2 abducted unjhas traders rescued: અમદાવાદમાંથી અપહરણ કરાયેલા ઊંઝાના બે વેપારીઓનો રાજકોટમાં છૂટકારો – 2 abducted unjha’s traders rescued from rajkot kidnappers hired by kin

0


હાઈલાઈટ્સ:

  • 1.25 કરોડ ન ચૂકવવા બદલ સાળા અને બિઝનેસ પાર્ટનરનું અપહરણનું કાવતરૂં રચ્યું
  • સરખેજમાં મસાલાની ડિલવરી કરવા આવેલા બંને વેપારીનું કારમાં અપહરણ કરાવ્યું
  • જામનગર લઈ જતી વખતે એક અપહ્યતે કારમાંથી કૂદકો મારીને પોલીસને મદદ માંગી

રાજકોટ: જીરાના લાખો રૂપિયાની લેતી-દેતીના વિવાદમાં ઉંઝાના બે વેપારીઓનું અમદાવાદમાંથી અપહરણ કરવામાં આવ્યું હતું, જો કે, રાજકોટમાંથી તેઓ કિડનેપર્સની ચુંગાલમાંથી છૂટી ગયા હતા. પ્રાપ્ત માહિતી પ્રમાણે એક વ્યક્તિએ રૂ. 1.25 કરોડની કથિત ચુકવણી ન કરવા બદલ તેના સાળા અને તેના બિઝનેસ પાર્ટનરનું અપહરણ કરવા માટે પ્રોફેશનલ ગુનેગારોને કામ સોંપ્યું હતું. જો કે, અમદાવાદના સરખેજમાંથી અપહરણ કરાયેલા બંને વેપારીઓને રાજકોટ પોલીસે ગુરુવારે બચાવી લીધા હતા.

પોલીસના જણાવ્યા મુજબ જીરાના વેપારી ભરત પટેલ અને તેના ભાગીદાર પાર્થ પટેલ બંને ઊંઝાના રહેવાસી છે. જ્યારે તેઓ સરખેજમાં મસાલાના માલની ડિલિવરી કરવા ગયા હતા ત્યારે તેમનું અપહરણ કરવામાં આવ્યું હતું. ભરત અને પાર્થ એક વેપારી સાથે વાત કરી રહ્યા હતા ત્યારે પાંચ વ્યક્તિઓ સ્થળ પર પહોંચ્યા અને બંનેને બળજબરીથી તેમની કારની અંદર બેસાડીને લઈ ગયા હતા. આ મામલે સરખેજ પોલીસ સ્ટેશનમાં અપહરણનો ગુનો નોંધવામાં આવ્યો હતો.

પોલીસ ઝોન-1ના ડેપ્યુટી કમિશનર મનોહરસિંહ જાડેજાએ પત્રકારોને જણાવ્યું હતું કે, ગુરુવારે સવારે અપહરણકારો બંને વેપારીને ભાવનગરથી જામનગર લઈ જઈ રહ્યા હતા ત્યારે મહિકા ગામ નજીક ભરતે પોલીસનું પેટ્રોલિંગ વાહન જોયું હતું અને તેમણે અપહરણકર્તાઓની કારમાંથી કૂદકો મારીને મદદ માંગી હતી.

પોલીસને જોઈને અપહરણકારોએ ભાગવાનો પ્રયાસ કર્યો હતો. દરમિયાન કોન્સ્ટેબલ રાજેશ જાદુની આગેવાની હેઠળની પોલીસ પેટ્રોલિંગ વાને અપહરણકારોનો પીછો કરીને પાર્થને છોડાવ્યો હતો. કારના ડ્રાઇવરની ઓળખ જાવેદ ચિરા (35) તરીકે કરવામાં આવી છે. બાકીના અપહરણકારો બીજી કારમાં હતા. પોલીસ તેમાંથી એક નદીમ સુરાને પકડી લીધો હતો, જ્યારે અન્ય ભાગી જવામાં સફળ થયા છે.

પોલીસ પૂછપરછ દરમિયાન એવું બહાર આવ્યું હતું કે ભરતના સાળા જામનગરના રહેવાસી પ્રભુદાસ પટેલે અપહરણકારોને ભાડે રાખ્યા હતા. પોલીસે જણાવ્યું હતું કે પ્રભુદાસ બિઝનેસ ડીલના રૂ. 1.25 કરોડના હિસ્સાની માંગ કરી રહ્યા હતા. પરંતુ ભરતે તેને માત્ર 25 લાખ રૂપિયા આપીને મામલો થાળે પાડ્યો હતો. આરોપીઓ પહેલા પીડિતોને ભાવનગર લઈ ગયા જ્યાં તેમને ફાર્મ હાઉસમાં બંધક બનાવીને રાખવામાં આવ્યા. ત્યાંથી તેઓ જામનગર તરફ જતા હતા અને પોલીસે તેમને અટકાવ્યા હતા.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here