Nakuul Mehta: કોરોના વાયરસથી સંક્રમિત થયો નકુલ મહેતા, વેબ સીરિઝ જોઈને કાઢી રહ્યો છે સમય – bade achhe lagte hain actor nakuul mehta has tested positive for covid-19

0


હાઈલાઈટ્સ:

  • ઓટીટી પ્લેટફોર્મ પર વેબ સીરિઝ જોઈને દિવસો કાઢી રહ્યો છે નકુલ મહેતા
  • કોરોના સંક્રમિત નકુલ મહેતાને પત્ની જમાડી રહી છે હાથે બનાવેલું ભોજન
  • નકુલ મહેતાને ઈન્ડસ્ટ્રીના મિત્રોએ જલ્દીથી રિકવર થવાની પાઠવી શુભેચ્છા

‘બડે અચ્છે લગતે હૈ’ એક્ટર નકુલ મહેતાનો કોવિડ-19 રિપોર્ટ પોઝિટિવ આવ્યો છે. એક્ટરે આ વિશે જાણ ફેન્સને સોશિયલ મીડિયા પર કરી છે. એક્ટર હાલ હોમ આઈસોલેશનમાં છે અને ઈન્ટરનેશનલ વેબ સીરિઝ જોઈ રહ્યો છે, પોડકાસ્ટ સાંભળી રહ્યો છે, ઘરે બનાવેલું ભોજન લઈ રહ્યો છે તેમજ કોરોના વાયરસને હરાવવા માટે જરૂરી દવાઓ લઈ રહ્યો છે.

નકુલ મહેતા

નકુલ મહેતાએ દવાઓ, લેપટોપ, ભોજન તેમજ કેન્ડલની સાથે-સાથે પોતાની પણ તસવીર શેર કરી છે. આ સાથે તેણે લખ્યું છે ‘કારણ કે છોકરો આજે પોતાના મનમાં ઓછી ગૂંચવણ અનુભવી રહ્યો છે અને એક ઝડપથી હેલ્થ અપડેટ આપી રહ્યો છે. હકીકતમાં જેના વિશે કોઈએ પૂછ્યું જ નથી. વિલ સ્મિથનો આભાર, દવાઓનો ઢગલો, નેટફ્લિક્સ પર YOU, સ્પોટિફાય પર મોર્ડન લવ પોડકાસ્ટ, અલી સેઠીનો અવાજ, મારી ડાયરી અને મને કંપની આપવા માટે ઘરની મહિલાના હાથનું ગરમ ભોજન…કારણ કે હું કોરોનાને હરાવવાનો પ્રયાસ કરી રહ્યો છું. ખૂબ જલ્દી તેમાંથી બહાર આવીશું’.

comments

નકુલ મહેતાને કોરોના થયો હોવાનું જાણી ઈન્ડસ્ટ્રીના ફ્રેન્ડ્સ અને ફેન્સ ચિંતા વ્યક્ત કરી રહ્યા છે. તેમજ જલ્દીથી રિકવર થઈ જવા માટે હિંમત આપી રહ્યા છે. ગૌતમ રોડેએ ‘ગેટ વેલ સૂન’ લખ્યું છે. તો ‘બડે અચ્છે લગતે હૈ 2’ની કો-એક્ટર દિશા પરમારે લખ્યું છે ‘અમે તમામ રાહ જોઈ રહ્યા છે. સ્વસ્થ થઈ જા અને જલ્દી પાછો આવ’. તો રીના અગ્રવાલે લખ્યું છે ‘અમે તને સેટ પર મિસ કરીએ છીએ. સીનની વચ્ચે તારા જોકને ફરીથી સાંભળવાની રાહ જોઈ શકતી નથી’. કરણ પટેલે પણ લખ્યું છે ‘ગેટ વેલ સૂન ભાઈ’.

જણાવી દઈએ કે, નકુલ મહેતાએ લાંબા સમય બાદ ટીવી પર કમબેક કર્યું છે. ‘બડે અચ્છે લગતે હૈ 2’માં ફરીથી એક્ટર અને દિશા પરમારની જોડી જોવા મળી રહી છે. અગાઉ બંનેએ ‘પ્યાર કા દર્દ હૈ મીઠા મીઠા પ્યારા પ્યારા’માં સાથે કામ કર્યું હતું. નકુલ મહેતા ‘ઈશ્કબાઝ’ બાદથી સ્ક્રીન પરથી ગાયબ હતો.

નકુલ મહેતા અને પત્ની જાનકી પરીખ આ વર્ષે દીકરાના માતા-પિતા બન્યા હતા. જેનું નામ તેમણે સૂફી રાખ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here