extramarital affairs: IASની તૈયારી માટે પત્ની પિયર ગઈ, પતિ બીજી સાથે લિવ-ઈનમાં રહેવા લાગ્યો – wife went parental home to prepare for ias husband moved to live-in with another woman

0


હાઈલાઈટ્સ:

  • પત્ની, માતા-પિતા અને બે બાળકોને ઓળખવા પણ તૈયાર નથી પતિ
  • અગાઉ પતિ 3 વાર લગ્ન કરી ચૂક્યો છે, જેની પત્નીને કોઈ જાણ નહોતી
  • પરિણીતાએ અભયમની મદદથી મહિલા આયોગમાં ફરિયાદ નોંધાવી

અમદાવાદ: શહેરમાં પતિ-પત્ની અને વોનો એક વિચિત્ર કેસ સામે આવ્યો છે. જેમાં IASની તૈયારી માટે યુવતી પિયરમાં ગઈ ત્યારે પતિ પરસ્ત્રી સાથે લિવ-ઈનમાં રહેવા લાગ્યો હતો. પત્નીને આ અંગેની જાણ થતાં તે તેના પતિને સમજાવવા ગઈ તો પતિ તેની પત્ની બાળકો તેમજ મા-બાપની સાથે પણ રહેવા તૈયાર નહોતો. જેથી પત્નીએ મહિલા અભયમની મહિલા આયોગમાં ફરિયાદ નોંધાવતા વધુ કાર્યવાહી હાથ ધરવામાં આવી છે.

પ્રાપ્ત માહિતી અનુસાર IASની તૈયારી કરતી એક યુવતીએ અભયમની ટીમને ફોન કરીને કહ્યું કે, મારા પતિ 6 મહિનાથી એક સ્ત્રી સાથે લિવ-ઈનમાં રરહે છે, જેથી મદદ માટે આવવા કહ્યું હતું. બાદમાં અભયમની ટીમ ઘટનાસ્થળે પહોંચીને યુવતીની પૂછપરછ કરતા જાણવા મળ્યું કે, ફેસબૂકના માધ્યમથી સંપર્કમાં આવ્યા બાદ પ્રેમ થયો અને પ્રેમલગ્ન કર્યા હતા. યુવતી ભણેલી-ગણેલી હોવાથી તે નોકરી કરતી હતી અને પતિનો ખર્ચ ઉપાડતી હતી.

લગ્ન જીવનમાં યુવતીએ બે બાળકોને જન્મ આપ્યો હોવાથી બાળકો પર ધ્યાન આપવા માટે નોકરી છોડીને IASની તૈયારી કરવા લાગી હતી જેથી પતિએ યુવતીને તેના માતા-પિતાના ઘરે તૈયારી કરવા મોકલી હતી. જો કે, એક મહિના પછી યુવતી તેના પતિના ઘરે પરત ગઈ ત્યારે જાણવા મળ્યું કે તેનો પતિ બીજી મહિલા સાથે લિવ-ઈનમાં રહે છે.

પૂછપરછમાં એવું પણ જાણવા મળ્યું કે, અગાઉ પતિને ત્રણ લગ્ન થઈ ચૂક્યા છે. જેથી જાણ યુવતીને ન હતી, એટલું જ નહીં. યુવતીના કોરા ચેકમાં સહી કરાવીને તેના નામને 1 લાખ રૂપિયાની લોન પણ લીધી હતી અને ઉઘરાણી પણ યુવતી પાસે કરવામાં આવતી હતી. આ બાબતે પતિનો સંપર્ક કરવાનો પ્રયાસ કર્યો હતો પતિ ફોન ઉપાડતો નહોતો અને પૈસા પણ આપતો નહોતો. સાસુરાના પણ એક કરોડ રૂપિયા લઈને અમદાવાદમાં સ્પા ખોલ્યુ હોવાથી તેમા કામ કરતી સ્ત્રી સાથે જ પતિ લિવ-ઈનનો કરાર કરીને રહેવા લાગ્યો હતો. સમગ્ર મામલે અભયમની ટીમે પત્નીને કાયદાકીય માહિતી આપીને મહિલા આયોગમાં ફરિયાદ નોંધાવડાવી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here