mukesh kumar ias: અમદાવાદ મ્યુ. કમિશનર સહિત સાત IAS અધિકારીઓની બદલી કરાઈ – seven ias officers including ahmedabad municipal commissioner transferred

0


હાઈલાઈટ્સ:

  • અમદાવાદના બે વાર મ્યુ. કમિશનર બનનારા મુકેશ કુમારની આખરે વિદાય
  • મુકેશ કુમારની શહેરી વિકાસ વિભાગમાં પ્રિન્સિપાલ સેક્રેટરી તરીકે નિમણૂક
  • 1988ની બેન્ચના IAS મુકેશ પુરીને GSFCના એમડી બનાવવામાં આવ્યા

ગાંધીનગર: ગ્રામ પંચાયતની ચૂંટણીની આચારસંહિતા પૂરી થતાં જ રાજ્ય સરકારે સાત સનદી અધિકારીઓની બદલી કરી છે, જેમાં અમદાવાદના મ્યુનિસિપલ કમિશનર મુકેશ કુમારનો પણ સમાવેશ થાય છે. આ અંગે આજે બહાર પાડવામાં આવેલા નોટિફિકેશન અનુસાર, 1996ની બેન્ચના IAS મુકેશ કુમારની શહેરી વિકાસ અને અર્બન હાઉસિંગ વિભાગમાં પ્રિન્સિપાલ સેક્રેટરી તરીકે નિમણૂક કરવામાં આવી છે.

મુકેશ કુમારના સ્થાને અમદાવાદના મ્યુ. કમિશનર તરીકે 2002ની બેન્ચના IAS લોચન સેહરાની નિમણૂક કરવામાં આવી છે. અત્યારસુધી સેહરા શહેરી વિકાસ અને અર્બન હાઉસિંગ વિભાગમાં સેક્રેટરી તરીકે કાર્યરત હતા. કોરોના કાળ દરમિયાન તત્કાલિન મ્યુ. કમિશનર વિજય નહેરાને હટાવીને મુકેશ કુમારને આ પદ પર બેસાડવામાં આવ્યા હતા. મુકેશ કુમાર તે પહેલા પણ અમદાવાદના મ્યુ. કમિશનર રહી ચૂક્યા છે.

1988ના IAS મુકેશ પુરી અત્યારસુધી શહેરી વિકાસ અને શહેરી બાંધકામ વિભાગનો હવાલો ધરાવતા હતા, જેમની ઊર્જા વિભાગમાં ટ્રાન્સફર કરીને તેમને ગુજરાત સ્ટેટ ફર્ટિલાઈઝર્સ કંપની લિમિટેડ, વડોદરાના એમડી બનાવવામાં આવ્યા છે.

2004ની બેન્ચના અધિકારી રાકેશ શંકરને GADમાં યથાવત રાખીને તેમને શહેરી વિકાસ વિભાગમાં હાઉસિંગ અને નિર્મળ ગુજરાત શાખાના સેક્રેટરી તરીકેનો વધારાનો હવાલો સોંપવામાં આવ્યો છે. જ્યારે 2007ની બેન્ચના IAS બી.આર. દવેની એડિશનલ રુરલ ડેવલપમેન્ટ કમિશનરના પદેથી ટ્રાન્સફર કરીને ગુજરાત લાઈવલીહુડ પ્રમોશન કુ. લિમિટેડના એમડી તરીકે નિમણૂક કરવામાં આવી છે.

આ સિવાય 2012ની બેન્ચના કે.સી. સંપતને ગુજરાત લાઈવલીહુડ પ્રમોશન કુ. લિમિટેડના એમડીના પદેથી ટ્રાન્સફર કરી તેમને સુરેન્દ્રનગર જિલ્લાના ડીડીઓ બનાવાયા છે, જ્યારે 2016ની બેન્ચના અધિકારી નવનાથ ગવહાણેની ટ્રાન્સફર એડિશનલ રુરલ ડેવલપમેન્ટ કમિશનર તરીકે કરવાાં આવી છે. આ પદ પર અત્યારસુધી બી.આર. દવે કાર્યરત હતા.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here