gujarat weather: ડિસેમ્બરના અંતમાં કમોસમી વરસાદની આગાહી, ઠંડુગાર રહેતા નલિયાનું તાપમાન 14 ડિગ્રી – unseasonal rainfall forecast for gujarat during end of december

0


હાઈલાઈટ્સ:

  • ગુજરાતમાં નવેમ્બર પછી ડિસેમ્બરમાં પણ કમોસમી વરસાદની આગાહી કરાઈ
  • શિયાળામાં સૌથી ઠંડા રહેતા નલિયાનું લઘુત્તમ તાપમાન 14 ડિગ્રી નોંધાયું
  • ગાંધીનગર 10 ડિગ્રી સાથે રાજ્યનું સૌથી ઠંડું શહેર, અમદાવાદનું તાપમાન 11 ડિગ્રી

અમદાવાદઃ આ વખતે જાણે ચોમાસું પત્યા પછી પણ વરસાદ ગુજરાતનો પીછો છોડવા માગતો ના હોય તેવો ઘાટ ઘડાયો છે. ચોમાસું પત્યા પછી ચાલુ વર્ષમાં ઓક્ટોબર મહિનામાં નવરાત્રી વખતે અને તે પછી નવેમ્બર મહિનામાં કમોસમી વરસાદ નોંધાયો હતો. આ વરસાદના લીધે ખેડૂતોને ઉભા પાકને તથા લણી લીધેલા પાકને નુકસાન થયાની ફરિયાદો ઉઠી હતી. હવે ફરી એકવાર ડિસેમ્બર મહિનાના અંતમાં કમોસમી વરસાદ થવાની આગાહી વ્યક્ત કરાઈ રહી છે.

કોલ્ડ વેવની આગાહી પછી રાજ્યમાં ઠંડીનું જોર વધ્યું છે. અઠવાડિયા કરતા લાંબા સમયથી રાજ્યમાં કડકડથી ઠંડી પડી રહી છે. પાછલા બે દિવસથી રાજ્યના સૌરાષ્ટ્ર, દક્ષિણ ગુજરાત અને મધ્ય ગુજરાતમાં સવારે ધૂમ્મસ છવાયેલું વાતાવરણ જોવા મળી રહ્યું છે. ઠંડી પવનો અને ધૂમ્મસના કારણે પણ ઠંડી દિવસ દરમિયાન અનુભવાય છે. સૌરાષ્ટ્રમાં લઘુત્તમ તાપમાનમાં કોલ્ડ વેવ પછી વધારો થઈ રહ્યો છે.

ગુજરાતમાં કોરોનાના કેસમાં ઉછાળો થતા ફરી કડક બનાવાઈ શકે છે નિયમો

રાજ્યમાં ફરી કમોસમી વરસાદની આગાહી

રાજ્યમાં ડિસેમ્બર મહિનામાં 28 અને 29 તારીખ દરમિયાન કમોસમી વરસાદ થવાની આગાહી વ્યક્ત કરવામાં આવી છે. રાજ્યના દક્ષિણ સૌરાષ્ટ્ર ભાગમાં કમોસમી વરસાદની અસર વધુ રહેવાની સંભાવના દેખાઈ રહી છે. આગામી દિવસોમાં હવામાન વિભાગ દ્વારા આ અંગે જાહેરત કરવામાં આવી શકે છે. વરસાદ થશે તો ફરી એકવાર તાપમાનનો પારો નીચો જવાની સંભાવના છે. બે દિવસથી સવારે ગાંધીનગર, અમદાવાદ, સુરતમાં ધૂમ્મસથી ચાદર પથરાયેલી જોવા મળી રહી છે. ધૂમ્મસના કારણે સવારે કામથી બહાર નીકળતા વાહનચાલકોને વિઝિબ્લિટી લો થતા તકલીફનો સામનો કરવો પડે છે. સામાન્ય રીતે શિળાયા દરમિયાન વર્ષના અંતમાં અને નવા વર્ષની શરુઆતમાં ધૂમ્મસ ઘેરાયલું રહેતું હોય છે.

અમદાવાદની પરિણીતાએ ત્રીજા લગ્ન પછી પણ સાસરિયા-પતિનો ત્રાસ વેઠ્યો, કરી ફરિયાદ
ગુજરાતના આજના તાપમાન પર નજર કરીએ તો 10 ડિગ્રી સાથે ગાંધીનગર રાજ્યનું સૌથી ઠંડું શહેર રહ્યું છે. જ્યારે સૌથી ઠંડા રહેતા નલિયામાં આશ્ચર્યજનક લધુત્તમ તાપમાન 14 ડિગ્રી નોંધાયું છે. આ સિવાય અમદાવાદમાં 11 ડિગ્રી, વડોદરા 12 ડિગ્રી, સુરત 14 ડિગ્રી અને રાજકોટમાં 17 ડિગ્રી લઘુત્તમ તાપમાન નોંધાયું છે.

ઉત્તર ભારતમાં થયેલી હિમવર્ષાની અસર ગુજરાત, રાજસ્થાન સહિતના રાજ્યોમાં વર્તાઈ રહી છે. દેશના મહત્વના શહેરોના તાપમાન પર નજર કરીએ તો નવી દિલ્હીમાં લુધુત્તમ તાપમાન 5 ડિગ્રીએ પહોંચ્યું છે. આ સિવાય ભોપાલનું 9, જયપુરનું 10 અને પુણેનું 13 ડિગ્રી લઘુત્તમ તાપમાન નોંધાયું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here