car parking at home: ગુજરાતઃ બંગલો જ નહીં ફ્લેટમાં પણ ઘરના દરવાજા સુધી કાર લઈ જવાની સુવિધા જલદી મળશે – park car at your floor facilities, will gujarat get soon

0


હાઈલાઈટ્સ:

  • બંગલો જ નહીં ફ્લેટમાં પણ ઘર સુધી કાર લઈ જવાની સુવિધા મળતી થઈ જાય તો..?
  • 13મા માળે રહેતી વ્યક્તિ પોતાની કાર લઈને ઘરના આંગણે પહોંચી શકે તેવી સુવિધા
  • પાર્કિંગ બાબતની માથાકૂટમાંથી બહાર આવવા ગુજરાતના ડેવલપર્સ ક્રિએટિવ બન્યા

અમદાવાદઃ કલ્પના કરો કે તમારું મકાન કોઈ એપાર્ટમેન્ટના 13મા માળ પર છે અને તમે કારમાં બેસીને જ તમારા ઘરના આંગણે પહોંચી જાવ તો કેવું લાગે? અમદાવાદ સહિતના ગુજરાતના મોટા શહેરોમાં ઉભા થઈ રહેલા કોંક્રેટના વિશાળ જંગલના કારણે પબ્લિક પ્લેસ અને રેસિડેન્સિયલ વિસ્તારમાં પાર્કિંગની ભારે મુશ્કેલીઓ સર્જાઈ રહી છે. જોકે, હવે ગુજરાતના શહેરોમાં પોતાના ઘરના ફ્લોર સુધી કાર લઈ જવાની સુવિધાઓ ટૂંક સમયમાં મળતી થાય તો નવાઈ વાત નહીં રહે. (પ્રતિકાત્મક તસવીર)

ભાવનગરમાં એક ડેવલોપરને 6,200 સ્ક્વેર યાર્ડ પ્લોટની જગ્યામાં 13 માળની હાઈ-સાઈઝ રેસિડેન્સિયલ બિલ્ડિંગ ઉભી થશે, અને આ બિલ્ડિંગના પ્લાનમાં ફ્લેટનો માલિક પોતાના ફ્લોર સુધી કાર લઈ જઈ શકે તેવો પ્લાન પાસ કરાવ્યો છે.

ગુજરાતના ડોક્ટરોએ બૂસ્ટર ડોઝ લેવાનું શરૂ કરી દીધું, સરકારે હજી નથી આપી મંજૂરી

આ બિલ્ડિંગમાં એક છૂપું હાઈડ્રોલિક પ્લેટફોર્મ હશે જેના ઉપયોગથી ફ્લેટના માલિક તેમની કાર તેમના ઘરના આંગણા સુધી લઈ જઈ શકશે. એટલે વ્યક્તિ 10મા માળે રહેતી હોય તો તેણે કારમાંથી ઉતરીને સામાન લઈને લિફ્ટ સુધી જવાની જરુર નહીં પડે પણ કારમાં બેસીને જ પોતાના ફ્લોર પર પહોંચી જવાશે. આ સુવિધામાં પોતાના ઘરની બાજુમાં જ વાહન પાર્ક કરી શકાય તેવી સુવિધા મકાન માલિકને આપવામાં આવશે. પ્લાન પાંચ એપાર્ટમેન્ટ વચ્ચે દરેક ફ્લોર પર 10 લક્ઝરી કાર પાર્ક કરી શકાય તેટલી જગ્યા આપવામાં આવશે.

આ બિલ્ડિંગના ડેવલપર કમલેશ શાહે અમારા સહયોગી TOI સાથે કરેલી વાતચીતમાં જણાવ્યું છે કે, આ એપાર્ટમેન્ટમાં 3 અને 4 બીએચકે ફ્લેટ હશે અને દરેકને બે કાર પાર્ક કરી શકાય તેટલી જગ્યા આપવામાં આવશે.

મુંબઈ-અમદાવાદ વચ્ચે દોડતી શતાબ્દી એક્સપ્રેસ ટ્રેન હવે ગાંધીનગર સુધી જશે
ભાવનગરના મ્યુનિસિપલ કમિશનર એમએ ગાંધીએ પણ આ પ્લાનને મંજૂરી આપી છે. કમિશનર ગાંધીએ જણાવ્યું છે કે, “અમે 13 માળની બિલ્ડિંગને GDCR (General Development Control Regulations) અંતર્ગત મંજૂરી આપી છે.” આ પહેલા પહેલા માળ સુધી હાઈડ્રોલિક લિફ્ટ દ્વારા વાહન લઈ જવાની મંજિરી બે પ્રોજેક્ટ્સમાં આપવામાં આવી હતી.

વડોદરાના રેસકોર્સ વિસ્તારમાં આવેલા કોમર્શિયલ કોમ્પ્લેક્સમાં પાર્કિંગ ધાબા પર કરાય તેવી સુવિધા ઉભી કરવામાં આવી છે. એવો દાવો કરવામાં આવે છે કે આ પ્રકારની સુવિધા શહેરમાં પહેલીવાર આપવામાં આવી છે. પ્રોજેક્ટ આર્કિટેક અમિત શ્રીવાસ્તવ જણાવે છે કે, આ કોમ્પ્લેક્સમાં બે લેવલ સુધી ભોંયરામાં પાર્કિંગની સુવિધા છે, પરંતુ બિલ્ડિંગમાં વધારે વાહનો પાર્ક થઈ શકે તે માટે ધાબા સુધી વાહન લઈ જઈ શકાય તેવી સુવિધા ઉભી કરવામાં આવી છે. તેઓ જણાવે છે કે, બિલ્ડિંગ કોમર્શિયલ વપરાશ માટે છે માટે અહીં આવતા લોકોને પાર્કિંગને લઈને અગવડ ના ઉભી થાય તેવી વ્યવસ્થા કરવામાં આવી છે.

શ્રીવાસ્તવ જણાવે છે કે હવે નવા પ્રોજેક્ટ્સમાં સોલાર પેનલ લગાવવી ફરજિયાત છે. આ પેલનની હાઈટ 7થી 10 ફૂટની હોય છે, જેનાથી કાર પાર્કિંગ માટેનો શેડ પણ વાહનચાલકોને મળી જાય છે. વાહનોને ધાબા પર લાવવા માટે લિફ્ટનો ઉપયોગ કરવામાં આવે છે.

રાજકોટમાં પ્રખ્યાત કાલાવાડ રોડ પર તૈયાર થનારી કોમર્શિયલ બિલ્ડિંગ પાર્કિંગ માટે અલગથી એક ટાવર ઉભું કરશે. આ કાર પાર્કિંગ માટેના ટાવરમાં હાઈડ્રોલિક લિફ્ટ સિસ્ટમ હશે. 70 મીટર અને 22 માળના કાર પાર્કિંગ માટેના ટાવર માટે મંજૂરી મેળવવાની પ્રક્રિયા ચાલી રહી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here