ahmedabad woman: અમદાવાદની પરિણીતાએ ત્રીજા લગ્ન પછી પણ સાસરિયા-પતિનો ત્રાસ વેઠ્યો, કરી ફરિયાદ – woman suffers with domestic violence even after third marriage, file complaint in ahmedabad

0


હાઈલાઈટ્સ:

  • બે છૂટાછેડા પછી ઘરસંસાર માંડવા માટે 28 વર્ષની યુવતીએ ત્રીજા પ્રેમ લગ્ન કર્યા હતા
  • ત્રીજા લગ્ન પછી પણ પરિણીતાને સાસરિયા અને પતિ તરફથી ત્રાસ મળવાનું શરુ થયું
  • પરિણીતાના પતિના ઘરના સભ્યો પ્રેમ લગ્નની વિરુદ્ધમાં હતા, છતાં બન્નેએ લગ્ન કર્યા

અમદાવાદઃ લગ્ન જીવન પછી ઉભી થતી તકલીફો અને મહિલા પોલીસ સ્ટેશનમાં થતી ફરિયાદોની સંખ્યામાં વધારો થઈ રહ્યો છે. શહેરના કૃષ્ણનગર વિસ્તારમાં બનેલી ઘટનામાં યુવતીએ ત્રણ વખત લગ્ન કર્યા અને અંતિમ લગ્નમાં પણ તેણે ભારે ત્રાસ ભોગવવાનો વારો આવી રહ્યો છે. આ અંગે પરિણીતાએ કૃષ્ણનગર પોલીસ સ્ટેશનમાં પતિ સહિત સાસરિયા સામે ફરિયાદ નોંધાવી છે.

શહેરના નરોડા વિસ્તારમાં રહેતી 28 વર્ષની પરિણીતા રાધિકા (નામ બદલ્યું છે)ના લગ્ન 18 એપ્રિલ વર્ષ 2016માં મોહિત સાથે થયા હતા. રાધિકાએ આ પહેલા બે વખત છૂટાછેડા લઈને ત્રીજા લગ્ન કર્યા છે. જોકે, અહીં પણ તેણે સાસરિયા અને પતિ તરફથી ત્રાસ વેઠવો પડી રહ્યો છે. આ બાબતે રાધિકાએ ફરિયાદ નોંધાવી છે. ફરિયાદ પ્રમાણે રાધિકાએ મોહિત સાથે પ્રેમ લગ્ન કર્યા છે, તેના સાસરિયા આ લગ્નની વિરુદ્ધમાં હતા.

સાવધાન! દેશમાં ઓમિક્રોનના કેસનો આંક 300ને પાર, સંક્રમણની ગતિ વધી

પરિવારના સભ્યોની નારાજગીના કારણે મોહિત પત્ની રાધિકાને લઈને અલગ રહેવા માટે ગયો હતો. જોકે, લગ્ન પછી સંબંધોમાં સુધાર આવતા રાધિકા પોતાના સાસરિયા સાથે સંયુક્ત કુટુંબમાં રહેવા માટે ગઈ હતી. આ દરમિયાન રાધિકા પ્રેગનેન્ટ થતા તેના સાસરિયા તરફથી ત્રાસ ગુજારવાનું શરુ કરાયું હતું, જેમાં રાધિકાને મેંણા મારવામાં આવતા હતા કે તું પ્રેમ લગ્ન કરીને આવી છે એટલે દહેજ પણ લાવી નથી. આ સિવાય પતિ પણ તેને માર મારતો હતો.

બીજી તરફ પોતાના ત્રીજા લગ્ન હતા અને એ પણ પ્રેમ લગ્ન હોવાથી રાધિકા બધું મૂંગા મોઢે સહન કરતી હતી. પરંતુ દહેજ મુદ્દે સાસરિયા દ્વારા ત્રાસ વધી જતા તેણે પતિને મકાન લેવા માટે કહ્યું હતું, આ માટે રાધિકાએ પોતાની પાસે રહેલા બચતના રૂપિયા પતિને આપ્યા હતા. રાધિકાએ પોતાના નામે મકાન લેવા માટે કહ્યું હતું પરંતુ પતિએ લોન બન્નેના નામે લેવી પડશે અને પછી મકાન તારા નામે કરી દઈશ તેવી વાત કરી હતી, તે પોતાના પિતાના પેન્શનમાંથી મકાનના હપ્તા ભરતી હતી. જોકે, તેને સાસરિયાએ ઘરમાંથી કાઢી મૂક્યા પછી પતિ તેને વારંવાર કહ્યા છતાં તેડવા માટે નહોતો આવતો. આ પછી રાધિકાએ પતિ સહિત સાસરિયા સામે ફરિયાદ નોંધાવી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here