નાઈટ કર્ફ્યુ, બૂસ્ટર ડોઝ કે પછી ઈશ્વર, ભારતના લોકોને ઓમિક્રોનથી કોણ બચાવશે? – booster dose covid guidelines or god who will save indians from omicron

0


હાઈલાઈટ્સ:

  • કોરોના સામે લડવા માટે રસીને માનવામાં આવે છે મહત્વનું હથિયાર.
  • ભારત સહિત દુનિયાભરના દેશોમાં ઓમિક્રોનના કેસ વધી રહ્યા છે.
  • ભારત સરકાર ક્યારે બૂસ્ટર ડોઝ આપવાની શરુઆત કરશે?

નવી દિલ્હી- દેશભરમાં ઓમિક્રોના કેસ ધીરે ધીરે વધી રહ્યા છે. કોરોના સામે લડવા માટે રસીને એક મહત્વનું હથિયાર માનવામાં આવે છે. ત્યારે હવે પ્રશ્નો થઈ રહ્યા છે કે, બૂસ્ટર ડોઝ ક્યારે આવશે. ઈઝરાયલ અને જર્મનીએ બે ડોઝ આપી દીધા છે. ભારતની સરકાર પર પણ પ્રેશર છે. ઓમિક્રોન વેરિયન્ટના કેસ 300થી વધારે થઈ ગયા છે. વિપક્ષ પણ સરકારને પૂછી રહ્યા છે કે બૂસ્ટર ડોઝ આપવામાં આવશે કે કેમ.

10 લાખ વેક્સિન અને 10 હજાર ટન ઘઉં-ચોખા, મ્યાન્મારની સૈન્ય સરકાર પર ભારત કેમ મહેરબાન?

શું કોવિશીલ્ડ અને કોવેક્સિનના બન્ને ડોઝ લઈ ચૂકેલા લોકોની રોગપ્રતિકારક ક્ષમતા હજી પણ જળવાયેલી છે? જેમણે આ વર્ષની શરુઆતમાં રસીના ડોઝ લઈ લીધા છે તેમના શરીરમાં હજી પણ ઓમિક્રોન સામે લડવાની ઈમ્યુનિટી બચી છે? એવા અનેક પ્રશ્નો છે જે લોકોને પરેશાન કરી રહ્યા છે. સરકાર તરફથી હજી સુધી કોઈ ખુલાસો કરવામાં નથી આવ્યો. લોકો આપમેળે ગૂગલ કરીને પ્રશ્નોના ઉત્તર મેળવવાનો પ્રયત્ન કરી રહ્યા છે.

ઈઝરાયલે પોતાના દેશના નાગરિકોને બે-બે બૂસ્ટર ડોઝ આપ્યા છે. બ્રિટનમાં ઓમિક્રોનના કેસ વધી રહ્યા છે, દરરોજ એક લાખ કેસ સામે આવી રહ્યા છે. બ્રિટન પણ હવે ચોથા ડોઝ પર વિચાર કરી રહ્યો છે. જર્મનીએ ચોથા કોવિડ બૂસ્ટર ડોઝને રોલ આઉટ કરવાની જાહેરાત કરી છે. અમેરિકામાં પણ રાષ્ટ્રપ્રમુખ જો બાઈડન બૂસ્ટર ડોઝ લાવવા માટે તૈયાર છે. આ તમામ વાતો દરમિયાન અમુક એવા નિષ્ણાંતો પણ છે, જે બૂસ્ટર ડોઝને ફગાવી રહ્યા છે. દિલ્હીના એલએનજેપી હોસ્પિટલમાં દાખલ બ્રિટનથી આવેલા બે દર્દીઓ એવા છે, જે બન્ને ડોઝ અને બૂસ્ટર ડોઝ લગાવીને આવ્યા હતા, તો પણ ઓમિક્રોનનો શિકાર બન્યા. હવે આ દર્દીઓ અપવાદ પણ હોઈ શકે.

ક્યારે આવશે કોરોનાની ત્રીજી લહેર? ઓમિક્રોન હશે કારણ? IIT –Kના સંશોધકોએ કરી ધારણા
ભારતની વાત કરીએ તો કહેવામાં આવે છે કે સરકારે બૂસ્ટર ડોઝ બાબતે સર્વે કરવાની શરુઆત કરી છે. આ સર્વે એવા લોકો પર કરવામાં આવી રહ્યો છે જેમણે છ મહિના પહેલા બન્ને ડોઝ લીધા હતા. આવા લગભગ 3 હજાર લોકોની પસંદગી કરવામાં આવી હતી. આ સર્વે આધારે નક્કી કરવામાં આવશે કે ભારતમાં બૂસ્ટર ડોઝ માટેનો આ યોગ્ય સમય છે કે નહીં. લગભગ 1200 સેમ્પલ લેવામાં આવ્યા છે. આ તમામ ચર્ચાઓ દરમિયાન સાવધાની રાખવાને જ એક ઉપાય માનવામાં આવે છે. આજે પણ લોકો કોરોનાને ગંભીરતાથી નથી લેતા. દેશભરમાં વિવિધ રાજ્યો નાઈટ કર્ફ્યુ અમલમાં મૂકી રહ્યા છે. કોર્ટ દ્વારા પણ સલાહ આપવામાં આવી છે કે આવતા વર્ષની શરુઆતમાં ઉત્તર પ્રદેશમાં થનારી ચૂંટણી પર વિચાર કરવામાં આવે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here