khushbu Parmar Commercial Pilot: 12 વર્ષની ઉંમરે પિતાની છત્રછાયા ગુમાવનારી દલિત પરિવારની ખુશ્બુ પાયલોટ બની – khushbu parmar from vadodara became a commercial pilot

0


વડોદરા: નાનપણમાં પિતાની છત્રછાયા ગુમાવનારી વડોદરાની દલિત પરિવારની ખુશ્બુ પરમાર પાયલોટ બની છે. પ્રાપ્ત માહિતી અનુસાર ખુશ્બુની હાલમાં એક નામાંકિત એરલાઈન કંપનીમાં આસિસ્ટન્ટ પાયલોટ કરીકે પસંદગી થઈ છે. વડોદરાના મધ્યમવર્ગ પરિવાવરમાં ઉછરેલી 28 વર્ષીય ખુશ્બુ અંબાલાલ પરમારનું બાળપણથી જ આકાશમાં ઉડવાનું સ્વપ્ન હતું. પરંતુ નાનપણમાં જ પિતાના અવસાનને કારણે નબળી આર્થિક પરિસ્થિતિ ખુશ્બુના સપનાઓ વચ્ચે મુશ્કેલી સમાન હતી.

જો કે, ખુશ્બુના દૃઢ મનોબળને અને મહેનતને જોઈ ગુજરાત સરકારની કોમર્શિયલ લાઈસન્સ યોજના તેનું સ્વપ્ન સાકાર કરવામાં જોડાઈ ગઈ. સામાજિક ન્યાય અને અધિકારીતા વિભાગ દ્વારા ગુજરાત સરકારની યોજના હેળ 24.72 લાખની લોન મળતા આખરે ખુશ્બુનું કોમર્શિયલ પાયલોટનું લાયન્સ મેળવવાનું અને ઉજ્જવળ કારકિર્દી ઘડવાનું સફળ થતાં પરિવારની ખુશીનો પાર રહ્યો નથી.

5

આ અંગે ખુશ્બુ જણાવે છે કે, હું ખુબ જ ખરાબ સંજોગોમાંથી પસાર થઈ છું. હું 12 વર્ષની હતી અને પિતાની છત્રછાયા ગુમાવી. મારા માતા જશીબેન પરમાન કસ્તુરબા કન્યા છાત્રાલયમાં વોર્ડન તરીકે ફરજ બજાવે છે. તેઓએ મને અને મારા ભાઈને ઉછેરીને આ મુકામ સુધી પહોંચાડ્યા છે. મારો ભાઈ સરકારી સ્કોલરશીપ લઈને કેનેડા સ્થિર થયો છે અને ત્યાં ટ્રાન્સપોર્ટનો બિઝનેસ કરે છે.

જો કે, મારે પાયલોટ બનવાનું હતું એટલે ધોરણ-12 પછી વડોદરામાં આવેલી ગુજરાત ફ્લાઈંગ ક્લબમાં જોડાવાનું વિચાર્યું હતું, પરંતુ લાખોનો ખર્ચ હોવાથી ગુજરાત સરકારે સ્કોલરશીપ આપતા મેં એડમિશન લીધું હતું અને પાંચ વર્ષની ટ્રેનિંગ પછી મે કોમર્શિયલ પાયલોટનું લાયસન્સ મેળવી લીધું છે. જે બાદ એક ખાનગી એરલાઈન્સમાં મારું સિલેક્શન થયું હતું પરંતુ તેના માટે મારે આબુધાબી ખાતે એડવાન્સ ટ્રેનિંગ લેવી જરૂરી હતી. જેનો ખર્ચ 30 લાખ રૂપિયા હતો.

6

કોરાનાને કારણે બે વર્ષથી નથી કર્યું ફ્લાઈંગ
જેથી મારા માતાએ બે પ્રોપર્ટી અને સોનું વેચીને એ ટ્રેનિંગ શરૂ કરાવી હતી અને વર્ષ 2020માં મારી જોબ ચાલુ થવાની હતી અને કોરોના મહામારી આવી ગઈ. હવે હું રાહ જોઈ રહી છું ક્યારે મારી જોબ શરૂ થાય અને આકાશમાં ઉડવાનું મારું સપનું પુર્ણ કરું. ખુશ્બુએ વધુમાં જણાવ્યા અનુસાર, ટ્રેનિંગ દરમિયાન 208 કલાકનું સિંગલ ફ્લાઈંગ કર્યું છે અને અત્યાર સુધીની ટ્રેનિંગ પાછળ 55 લાખ રૂપિયાનો ખર્ચ થઈ ચૂક્યો છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here