Corona virus cases in india: તામિલનાડુમાં ઓમિક્રોન વિસ્ફોટ, એક જ દિવસમાં આવ્યા 33 નવા કેસ – tamilnadu omicron blast state reports 33 new omicron case in single day

0


હાઈલાઈટ્સ:

  • ભારતમાં ઓમિક્રોનના કુલ કેસ 300ની નજીક પહોંચી ગયા છે. અત્યાર સુધીમાં કોરોના વાયરસનો આ નવો પ્રકાર 17 રાજ્યોમાં ફેલાયો છે.
  • ઓમિક્રોન તેના પુરોગામી ડેલ્ટા વેરિઅન્ટ્સ કરતાં ઘણી ઝડપથી ફેલાય છે અને તેની વ્યક્તિને સંક્રમિત કરવાની ક્ષમતા વધારે છે.
  • તાજેતરમાં તામિલનાડુ અને હરિયાણામાં ઓમિક્રોનના કેસનો વિસ્ફોટ થયો હોય તેમ એક જ દિવસમાં અનેક કેસ આવ્યા છે.

નવી દિલ્હીઃ ભારતમાં કોરોના વાયરસના નવા વેરિઅન્ટ ઓમિક્રોન વેરિઅન્ટના કેસ 300ના આંકને સ્પર્શવાના છે. તાજેતરના ડેટા અનુસાર ભારતમાં ઓમિક્રોનના કેસ દેશના 17 રાજ્યો/કેન્દ્રશાસિત પ્રદેશોમાં ફેલાયેલા છે. જેમાં ગુરુવારે તમિલનાડુમાં ઓમિક્રોન કેસનો વિસ્ફોટ થતા 33 નવા કેસ નોંધાયા હતા. આ સાથે, દેશમાં કોરોનાના આ નવા વેરિઅન્ટના ચેપ અંગેના કુલ કેસ 290 પર પહોંચી ગયા છે.

તમિલનાડુમાં ‘ઓમિક્રોન બ્લાસ્ટ’

તમિલનાડુના આરોગ્ય પ્રધાન એમ. સુબ્રમણ્યમે જણાવ્યું હતું કે રાજ્યમાં 33 નવા ઓમિક્રોન કેસના આગમન સાથે તેમના રાજ્યમાં કુલ ઓમિક્રોન કેસ વધીને 34 થઈ ગયા છે. રાજધાની ચેન્નાઈમાં જ ઓમિક્રોનના 26 કેસ સામે આવ્યા છે. જ્યારે મદુરાઈમાં 4, તિરુવન્નામલાઈમાં 2 અને સાલેમમાં 1 કેસ નોંધાયા છે. સુબ્રમણ્યમે કહ્યું કે તાજેતરના ભૂતકાળમાં રાજ્યમાં વિદેશથી આવેલા 104 લોકો કોરોના પોઝિટિવ જોવા મળ્યા છે.

રાજ્ય અનુસાર ઓમિક્રોન કેસની વિગત

ઓમિક્રોને બુધવારે હરિયાણામાં પણ હાજરી આપી અને પહેલા જ દિવસે રાજ્યમાં 6 નવા કેસ સામે આવ્યા. બુધવારે તેલંગણામાં ઓમિક્રોનના 14 નવા કેસ, કેરળમાં 9, રાજસ્થાનમાં 4, દિલ્હીમાં 3, પશ્ચિમ બંગાળમાં 2 અને આંધ્રપ્રદેશમાં 1 નવા કેસ નોંધાયા હતા.

હરિયાણાના આરોગ્ય અને પરિવાર કલ્યાણ પ્રધાન અનિલ વિજે બુધવારે વિધાનસભામાં જણાવ્યું હતું કે ગુડગાંવ અને ફરીદાબાદમાં ઓમિક્રોનના 3-3 કેસ નોંધાયા છે. ગુડગાંવના ત્રણેય દર્દીઓની ટ્રાવેલ હિસ્ટ્રી છે જેઓ યુકેથી દુબઈ થઈને ભારત પરત ફર્યા હતા. તેલંગણામાં બુધવારે મળી આવેલા તમામ 14 નવા કેસ મેડિકલ ટુરિસ્ટના છે. તેમાંથી 2 બ્રિટનથી જ્યારે 12 કેન્યા અને સોમાલિયાથી આવ્યા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here