Virat Kohli: સાઉથ આફ્રિકામાં 199 રન નોંધાવતા જ ખાસ યાદીમાં સામેલ થશે કોહલી – india vs south africa 2021 virat kohli 199 runs away to join elite club in test cricket

0


હાઈલાઈટ્સ:

  • ભારતીય ક્રિકેટ ટીમનો સુકાની વિરાટ કોહલી છેલ્લા ઘણા સમયથી નબળા ફોર્મમાં રમી રહ્યો છે
  • વિરાટ કોહલીએ છેલ્લે નવેમ્બર 2019માં પોતાની છેલ્લી ટેસ્ટ સદી ફટકારી હતી
  • કોહલીએ હાલમાં 97 ટેસ્ટમાં 7801 રન નોંધાવ્યા છે જેમાં તેની એવરેજ 50.65ની રહી છે

ભારતીય ક્રિકેટ ટીમનો સુકાની વિરાટ કોહલી છેલ્લા ઘણા સમયથી નબળા ફોર્મમાં રમી રહ્યો છે. ઘણા સમયથી તેણે ટેસ્ટમાં મોટી ઈનિંગ્સ રમી નથી. તેથી સાઉથ આફ્રિકા વિરુદ્ધ રવિવારથી શરૂ થનારી ટેસ્ટ સીરિઝમાં તે મોટો સ્કોર કરવા માટે આતુર છે. ભારત અને સાઉથ આફ્રિકા વચ્ચે 26 ડિસેમ્બરે સેન્ચ્યુરિયનમાં પ્રથમ ટેસ્ટનો પ્રારંભ થશે.

વિરાટ કોહલીએ છેલ્લે નવેમ્બર 2019માં પોતાની છેલ્લી ટેસ્ટ સદી ફટકારી હતી, ત્યારથી તે અત્યાર સુધી 22 ઈનિંગ્સ રમી ચૂક્યો છે. કોહલીની કારકિર્દીમાં ઈનિંગ્સની દ્રષ્ટીએ બે સદી વચ્ચે આ સૌથી મોટો અંતરાલ છે. આ દરમિયાન ટીમનું પ્રદર્શન શાનદાર રહ્યું છે પરંતુ કોહલીનું બેટ શાંત રહ્યું છે. કોહલી પણ સારી રીતે જાણે છે કે ભારતે સાઉથ આફ્રિકામાં પોતાની પ્રથમ ટેસ્ટ સીરિઝ જીતવી હશે તો તેણે બેટ વડે શ્રેષ્ઠ પ્રદર્શન કરવું પડશે.

દિગ્ગજ ઓફ સ્પિનર ​​હરભજન સિંહે આંતરરાષ્ટ્રીય ક્રિકેટને અલવિદા કહી દીધું

8000 રન પૂરા કરવાથી 199 રન દૂર છે કોહલી
કોહલીએ સાઉથ આફ્રિકામાં શાનદાર પ્રદર્શન કરીને એક ખાસ યાદીમાં સામેલ થઈ શકે છે. કોહલીએ હાલમાં 97 ટેસ્ટમાં 7801 રન નોંધાવ્યા છે. જેમાં તેની એવરેજ 50.65ની રહી છે. હવે તે ટેસ્ટ ક્રિકેટમાં 8000 રન પૂરા કરવાથી ફક્ત 199 રન દૂર છે. જો, તે 199 રન નોંધાવી લેશે તો ટેસ્ટમાં 8000 કે તેથી વધુ રન નોંધાવનારો તે છઠ્ઠો ભારતીય બની જશે.

આ યાદીમાં સચિન તેંડુલકર ટોચ પર છે. સચિને ટેસ્ટમાં 15,921 રન નોંધાવ્યા છે જે એક વર્લ્ડ રેકોર્ડ પણ છે. ત્યારબાદ વર્તમાન મુખ્ય કોચ રાહુલ દ્રવિડ બીજા ક્રમે છે. દ્રવિડે 13,265 રન નોંધાવ્યા હતા. સુનીલ ગાવસ્કર 10,122, વીવીએસ લક્ષ્મણ 8781 અને વીરેન્દ્ર સહેવાગ 8503 રન સાથે કોહલીથી આગળ છે.
એશિઝ સીરિઝઃ બે મેચમાં ઈંગ્લેન્ડની હાર થતાં ભડક્યો મેકગ્રા, IPLને ગણાવી દોષીનવેમ્બર 2019 બાદ કોહલીનું બેટ શાંત પડી ગયું છે. આ દરમિયાન તેણે પાંચ અડધી સદી ફટકારી છે તથા ચાર વખત ખાતું ખોલાવ્યા વગર જ પેવેલિયન ભેગો થયો છે. આ ઉપરાંત ચાર વખત 10થી ઓછા રનનો સ્કોર નોંધાવ્યો છે. પ્રત્યેક ક્રિકેટરની કારકિર્દીમાં ખરાબ તબક્કો આવતો જ હોય છે પરંતુ કોહલીએ 2015થી 2019 સુધી તમામ ફોર્મેટમાં સાતત્યપૂર્ણ પ્રદર્શન કર્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here