Sayli Kamble: મિસિસ બનવા તૈયાર છે ‘ઈન્ડિયન આઈડલ 12’ ફેમ સાયલી કાંબલે, જણાવ્યો લગ્નનો પ્લાન – indian idol 12 fame sayli kamble talks about her marriage plans with dhawal

0


હાઈલાઈટ્સ:

  • ‘ઈન્ડિયન આઈડલ 12’ની સેકન્ડ રનર-અપ રહી ચૂકી છે સાયલી કાંબલે.
  • લાંબા સમયથી એકબીજાને ડેટ કરતા હતા ધવલ અને સાયલી.
  • સગાઈ બાદ સાયલીએ થનારા સાસુ-સસરા સાથેની સુંદર તસવીરો શેર કરી છે.

‘ઈન્ડિયન આઈડલ 12’ ફેમ સાયલી કાંબલેએ હાલમાં જ પોતાના બોયફ્રેન્ડ ધવલ સાથે સગાઈ કરી છે. પ્રતિભાશાળી સિંગર સાયલી થોડા જ મહિનાઓમાં પ્રોફેશનલ લાઈફ અને લગ્નજીવન વચ્ચે સંતુલન જાળવતી જોવા મળશે. હાલમાં જ અમારા સહયોગી ઈટાઈમ્સ ટીવીએ સાયલી સાથે સગાઈ અને લગ્ન વિશે વાત કરી હતી. 2021ના અંતે સગાઈ કરનારી સાયલી 2022માં મિસિસ બની જાય તો નવાઈ નહીં.

‘ઈન્ડિયન આઈડલ 12’ ફેમ સાયલી કાંબલેએ બોયફ્રેન્ડ સાથે કરી સગાઈ, નિહાલ, અંજલી, નચિકેત રહ્યા હાજર

સાયલીએ જણાવ્યું કે, તેની સગાઈ મુંબઈના ચેમ્બુરમાં થઈ હતી. સાયલી અને ધવલની સગાઈમાં પરિવાર ઉપરાંત ‘ઈન્ડિયન આઈડલ 12’ના તેના ખાસ મિત્રો પણ હાજર રહ્યા હતા. સાયલીનો બેસ્ટ ફ્રેન્ડ અને ‘ઈન્ડિયન આઈડલ 12’નો કન્ટેસ્ટન્ટ રહી ચૂકેલો નિહાલ, અંજલી ગાયકવાડ, નચિકેત લેલે, અનુષ્કા વગેરે તેની સગાઈમાં હાજર રહ્યા હતા. આ વાતની ખુશી વ્યક્ત કરતાં સાયલીએ કહ્યું, “‘ઈન્ડિયન આઈડલ’ના મારા બધા જ મિત્રો મારા માટે ખૂબ ખુશ છે.”

ઈટાઈમ્સ ટીવી સાથેના વાતચીતમાં સાયલીએ તેના લગ્નના પ્લાન વિશે જણાવતાં કહ્યું, “અમે હજી નક્કી નથી કર્યું કે લગ્ન ક્યારે કરવા.” સાયલીને પૂછવામાં આવ્યું કે, શું તે 2022ના પહેલા છ મહિનામાં લગ્ન કરવાનું વિચારે છે? જવાબમાં તેણે કહ્યું, “કદાચ હા.” સાયલીના જણાવ્યા અનુસાર તેનો ફિઆન્સે ધવલ LIC (લાઈફ ઈન્શોયરન્સ કોર્પોરેશન)માં કામ કરે છે.

ઉલ્લેખનીય છે કે, સગાઈ થઈ ત્યારે તેણે ઈન્સ્ટાગ્રામ સ્ટોરીમાં વિવિધ વિડીયો શેર કર્યા હતા. જેમાં તે અને ધવલ ઘૂંટણિયે બેસીને એકબીજાને રિંગ પહેરાવતા જોવા મળે છે. ત્યારે હાલમાં જ સાયલીએ સગાઈની સુંદર તસવીરો શેર કરી છે. ધવલ સાથેની રોમેન્ટિક તસવીર શેર કરતાં સાયલીએ લખ્યું, “જ્યારે પણ હું વિચારું છું કે તું જ શા માટે ત્યારે યાદીમાં જોડવા માટે તું મને વધુ એક કારણ આપી દે છે. લવ યુ. હવે આપણો સંબંધ ઓફિશિયલ થઈ ગયો છે.”

આ ઉપરાંત સાયલીએ પરિવાર સાથેની તસવીરો શેર કરી છે. જેમાં સાયલીના માતાપિતા ઉપરાંત તેના થનારા સાસુ-સસરા એટલે કે ધવલના માતાપિતા અને તેનો પરિવાર જોવા મળે છે. આ તસવીરો શેર કરતાં સાયલીએ લખ્યું, ‘સાત આત્મા, એક પરિવાર.’

બેવાર ડિવોર્સ પછી ફરી પ્રેમમાં પડી ‘બડે અચ્છે લગતે હૈ’ની એક્ટ્રેસ? રોહન ગંડોત્રા સાથેના સંબંધનો કર્યો ખુલાસો

જણાવી દઈએ કે, સાયલી કાંબલે ‘ઈન્ડિયન આઈડલ 12’ની સેકન્ડ રનર-અપ રહી હતી. થોડા દિવસો પહેલા જ તે ‘ઈન્ડિયન આઈડલ 12’ના વિજેતા પવનદીપ રાજન, ફર્સ્ટ રનર-અપ અરુણિતા કાંજીલાલ, દાનિશ મોહમ્મદ સાથે મ્યૂઝિક કોન્સર્ટ માટે વિદેશ ટૂર પર ગઈ હતી.





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here