઓનલાઈન ક્લાસ શરૂ કરવાનો નિર્ણય કર્યો છે, જેથી વાયરસનો ફેલાવો રોકી શકાય. કોરોના સંક્રમિત વિદ્યાર્થી સ્કૂલમાં અડધો કલાક જેટલો સમય હાજર હતો એટલે સ્કૂલ સત્તાધીશોએ તમામ વાલીઓને સૂચના આપી છે કે, જો તેમના સંતાનમાં કોરોનાના કોઈ લક્ષણ દેખાતા હોય તો ટેસ્ટ કરાવી લે. તે વિદ્યાર્થીના વર્ગશિક્ષકોને પણ કોરોનાનો ટેસ્ટ કરાવાની સૂચના અપાઈ છે, તેમ રાજા પાઠકે ઉમેર્યું.

જિલ્લા શિક્ષણાધિકારી (અમદાવાદ ગ્રામ્ય) આર.આર. વ્યાસના જણાવ્યા અનુસાર, ગુરુકુળમાં આવેલી મહારાજા અગ્રસેન સ્કૂલના ધોરણ 12માં અભ્યાસ કરતાં વિદ્યાર્થીનો કોરોના રિપોર્ટ પોઝિટિવ આવ્યો છે. “આ વિદ્યાર્થી છેલ્લા અઠવાડિયાથી સ્કૂલે નહોતો આવતો અને ઓનલાઈન ભણતો હતો. તેના પરિવારના એક સભ્યનો રિપોર્ટ પોઝિટિવ આવ્યા પછી તે પણ સંક્રમિત થયો હતો. તેના સાથી વિદ્યાર્થીઓને ચેતવી દેવાયા છે જેથી તેઓ તેના સંપર્કમાં આવ્યા હોય તો ટેસ્ટ કરાવી શકે”, તેમ વ્યાસે ઉમેર્યું.

ગુજરાતના ડોક્ટરોએ બૂસ્ટર ડોઝ લેવાનું શરૂ કરી દીધું, સરકારે હજી નથી આપી મંજૂરી

તાજેતરમાં જ શહેરની બે અન્ય સ્કૂલોના વિદ્યાર્થીઓનો કોરોના રિપોર્ટ પોઝિટિવ આવતાં શહેરની ઘણી સ્કૂલોમાં તપાસ કરવામાં આવી રહી છે.

અગાઉ આ મહિનાની શરૂઆતમાં છારોડીમાં આવેલા નિરમા સ્કૂલ અને થલતેજ સ્થિત ઉદ્ગમ સ્કૂલના કેટલાક વિદ્યાર્થીઓ કોરોના સંક્રમિત થયા હતા. જેથી જિલ્લા શિક્ષણાધિકારીએ અઠવાડિયા માટે આ સ્કૂલો બંધ કરાવીને ઓફલાઈન શિક્ષણ શરૂ કરવાનો આદેશ આપ્યો હતો. રાજ્ય સરકારના સૂત્રો પાસેથી જાણવા મળ્યું છે કે, “વિદ્યાર્થીઓ કોરોના સંક્રમિત થયાના કિસ્સા બન્યા હોવા છતાં કેટલીક સ્કૂલોએ જિલ્લા શિક્ષણાધિકારીને જાણ કરી નથી. જેના લીધે રાજ્યના શિક્ષણ વિભાગે સતર્કતા વધારી છે.”



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here