ayodhya land deals issue: રામ મંદિરના ચુકાદા બાદ અયોધ્યામાં ગેરરીતિ આચરી જમીનોના સોદા થયાનો આક્ષેપ – up govt ordered an inquiry into allegedly unscrupulous ayodhya land deals

0


હાઈલાઈટ્સ:

  • ઉત્તરપ્રદેશ સરકારે અયોધ્યાના કથિત જમીન કૌભાંડની તપાસના આદેશ આપ્યા
  • વિરોધીઓની માંગ, તપાસ રાજ્યના અધિકારીઓ નહીં SIT પાસે કરાવવી જોઈએ
  • પ્રિયંકા ગાંધીએ કહ્યું કે આ મામલે શા માટે પીએ મોદી અને સીએમ યોગી ચૂપ છે?

લખનૌઃ રામ મંદિરની ફરી એકવાર ચર્ચાઓ શરુ થઈ છે, આ વખતે અયોધ્યામાં જમીન ખરીદીને કમાણી કરી લેવાનો મુદ્દો ચર્ચામાં આવ્યો છે. આ મામલે મહેસૂલ વિભાગના સ્પેશિયલ સેક્રેટરી દ્વારા તપાસ કરવામાં આવશે, આ વિવાદમાં જે દાવાઓ થઈ રહ્યા છે તેની તપાસ કરવાની સાથે જરુરી દસ્તાવેજો પણ કબજે કરવામાં આવશે.

અયોધ્યા નગરીમાં ભાજપના નેતા, સરકારી અધિકારીઓ અને તેમના સગા દ્વારા જમીન ખરીદવામાં આવી હોવાના મીડિયામાં રિપોર્ટ્સ આવ્યા બાદ મુખ્યમંત્રી યોગી આદિત્યનાથ દ્વારા તપાસના આદેશ આપવામાં આવ્યા હતા. ઉત્તરપ્રદેશમાં ચૂંટણી નજીક છે ત્યારે એવા પણ આક્ષેપો થઈ રહ્યા છે કે, પાર્ટી સાથે અને સરકાર સાથે જોડાયેલા મોટા માથાઓએ રામ મંદિર અંગે ચૂકાદો આવ્યા બાદ અહીં જમીનોની ખરીદી કરી લીધી હતી.

ડિસેમ્બરના અંતમાં કમોસમી વરસાદની આગાહી, ઠંડુગાર રહેતા નલિયાનું તાપમાન 14 ડિગ્રી

રાજ્યના મહેસૂલ વિભાગના અધિક મુખ્ય સચિવ મનોજ કુમાર સિંઘ જણાવે છે કે, તેમણે આ મુદ્દાની તપાસ માટે સ્પેશિયલ સેક્રેટરીને અયોધ્યાની શુક્રવારે મુલાકાત લેવા અંગે આદેશ આપ્યા છે અને આ મામલે જરુરી દસ્તાવેજો સાથેનો રિપોર્ટ ટીમ મુખ્યમંત્રીને એક અઠવાડિયાની અંદર સોંપશે.

સૂત્રો દ્વારા મળતી વિગતો પ્રમાણે એ બાબતની તપાસ કરવામાં આવશે કે, જમીનનો મુદ્દો શું હતો, શું જે જમીન ખરીદવામાં આવી છે તે અનુસૂચિત જાતિની છે, રામ જન્મભૂમિ ટ્રસ્ટ દ્વારા જમીનું પ્લોટિંગ કરીને કોઈ ષડ્યંત્ર રચીને વેચી રહ્યું છે, કારણ કે જે ઉદ્દેશ્યથી જમીન આપવામાં આવી છે તેને વેચી શકાય નહીં. શું કોઈ અધિકારીએ જમીન ખરીદી છે?

એક અધિકારીએ આ વિષયમાં વાત કરીને જણાવ્યું છે કે, “એક નિયમ પ્રમાણે અધિકારીઓએ જમીન ખરીદતા પહેલા મંજૂરી લેવાની હોય છે, પરંતુ આ મામલામાં નૈતિકતાનો પણ સવાલ છે. આ વિવાદને સંબંધિત તમામ દસ્તાવેજ એકઠા કરવામાં આવશે અને તેનો અભ્યાસ કરાશે.”

ગુજરાતમાં કોરોનાના કેસમાં ઉછાળો થતા ફરી કડક બનાવાઈ શકે છે નિયમો
અયોધ્યાની જમીન ખરીદ વેચાણના કથિત ગોટાળા અંગે બસપા અધ્યક્ષ માયાવતીએ આરોપ લગાવ્યો છે કે, અયોધ્યામાં નેતાઓ અને અધિકારીઓએ ફેંકી દેવાના ભાવમાં જમીન ખરીદ્યાના આરોપમાં ઉચ્ચસ્તરીય તપાસની માંગ કરી છે. માયાવતીએ સુપ્રીમ કોર્ટ આ મુદ્દે હસ્તક્ષેપ કરે તેવો પણ આગ્રહ કર્યો છે. જો કોઈ ગોટાળા કરવામાં આવ્યા હોય તો ડીલને રદ્દ કરવી જોઈએ. તેમણે આ મામલે કેન્દ્ર અને રાજ્ય સરકાર પણ જરુરી પગલા ભરે તેવી માગણી કરી છે.

બીજી તરફ કોંગ્રેસના નેશનલ જનરલ સેક્રેટરી પ્રિયંકા ગાંધી વાડ્રાએ ભાજપ પર અયોધ્યા રામ મંદીર ટ્રસ્ટને લૂંટવાનો આરોપ લગાવ્યો છે. આ મામલે તપાસના આદેશને પ્રિયંકાએ માત્ર લોકોની આંખ ધૂળ નાખવા જેવી બાબત ગણાવી છે. તેમણે એવો પણ સવાલ કર્યો છે કે શા માટે આ મુદ્દે વડાપ્રધાન નરેન્દ્ર મોદી અને મુખ્યમંત્રી યોગી આદિત્યનાથ ચૂપ છે? તેમણે એવી માંગ કરી છે કે આ મામલે તપાસની સીમા નક્કી કરવામાં આવે અને સાથે ટ્રસ્ટના સેક્રેટરી ચંપત રાય અને ટ્રસ્ટી અનિલ મિશ્રાનો શું રોલ છે તેની તપાસ થવી જોઈએ.

આમ આદમી પાર્ટીના સાંસદ સંજય સિંઘે સવાલ કર્યો છે કે, જ્યારે આમાં સરકારી અધિકારીઓ અને સત્તા પક્ષના નેતાઓના નામે સામે આવી રહ્યા છે ત્યારે યુપી સરકારના અધિકારીઓને કઈ રીતે તપાસ સોંપવામાં આવી છે? તેમણે એવો સવાલ કર્યો છે કે, “આ મામલે સરકારના જ અધિકારીઓ કઈ રીતે તેમના સહકર્મીની નિષ્પક્ષ તપાસ કરશે? તેના બદલે આ કેસની તપાસ SITને સોંપાવી જોઈએ.”



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here